📙 നോവൽ, ✍ തുടർക്കഥ Image & Post

🥰ഷാൻ 💋മെഹബൂബ് 🌹ബാദുഷ 😘കണ്ണൂർ 🚩 - Author on ShareChat: Funny, Romantic, Videos, Shayari, Quotes

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/ml14dqNp?d=n&ui=v64j8rk&e1=c#ബൊമ്മലാട്ടം S02 ((EP11)) കോബയുടെ ബംഗ്ലാവ്. കാര്യങ്ങള്‍ വിശദീകരിച്ച മകന്‍ നെല്‍സനോട് അയാള്‍ പൊട്ടിത്തെറിച്ചു. "നീ എന്ത് കുരുത്തക്കേടാണ് നെല്‍സാ അവളോട് പറഞ്ഞത്? ഇതിനാണോ മരിയയെ കാണണമെന്നും സംസാരിക്കണമെന്നും നീ എന്നോട് ആവശ്യപ്പെട്ടത്?! ഇതിനാണോ നീ അവളുമായി ചങ്ങാത്തം സ്ഥാപിച്ചത്?! നിനക്കെങ്ങനെ ധൈര്യം വന്നു അവളോട് ഇങ്ങനെയൊക്കെ പറയാന്‍?!" ബംഗ്ലാവ് മുഴുക്കേ അയാളുടെ ആക്രോഷം മുഴങ്ങി. തൊട്ടു പുറകിലായി മോറിസ് കൈകള്‍ കെട്ടി തല താഴ്ത്തി നില്‍പ്പുണ്ട്. "കേള്‍ക്കുന്നുണ്ടോ മോറിസ് ഇവന്‍റെ ഓരോ കുരുത്തക്കേടുകള്‍. ഇവന് എന്താ ഇവിടെ കുറവ്. എന്ത് ആവശ്യപ്പെട്ടാലും ഞാനത് സാധിച്ചു കൊടുക്കാറില്ലേ! ഈ മരിയയുടെ വിഷയം പോലും. എന്നിട്ടും.. എന്നിട്ടും.. ഇവനെന്തിനാ ഇതുപോലെയൊക്കെ?!!" എല്ലാം കേട്ട് നെല്‍സന്‍ അനങ്ങാതെയിരുന്നു. "പപ്പ പറഞ്ഞതൊക്കെ ശരിയാണ്. എന്‍റെ എല്ലാ ആഗ്രഹങ്ങളും അങ്ങ് സാധിച്ചു തരാറുണ്ട്. എന്നെ നല്ലപോലെ പരിചരിക്കാറുണ്ട്. പക്ഷേ അതുകൊണ്ട് മാത്രമായോ പപ്പാ??!! എന്‍റെ മമ്മയെ കണ്ട ഒരോര്‍മ്മ പോലും എനിക്കില്ല. സര്‍വ്വ സൗഭാഗ്യങ്ങളും എനിക്കൊരുക്കി തന്ന അങ്ങ് ഒരു മമ്മയെ വേണമെന്ന എന്‍റെ ആഗ്രഹം ഇതുവരെ സാധിച്ചു തന്നിട്ടില്ല." കോബ നിശബ്ദം കേട്ട് നിന്നു. "ക്രൂരതകള്‍ ഒരുപാട് പപ്പ ചെയ്തു കൂട്ടിയുണ്ട്. നരാധന്മമാരെ പോലെ ഒരുപാട് പേരെ പപ്പ കൊന്നൊടുക്കിയിട്ടുണ്ട്. അറിയാം.. എനിക്കതെല്ലാം അറിയാം. ഇത്തരം ക്രൂരതകള്‍ ചെയ്തു കൂട്ടിയ പപ്പയ്ക്ക് മകന്‍ അസുഖക്കാരനാണെന്നറിഞ്ഞപ്പോള്‍ നിസ്സാരമായി ആ മകനെ കഴുത്ത് ഞെരിച്ചു കൊലപ്പെടുത്താമായിരുന്നു. പക്ഷേ പപ്പയത് ചെയ്തില്ല. കാരണം പപ്പ സ്വന്തം മകനെ അത്രയേറെ സ്നേഹിച്ചിരുന്നു. അങ്ങയുടെ ഉള്ളിന്‍റെയുള്ളിലെ ഉള്ളറയില്‍ കടുക് മണിയോളം നന്മയുണ്ട് എന്നതിന്‍റെ ഏറ്റവും വലിയ തെളിവാണ് പപ്പാ ജീവിച്ചിരിക്കുന്ന ഈ ഞാന്‍.!" "മോനേ.?? നെല്‍സാ..!" തരിമ്പും കുലുങ്ങാത്ത കോബയുടെ ഹൃദയത്തില്‍ അന്നാദ്യമായി ഇടിവെട്ടി. അയാളുടെ കണ്ണുകളില്‍ നിന്നും രണ്ടിറ്റ് കണ്ണീരൊഴുകി. നെല്‍സനെ അയാള്‍ മാറോടണച്ചു. "നീ ഇതെന്തൊക്കെയാടാ ഈ പറയുന്നേ?! ഇതൊക്കെ പപ്പയ്ക്ക് ശരിയാവുമോ?! മോന് ശരിയാവുമോ??" നെല്‍സന്‍ തേങ്ങാന്‍ തുടങ്ങി. "എനിക്കുറപ്പുണ്ട്.. എല്ലാം ശരിയാവും പപ്പാ. മരിയയെ മമ്മയെന്ന് വിളിക്കാന്‍ ഞാന്‍ വിങ്ങുന്നു. എന്‍റെ നാവ് കൊതിക്കുന്നു." കോബ അവനെ നേരിട്ടു നോക്കി. "മരിയയെ പപ്പ സ്നേഹിച്ചിട്ടില്ലെന്നു മാത്രം എന്നോട് പറയരുത്. പല തവണ പപ്പയില്‍ നിന്നും ഞാനത് ഫീല്‍ ചെയ്തിട്ടുണ്ട്. മരിയ അടുത്തുള്ളപ്പോള്‍ പപ്പ മറ്റൊരാളായി മാറുന്നത് ഞാന്‍ കണ്ടിട്ടുണ്ട്. സത്യസന്ധമായ ആ ആഗ്രഹത്തെ സ്വന്തം ഈഗോ കൊണ്ട് മറച്ചു പിടിക്കാന്‍ ശ്രമിക്കുകയാണ് അങ്ങ്. വേണം പപ്പാ.. മരിയയെ എനിക്ക് മമ്മയായി വേണം പപ്പാ.. പ്ലീസ് പപ്പാ.. പ്ലീസ്.." നെല്‍സന്‍ പൊട്ടിക്കരഞ്ഞു. കൃത്യമായ ഒരുത്തരം നല്‍കാന്‍ കഴിയാതെ കോബ വിഷണ്ണനായി മകനെ പുണര്‍ന്നു. ********************************************************************************** സമയം പാതിരാത്രിയോട് അടുക്കുന്നു. നെല്‍സന്‍റെ വാക്കുകള്‍ കടന്നല്ലുകളെ പോലെ മരിയയുടെ ശിരസ്സിനു ചുറ്റായി മൂളി പറക്കുകയായിരുന്നു. അവള്‍ തലങ്ങും വിലങ്ങും ചിന്തിച്ചു. കോബയെ പോലെയൊരു വ്യക്തിയുടെ ഭാര്യയാവാന്‍ എന്തു യോഗ്യതയാണ് തനിക്ക്?! എന്നിട്ടും നെല്‍സന്‍ അത് ആവശ്യപ്പെട്ടിരിക്കുന്നു. മരിയയുടെ ഹൃദയം അമിതമായ വേഗതയില്‍ മിടിച്ചു. മകന്‍റെ ആഗ്രഹം ഇതായിരുന്നുവെന്ന് അദ്ധേഹം അറിഞ്ഞു കാണുമോ?! എല്ലാം അറിഞ്ഞുകൊണ്ട് ഒരു നാടകം കളിക്കുകയാണോ ഡിക്സന്‍ കോബ?! മുറിയാകെ ഉലാത്തി മരിയ അങ്ങനെയും ചിന്തിച്ചു. എത്രയൊക്കെ ചിന്തിച്ചു കൂട്ടിയിട്ടും അവള്‍ക്ക് വ്യക്തമായ ഒരുത്തരം ലഭിക്കുന്നില്ല. മനസ്സില്‍ ഇപ്പോഴും നെല്‍സനും കോബയും നിറഞ്ഞങ്ങനെ നില്‍ക്കുന്നു... മകന്‍ ഉറങ്ങുകയാണെന്ന് ഉറപ്പു വരുത്തി കോബ ബംഗ്ലാവിന്‍റെ മട്ടുപ്പാവില്‍ ചെന്നു. ആകാശത്ത് തിളങ്ങി നില്‍ക്കുന്ന പൂര്‍ണ്ണ ചന്ദ്രനെ കോടയില്‍ക്കിടയിലൂടെ അയാള്‍ ആസ്വദിച്ചു കണ്ടു. മരിയയെ കണ്ടുമുട്ടിയ നാള്‍ മുതല്‍ ഹൃദയത്തിന്‍റെ അറകളിലൊന്നില്‍ അവള്‍ കൂടു കൂട്ടിയിരുന്നു. പിന്നെയും പിന്നെയും അവളെ കാണാന്‍ മനസ്സ് കൊതിച്ചിരുന്നു. എന്തായിരിക്കും അതിന്‍റെ അര്‍ത്ഥമെന്ന് അറിയില്ലായിരുന്നു. പിന്നീട് നിരവധി തവണ നെല്‍സനേയും മരിയയേയും ഒരുമിച്ച് കാണുമ്പോള്‍ ഹൃദയം ഇതേ അവസ്ഥയില്‍ തന്നെ തിരിച്ചെത്തി. ഇതിന്‍റെയൊക്കെ പൊരുളെന്തെന്ന് താന്‍ മനസ്സിലാക്കിയില്ലെങ്കിലും തന്‍റെ മകന്‍ നെല്‍സന്‍ അതെല്ലാം കാണുന്നുണ്ടായിരുന്നു. മനസ്സിലാക്കിയിരുന്നു. അയാള്‍ ദീര്‍ഘമായി ഒന്നു ശ്വസിച്ചു. തിരക്കുകള്‍ ഒഴിയാത്ത പട്ടണത്തിലേക്കും ആ ദൃഷ്ടികള്‍ പായ്ച്ചു. ഈ മെക്സിക്കോ സിറ്റിയുടെ അധിപനാണ് താന്‍. തന്‍റെ പ്രജകളെല്ലാം ഇപ്പോഴും തിരക്കുകളില്‍ തന്നെയാണ്. ചക്രവര്‍ത്തിയെ പോലെ കോബ ഞെളിഞ്ഞു നിന്നു. അപ്പോഴാണ് മോറിസ് പിന്നില്‍ വന്നത്. ആ കാല്‍പ്പെരുമാറ്റം കോബ ശ്രദ്ധിച്ചിരുന്നു. "ബോസ്സ്..??" എത്തിയുടനെ അയാള്‍ വിളിച്ചു. അതേ നില്‍പ്പില്‍ തിരിഞ്ഞു നോക്കാതെ കോബ ഗാഭീര്യമായി മൂളി. "നെല്‍സന്‍റെ ആഗ്രഹം താനും കൂടി കേട്ടതല്ലേ?!" "അതെ ബോസ്സ്.!" മോറിസ് കൈകെട്ടി നിന്നു. കോബ അയാള്‍ക്കു നേരേ തിരിഞ്ഞു. "ഈ ലോകത്ത് എന്തും നമുക്ക് പണം കൊടുത്ത് വാങ്ങാന്‍ കഴിയും മോറിസ്. നെല്‍സന് എന്താ ആഗ്രഹം?! ദാ ആ കാണുന്ന ചന്ദ്രനിലേക്ക് പോകണോ? അതോ പ്രസിഡന്‍റുമായി അത്താഴം കഴിക്കണോ?! അതുമല്ലെങ്കില്‍ ചിറകുകള്‍ വച്ച് ലോകം മുഴുവന്‍ അവന് ചുറ്റണോ?! എന്തും ഞാന്‍ അവനുവേണ്ടി സാധിച്ചു കൊടുക്കും. കാരണം അവന്‍റെ പപ്പയ്ക്ക് അതിനു വേണ്ടത്ര സമ്പത്തുണ്ട്. പ്രതാപമുണ്ട്. പക്ഷേ എത്രയൊക്കെ സമ്പത്ത് കൊടുത്താലും കിട്ടാത്ത ഒരു കാര്യമാണ് അവന്‍ ആവശ്യപ്പെട്ടത്. ഒരു പെണ്ണിന്‍റെ മനസ്സ്.! അഭിമാനിയായ ഒരു പെണ്ണിന്‍റെ മനസ്സ് സ്വന്തമാക്കുക എന്നത് അത്ര എളുപ്പമുള്ള കാര്യമല്ലാടോ മോറീസ്.." അനുകൂലിച്ചെന്ന മട്ടില്‍ മോറീസ് തലയാട്ടി. "നെല്‍സന്‍ കുഞ്ഞല്ലേ. ഒരു മമ്മയെ വേണമെന്ന ആഗ്രഹുമായി ആ മനസ്സ് നൊമ്പരപ്പെടുന്നതാണ് അത്." "അതെ. അതുതന്നെയാണ്. എന്‍റെ മകന്‍ നെമ്പരപ്പെടുകയാണ്. പക്ഷേ ആ നൊമ്പരം കാണാന്‍ കഴിയാത്ത മഠയനായ പപ്പയായിരുന്നോ ഇത്രയും നാള്‍ ഞാന്‍?!" "അല്ല ബോസ്സ്. അങ്ങ് അത്തരത്തില്‍ ചിന്തിക്കരുത്. നെല്‍സന് വേണ്ടതെല്ലാം ചെയ്തു കൊടുക്കുന്ന അങ്ങയേയും ആ മനസ്സിനേയും ഞാന്‍ കാണുന്നുണ്ട്. ഇവിടെ ഒരല്‍പ്പം പാളിച്ച പറ്റിയെന്നേയുള്ളൂ." "അതെ.. പാളിച്ച പറ്റി. അതാണ് സത്യം. പക്ഷേ ഇക്കാര്യത്തില്‍ എന്‍റെ മകന്‍ ഇനിയും വേദനിക്കാന്‍ പാടില്ല മോറിസ്. അവന്‍റെ ആഗ്രഹം സാധിച്ചു കൊടുക്കുക തന്നെ വേണം. എന്തുതന്നെ സംഭവിച്ചാലും ശരി." "ബോസ്സ് പറഞ്ഞു വരുന്നത്?!" മോറിസ് സംശയിച്ചു. "അതുതന്നെ മോറിസ്., മരിയ എന്‍റെ ഭാര്യയായി നെല്‍സന്‍റെ മമ്മയായി ഈ വീടിന്‍റെ പടി ചവിട്ടി വരണം. കോബാ കുടുംബത്തിലേക്ക് അവള്‍ വേണം." ദൃഢമായി കോബ പറഞ്ഞു. "പക്ഷേ മരിയയെ പോലെയൊരു സാധാരണക്കാരിക്ക് ഇത് ഉള്‍ക്കൊള്ളാന്‍ കഴിയുമോ ബോസ്സ്.?!" "എന്തുകൊണ്ടില്ല??! ജുവാനയും ഒരു സാധാരണക്കാരി ആയിരുന്നു. എന്നിട്ടും അവളെന്‍റെ ജീവിതത്തിലേക്ക് കടന്നു വന്നില്ലേ., എന്‍റെ മകനെ പ്രസവിച്ചില്ലേ?!" "ശരിയായിരിക്കാം ബോസ്സ്. പക്ഷേ അങ്ങ് ആദ്യം പറഞ്ഞതുപോലെ പെണ്ണിന്‍റെ മനസ്സാണ്. അതും അഭിമാനിയായ പെണ്ണിന്‍റെ മനസ്സ്. അതിനെ അത്ര പെട്ടെന്ന് വരുതിയിലേക്ക് കൊണ്ടു വരിക പ്രയാസമാണ്. ആദ്യം നമുക്കറിയേണ്ടത് മരിയയ്ക്ക് ഇതിന് സമ്മതമാണോ എന്നുള്ളതാണ്." "അതെ., അതുതന്നെയാണ് ആദ്യം വേണ്ടത്. ഇക്കാര്യം നെല്‍സന്‍ മരിയയോടും അവതരിപ്പിച്ചു എന്നാണ് അവന്‍ പറഞ്ഞത്. ഒരു ദിവസം ആലോചിക്കാന്‍ സമയവും കൊടുത്തിട്ടുണ്ട്. കണക്കു കൂട്ടലുകള്‍ ശരിയാണെങ്കില്‍ നാളെ രാത്രിയോടെ മരിയയുടെ തീരുമാനം അറിയാം. നാളെയും അറിയാന്‍ കഴിഞ്ഞില്ലെങ്കില്‍ ഞാന്‍ നേരിട്ട് അവളോട് ചോദിക്കും. എന്‍റെ മകനു വേണ്ടി. കോബാ സാമ്രാജ്യത്തിലേക്ക് എന്‍റെ ഭാര്യയായി വരാന്‍ സമ്മതമാണോ എന്ന്?!" "സമ്മതമല്ല എന്ന് മരിയ അറിയിച്ചാല്ലോ?!" പെട്ടെന്ന് മോറിസ് ചോദിച്ചു. "അങ്ങനെ അവള്‍ പറഞ്ഞാല്‍ ഈ അദ്ധ്യായം ഇതോടെ തീരും. എന്‍റെയും നെല്‍സന്‍റെയും ജീവിതത്തില്‍ നിന്നും മരിയയെ അടര്‍ത്തി മാറ്റും. എന്നിട്ട്?! നെല്‍സന് സമ്മതമാണെങ്കില്‍ മറ്റൊരു സ്ത്രീയെ ഞാന്‍ വിവാഹം ചെയ്യും. അവനെ പൊന്നുപോലെ നോക്കാന്‍ കഴിവുള്ള സ്ത്രീ." "അതുപോലെയൊരു സ്ത്രീ മരിയ മാത്രമായിരിക്കും ബോസ്സ്. അവളല്ലാതെ ലോകത്ത് മറ്റാരും അങ്ങനെയുണ്ടാവില്ല." കോബ നിശബ്ദമായി. "അതെ ബോസ്സ്., മരിയ തന്നെയാണ് അങ്ങയുടെ ജീവിതത്തില്‍ ഈ കുടുംബത്തില്‍ തന്നെ കയറി വരേണ്ട സ്ത്രീ. അതുകൊണ്ട് മരിയയെ ഏതു വിധത്തിലും അങ്ങ് കൊണ്ടുവരണം." മോറിസിന്‍റെ അഭിപ്രായത്തോട് അനുകൂലിച്ചെന്ന മട്ടില്‍ കോബ ശിരസ്സാട്ടുകയായിരുന്നു. *********************************************************************************** അടുത്ത ദിവസത്തെ സൂര്യോദയം. രണ്ടു കാര്യങ്ങള്‍ സംഭവിക്കാനായിരിക്കണം അന്ന് സൂര്യന്‍ ഉദിച്ചത്. സംഭവിക്കാനുള്ളത് സംഭവിച്ചിരിക്കണം. അതിനെ തടയാന്‍ ആരെക്കൊണ്ടും ആവില്ല. ചില നിര്‍ണ്ണായക ഘട്ടങ്ങളെ തരണം ചെയ്യേണ്ടതായി വരും. തരണം ചെയ്യണം. കരണും കോബയും കൊമ്പു കോര്‍ക്കാന്‍ വേണ്ട സാഹചര്യം ഒരുക്കാന്‍ ദൈവം തിരഞ്ഞെടുത്തത് ഈ ദിവസമായിരിക്കാം. പതിവുപോലെ ജോര്‍ജ്ജിന്‍റെ ലോഡ് ടൗണിലെ മാളില്‍ കൃത്യമായി ഇറക്കി അന്നത്തെ രാത്രി അല്‍പ്പം വൈകിയാണ് കരണ്‍ തിരിച്ചത്. സെല്‍ഫ് പെട്രോള്‍ സ്റ്റേഷനില്‍ വണ്ടിയൊതുക്കി കരണ്‍ ഇന്ധനം നിറയ്ക്കവേയാണ് ചെറിയൊരു സൂപ്പർ മാർക്കറ്റ് കുറച്ചകലെയായി കണ്ടത്. അപ്പോള്‍ മാത്രമാണ് ശിവാനി തന്നോട് വാങ്ങിത്തരണമെന്ന് ആവശ്യപ്പെട്ട കളിപ്പാട്ടത്തെ കുറിച്ച് അവനോര്‍ത്തത്. ലോഡ് ഇറക്കേണ്ട മാളില്‍ നിന്നും താനത് ഓര്‍ത്തില്ലല്ലോ എന്ന് ചിന്തിച്ചപ്പോള്‍ അവന്‍ സ്വയം ചമ്മി. വണ്ടി മറ്റൊരു ഭാഗത്ത് ഒതുക്കി നിര്‍ത്തി തന്‍റെ ഹൂഡി ക്യാപ്പ് തലയിലിട്ട് കരണ്‍ ആ കുഞ്ഞു ഷോപ്പിംഗ് മാളിലേക്ക് പ്രവേശിച്ചു. ടോയ്സ് സെക്ഷനില്‍ കയറി ശിവാനി ആവശ്യപ്പെട്ട ബാര്‍ബി ഗേള്‍ തിരയുന്നതിനിടയിലാണ് മൂന്ന് കാറുകള്‍ ചീറി പാഞ്ഞെത്തിയത്. ആല്‍ബര്‍ത്തോയും ഏഴോളം പേരടങ്ങുന്ന ഗ്യാങും വെകിളി പിടിച്ചപോലെ ചാടിയിറങ്ങി മാളിനകത്തേക്ക് പ്രവേശിച്ചു. ഇതേ സമയം ബംഗ്ലാവില്‍ കോബയുടെ മുന്നില്‍ മോറിസ് പാഞ്ഞെത്തി. "ബോസ്സ്., നമ്മുടെ കോളനികളില്‍ കയറി പൂണ്ടു വിളയാടിയ ബസീനോ അവന്‍റെ ചൂതാട്ട കേന്ദ്രത്തിലുണ്ട്." ആ വാര്‍ത്ത കോബയുടെ കോപത്തെ ഇരിട്ടിച്ചു. തന്‍റെ സന്നാഹങ്ങളുമായി അയാള്‍ പുറപ്പെടുകയായിരുന്നു. ബസീനോയെന്ന സ്പാനിഷ് വംശത്തിലെ തന്‍റെ ശത്രുവിനെ അടിച്ച് നിലംപരിശാക്കി കോബയും ഗ്യാങ്ങും തിരിക്കവേയാണ് മോറിസ് അത് ചോദിച്ചത് : "ബോസ്സ് ഇനി നമ്മള്‍ എവിടേക്കാണ്??" "നമുക്ക് എപിടോം ചര്‍ച്ചിലേക്കാണ് പോവേണ്ടത്. അവിടെ അവളുണ്ട്.. മരിയ.. എനിക്ക് അവളെയൊന്നു കാണണം.. അവിടേക്ക് വരാന്‍ മരിയ ഇപ്പോള്‍ മെസ്സേജ് എനിക്ക് ചെയ്തിരുന്നു." മോറീസ് ചിരിയോടെ തലയാട്ടി. ആല്‍ബര്‍ത്തോയും സംഘവും മാളിലെ ഓരോ മൂലയും കരുതലോടെ തിരയവേ ആയിരുന്നു ആ സ്ത്രീയെ കണ്ണിലുടക്കിയത്. ഏകദേശം നാല് വയസ്സ് മാത്രം പ്രായമുള്ള മകളോടൊത്ത് നില്‍ക്കുന്ന സ്ത്രീ ആല്‍ബര്‍ത്തോയെ കണ്ട് നടുങ്ങിപ്പോയി. "എടീ നായിന്‍റെ മോളേ.. പണം തരാതെ നീ ഇവിടെ ഒളിച്ചിരിക്കുകയാണോ?!" ആല്‍ബര്‍ത്തോ തന്‍റെ കൈ വീശി സ്ത്രീയുടെ വയറില്‍ കനത്തിലൊരിടി കൊടുത്തു. പ്രാണന്‍ പറിയുന്ന വേദനയോടെ അവള്‍ കുമ്പിട്ടു പോയി. മകള്‍ നിലവിളിച്ചു കരയാന്‍ തുടങ്ങി. ആല്‍ബര്‍ത്തോയുടെ വസ്ത്രത്തില്‍ പിടിത്തമിട്ട് തന്‍റെ അമ്മയെ ഒന്നും ചെയ്യരുതെന്ന് ആ മകള്‍ ദയനീയമായി യാചിച്ചു. "ഛീ., മാറി നില്‍ക്ക് ശവമേ.!" കുട്ടിയെ ഒരു തള്ളും കൊടുത്ത് സ്ത്രീയുടെ നേര്‍ക്ക് ആക്രോഷത്തോടെ ആല്‍ബര്‍ത്തോ അടുത്തു. "മോളേ., എന്‍റെ കുഞ്ഞിനെ ഒന്നും ചെയ്യരുത്." അവള്‍ അവനെ നോക്കി യാചിച്ചതും മുഖം പൊത്തി ഒരു വീക്കായിരുന്നു ആല്‍ബര്‍ത്തോയുടെ മറുപടി. രക്തം തുപ്പി ആ സ്ത്രീ തറയില്‍ കമിഴ്ന്നു വീണു. ആല്‍ബര്‍ത്തോ തന്‍റെ താണ്ഡവം നിര്‍ത്താന്‍ തയ്യാറല്ലായിരുന്നു. താഴെ കിടക്കുന്ന സ്ത്രീയെ തലങ്ങും വിലങ്ങും പുറംകാലുകൊണ്ട് അവന്‍ തൊഴിച്ച് രസിച്ചു. കൂടെയുള്ള ശിങ്കിടികള്‍ ആ രംഗം കണ്ട് പൊട്ടിച്ചിരിയുടെ ശബ്ദം അല്‍പ്പം കൂടി ഉച്ചത്തിലാക്കി. "പൊലയാടി മോളേ., രണ്ടാഴ്ചയ്ക്കകം തരാം എന്നു പറഞ്ഞായിരുന്നില്ലേ നീ എന്‍റെ കൈയ്യില്‍ നിന്നും കൊക്കൈന്‍ സ്റ്റോക്ക് വാങ്ങിയത്. ഇപ്പോ ഒരു മാസത്തിലധികമായി സാധനവുമില്ല., പണവുമില്ല. ഈ ആല്‍ബര്‍ത്തോയെ കബളിപ്പിച്ച് രക്ഷപ്പെടാമെന്നാണോ നിന്‍റെയൊക്കെ വിചാരം?! ഇല്ലടീ.. അതൊരിക്കലും സംഭവിക്കില്ല. നീരാളി പിടുത്തം പോലെ വരിഞ്ഞു മുറുക്കി ശ്വാസം മുട്ടിച്ച് കൊല്ലും നിന്നെ ഞാന്‍. കേട്ടോടീ നായിന്‍റെ മോളേ..." അത്രയും അലറി സ്ത്രീയുടെ ശിരസ്സില്‍ ബൂട്ടുകൊണ്ട് ചവിട്ടി ബലത്തിൽ അവന്‍ തിരുമ്മി. വേദന സഹിക്ക വയ്യാതെ അവള്‍ അതേ കിടപ്പില്‍ പുളഞ്ഞു കരഞ്ഞു. "മമ്മാ.. മമ്മാ.. എന്‍റെ മമ്മയെ ഒന്നും ചെയ്യല്ലേ.." ആ പിഞ്ചു ബാലിക ഉച്ചത്തില്‍ കരഞ്ഞു. മൃഗീയമായ ആ രംഗം കണ്ടില്ലെന്ന മട്ടില്‍ ഏതാനും ആളുകള്‍ ശിരസ്സു താഴ്ത്തി നില്‍ക്കുമ്പോള്‍ മറ്റൊരാള്‍ തന്‍റെ രക്തം തിളച്ചു മറിഞ്ഞ് സംഹാര മൂര്‍ത്തിയോടെ തല ഉയര്‍ത്തി നില്‍ക്കുകയാണ്. അവന്‍റെ പേര് കരണ്‍ എന്നായിരുന്നു. ഉരുക്കിന്‍റെ ചങ്കുറപ്പുള്ള കരണ്‍. വീണ്ടും വീണ്ടും ആല്‍ബര്‍ത്തോ ആ സ്ത്രീയെ മര്‍ദ്ദിച്ചുകൊണ്ടേയിരുന്നു. അവളില്‍ നിന്നും രക്തം ഭിത്തികളില്‍ തെറിച്ചു. "അയ്യോ.. എന്‍റെ മമ്മയെ കൊല്ലല്ലേ.. മമ്മ പാവമാണ്.." നിലവിളിയോടെ ആ കുഞ്ഞ്, ആല്‍ബര്‍ത്തോയുടെ കാലില്‍ പിടിച്ച് കേണു. "ഹ അസത്തേ., മാറി നിന്നോ നീ. ഇല്ലേല്‍ നിന്നെയും ഞാന്‍ കൊല്ലും..." കാതുകള്‍ പൊട്ടുമാറ് അലര്‍ച്ചയോടെ കുഞ്ഞിനെ അവന്‍ പുറംകാലുകൊണ്ട് തൊഴിച്ചതും അവള്‍ ദൂരേക്ക് തെറിച്ചു. ദൈവത്തിന്‍റെ അദൃശ്യം കരം എന്നെ പോലെ രണ്ട് കൈകള്‍ ആ പെണ്‍കുട്ടിയെ വീഴാതെ പിടിച്ചു നിര്‍ത്തി. കരണ്‍ ആയിരുന്നുവത്. മുട്ടിലിരുന്ന് ആ കുഞ്ഞിനെ അവന്‍ സമാധാനിപ്പിച്ചു. "അങ്കിള്‍.. അങ്കിള്‍.. എന്‍റെ മമ്മ.. എന്‍റെ മമ്മയെ ഈ ചീത്തയാളുകള്‍ കൊല്ലും. ഞങ്ങള്‍ക്ക് ആരുമില്ല അങ്കിള്‍.." അവള്‍ തേങ്ങലടിച്ച് കരഞ്ഞു. "മോളു കരയാതെ. ഇവിടെ അങ്കിളില്ലേ.. ദാ ഈ ചോക്ലേറ്റ് മോള് കഴിച്ചു തീരുന്നതിനു മുമ്പേ ആ ചീത്തയാളുകളെ അങ്കിള്‍ ഒരു പാഠം പഠിപ്പിക്കും." കരണ്‍ കുട്ടിയുടെ കണ്ണീര് തുടച്ചതും ആശ്വാസമെന്നതു പോലെ അവള്‍ പുഞ്ചിരിക്കാന്‍ ശ്രമിച്ചു. കരണിന്‍റെ വാക്കുകള്‍ ശ്രവിച്ച ആല്‍ബര്‍ത്തോ സൂക്ഷ്മതയോടെ കരണിനെ നോക്കി. മുട്ടിലിരിക്കുന്ന കരണിന്‍റെ മുഖം വ്യക്തമല്ല. മാത്രമല്ല., അവന്‍ ഹൂഡി ക്യാപ്പ് ധരിച്ചിട്ടുമുണ്ട്. "ഹത് കൊള്ളാമല്ലോടാ ബ്രദര്‍. ഞങ്ങള്‍ ഇത്രയും പേരില്‍ നിന്നും നീ ഈ വൃത്തികെട്ടവളേയും മകളേയും രക്ഷിക്കുമെന്നോ?! കൗതുകമായിരിക്കുന്നു ആ വാക്കുകള്‍. എങ്കില്‍ എനിക്കതൊന്നു കാണണമല്ലോ.." ആല്‍ബര്‍ത്തോ പരിഹാസമായി ചിരിച്ച ശേഷം കണ്ണുകള്‍കൊണ്ട് ആംഗ്യം കാണിച്ചു. അതിനര്‍ത്ഥം പിടികിട്ടിയ കൂട്ടത്തിലൊരുത്തന്‍ കരണിലേക്ക് പാഞ്ഞടുത്തു. എന്തും സംഭവിക്കാം., ചിലപ്പോള്‍ ഈ മാളിലിട്ട് ആ അമ്മയേയും കുട്ടിയേയും രക്ഷിക്കാന്‍ വന്ന പുരുഷനേയും ഈ രാക്ഷസന്മാര്‍ വെട്ടി നുറുക്കാം. മാളിലെ മറ്റാളുകള്‍ ശ്വാസമടക്കി ആ രംഗം വീക്ഷിച്ചു. തങ്ങളിലേക്ക് ഓടിയടുത്തവന്‍ കുട്ടിയുടെ നേര്‍ക്ക് കൈ വീശി. കരണിന്‍റെ കണ്ണുകള്‍ പരമാവധി വികസിച്ചു. പേശികള്‍ വല്ലാതെ മുറുകി. മുഷ്ടികള്‍ ബലമായി ചുരുട്ടി. കുട്ടിയുടെ ദേഹത്ത് എതിരാളിയുടെ കൈ വീഴുന്നതിനു മുമ്പേ കരണിന്‍റെ ഉരുക്ക് മുഷ്ടി അയാളുടെ കഴുത്തില്‍ ആഞ്ഞു പതിക്കുകയായിരുന്നു. തല്‍ക്ഷണം രക്തം തുപ്പി അയാള്‍ നിശ്ചലമായി. ഒരേയൊരു പിടച്ചില്‍. ശവം പോലെ അയാള്‍ തറയില്‍ ഊര്‍ന്നു വീണതും കരണ്‍ എഴുന്നേറ്റ് നിന്നു. ശ്വാസമടക്കി രംഗം വീക്ഷിച്ചവരില്‍ ഒരാള്‍ പരിസരവും പ്രായവും മറന്ന് ഉച്ചത്തില്‍ വിസിലടിച്ചു. ആ ബാലികയുടെ കണ്ണുകള്‍ തള്ളി. ആകാശത്തെ മേഘ കൂട്ടങ്ങൾ ഇരമ്പി. കാതടിപ്പിക്കുന്ന ശബ്ദത്തിൽ ഇടിവെട്ടി. ആല്‍ബര്‍ത്തോ നടുങ്ങി പോയി. സ്ത്രീയുടെ ദേഹത്തു നിന്നും ഭീതിയോടെ അവന്‍ കാലുകള്‍ പിന്നോട്ട് വലിച്ചു. കരണിനെ നോക്കി ഇതെന്തൊരു രൂപമെന്ന് അവന്‍ സംശയിച്ചു. കാരണം ഹൂഡി ക്യാപ്പ് മാത്രമായിരുന്നില്ല കരണ്‍ ധരിച്ചിരുന്നത്. ആളെ തിരിച്ചറിയാതിരിക്കാന്‍ കണ്ണിനു താഴേക്ക് തുണികൊണ്ട് അവന്‍ മറച്ചിരുന്നു. "ഇനിയിവിടെ തീ പാറും.!" വിസിലടിച്ചയാള്‍ ഉറക്കെ പറഞ്ഞു. താന്‍ ഇടിച്ചു വീഴ്ത്തിയ എതിരാളിയെ കരണ്‍ പുറംകാല് കൊണ്ട് തൊഴിച്ചു മാറ്റിയ ശേഷം കൈകള്‍ നെഞ്ചിനു താഴെ കെട്ടി നിര്‍ത്തി ഉറച്ച ശബ്ദത്തില്‍ ആല്‍ബര്‍ത്തോയെ നോക്കി പറഞ്ഞു : "നീയും നിന്‍റെ പങ്കാളികളും ഈ മാളിനകത്തുനിന്നും രണ്ട് കാലില്‍ നടന്നു പോകില്ല എന്ന് ഞാന്‍ ഉറപ്പ് തരുന്നു..." ആല്‍ബര്‍ത്തോ ഉമിനീരിറക്കി ഭയന്നു. "കൊന്ന് തള്ളടാ ഈ മയിരനെ..!" ആല്‍ബര്‍ത്തോ വലിയ വായില്‍ അലറിയതും ഏതാനും കൂട്ടാളികള്‍ കരണിലേക്ക് പാഞ്ഞടുക്കുകയായിരുന്നു. ((തുടരും)) കണ്ണൂർകാരൻ 🥰🥰🥰🥰🥰 #📙 നോവൽ #✍ തുടർക്കഥ #📔 കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ

📙 നോവൽ - 11 Part 001^00S0 11 Part 001^00S0 - ShareChat