📖✍️ ആൾക്കാർ നിങ്ങളെപ്പറ്റി ഇത്തിരി മോശം പറയുന്നെങ്കിൽ മനസ്സ് നിറഞ്ഞ് സന്തോഷിച്ചേക്കുക.. കാരണം നിങ്ങൾക്ക് നിങ്ങളായി ജീവിക്കാൻ കഴിയും! നല്ലവനെന്നോ നല്ലവളെന്നോ മുദ്രചാർത്തി കിട്ടിയാൽ പിന്നെ അത് നിലനിർത്താൻ ജീവിതകാലം മുഴുവൻ അഭിനയിക്കേണ്ടിവരും... സമൂഹത്തിന്റെ കണ്ണിൽ എപ്പോഴും 'നല്ലവൻ' അല്ലെങ്കിൽ 'നല്ലവൾ' ആയിരിക്കുക എന്നത് അത്രമാത്രം ശ്വാസം മുട്ടിക്കുന്ന ഒരവസ്ഥയാണ്! വേനൽക്കാലത്ത് മരുഭൂമിയിലൂടെ കനത്ത കമ്പിളിപ്പുതപ്പും പുതച്ച് നടക്കാൻ ശ്രമിക്കുന്നതുപോലെയാണ് ആ അവസ്ഥ ! ആ അവസ്ഥയേക്കാൾ വലിയൊരു ദുരന്തം വേറെയെന്തുണ്ട്? മറ്റുള്ളവരുടെ നല്ല സർട്ടിഫിക്കറ്റിന് വേണ്ടി നമ്മുടെ ആഗ്രഹങ്ങളെയും സ്വപ്നങ്ങളെയും, നമ്മുടെ യഥാർത്ഥമായ വ്യക്തിത്വത്തെപ്പോലും ജീവനോടെ കുഴിച്ചുമൂടേണ്ടിവരും .. ആരെങ്കിലും നമ്മളെക്കുറിച്ച് ഒരു കുറ്റം പറഞ്ഞു എന്ന് കേൾക്കുമ്പോൾ ഉള്ളിൽ ഒരു നീറ്റലല്ല, മറിച്ച് ഒരു കുളിർകാറ്റാണ് വീശേണ്ടത്.... കാരണം, ആ നിമിഷം നിങ്ങൾ ആ "നല്ലവന്റെ " സിംഹാസനത്തിൽ നിന്നും താഴെയിറക്കപ്പെടുകയാണ് .. അതിന്റെ അർത്ഥം, ഇനി നിങ്ങൾ ആരെയും ബോധിപ്പിക്കാൻ വേണ്ടി ജീവിക്കേണ്ടതില്ല എന്നാണ്... കൂട്ടിലടച്ചിട്ട ഒരു പക്ഷിക്ക് പെട്ടെന്ന് അതിൻ്റെ വാതിൽ തുറന്നു കിട്ടുമ്പോൾ ഉണ്ടാകുന്ന സ്വാതന്ത്ര്യമുണ്ടല്ലോ.. ഒരാകാശം മുഴുവൻ സ്വന്തമാക്കാനുള്ള സ്വാതന്ത്ര്യം !! അതാണ് സമൂഹം നിന്ദിക്കുമ്പോൾ ഒരു മനുഷ്യന് ലഭിക്കുന്നത്.... നല്ലവൻ എന്ന മുദ്ര ഒരു സ്വർണ്ണക്കൂടാണ്... പുറത്തുനിന്ന് നോക്കുന്നവർക്ക് അതിന്റെ തിളക്കം കണ്ട് അസൂയ തോന്നിയേക്കാം ... പക്ഷേ.. അതിനകത്ത് കിടക്കുന്ന പക്ഷിക്ക് മാത്രമേ അറിയൂ, സ്വന്തം ചിറകുകൾ നിവർത്താൻ പോലും അതിൽ ഇടമില്ലെന്ന്... ആ മുദ്ര നിലനിർത്താൻ വേണ്ടി ഓരോ ദിവസവും നിങ്ങൾ എത്രമാത്രം അഭിനയിക്കേണ്ടിവരും? അവിടെ സമൂഹം കൽപ്പിച്ചുവച്ച നിബന്ധനകളുടെ പട്ടികയുണ്ട് ... അത് മനുഷ്യനായി ജീവിക്കലല്ല, ഒരു യന്ത്രമായി മാറലാണ്... റോസാച്ചെടിയിൽ മുള്ളുകളുണ്ട് എന്നറിഞ്ഞു കൊണ്ടുതന്നെയാണ് നമ്മൾ അതിനെ ഇഷ്ടപ്പെടുന്നത്. ഉള്ളിൻ്റെയുള്ളിൽ പ്രകാശവും ഇരുളും ഒരുപോലെയുള്ള, തെറ്റുകളും ശരികളും ചെയ്യാൻ സാധ്യതയുള്ള ഒരു സാധാരണ മനുഷ്യനായി ജീവിക്കുന്നതിലാണ് ജീവിതത്തിൻ്റെ യഥാർത്ഥ ഭംഗി... നമ്മളെക്കുറിച്ച് മോശം പറയുന്നവർ വാസ്തവത്തിൽ ' നമ്മുടെടെ സ്വാതന്ത്ര്യത്തിന്റെ യഥാർത്ഥ ശിൽപികളാണ്. അവർ നിങ്ങളെ ആ കപടനാടകത്തിന്റെ വേദിയിൽ നിന്നും കൈപിടിച്ച് താഴെയിറക്കുകയാണ്.. കാറ്റിൽ അലഞ്ഞുതിരിയുന്ന ഒരു തൂവൽ പോലെ ഭാരമില്ലാത്ത ഒരവസ്ഥയാണത് !! അതുകൊണ്ട്, ലോകം നിങ്ങളെ കല്ലെറിയുമ്പോൾ ആ കല്ലുകൾ കൊണ്ട് നിങ്ങളുടെ സ്വപ്നങ്ങളുടെ ഒരു പുതിയ കൊട്ടാരം പണിയുക. ആരും നിങ്ങളെ നല്ലവനെന്ന് വിളിച്ചില്ലെങ്കിലും ഒരു കുഴപ്പമില്ല,.. നിങ്ങളുടെ മനസ്സാക്ഷിയുടെ കോടതിയിൽ നിങ്ങൾ സത്യസന്ധനാണെങ്കിൽ നിങ്ങൾക്ക് നിങ്ങളായി ജീവിക്കാൻ കഴിയുമെങ്കിൽ, അതിനേക്കാൾ വലിയൊരുകാര്യവും ഇവിടെ നേടാനില്ല ... കപടമായ നന്മയുടെ മുഖംമൂടിയണിഞ്ഞ് ജീവിക്കുന്നതിനേക്കാൾ എത്രയോ മനോഹരമാണ് സ്വന്തം കുറവുകളോടെ, പൂർണ്ണമായ സ്വാതന്ത്ര്യത്തോടെ ഒരു പുൽക്കൊടിയെപ്പോലെ ജീവിക്കുന്നത്.... വസന്തം വരുന്നത് കാത്തുനിൽക്കാതെ സ്വന്തമായി പൂത്തുലയുന്ന ഒരു കാട്ടുപൂവിനെപ്പോലെ, ലോകത്തിന്റെ അഭിപ്രായങ്ങൾക്ക് അതീതമായി നമുക്ക് നമ്മളായി ജീവിക്കാം... അഭിമാനത്തോടെ... അതിലേറെ സന്തോഷത്തോടെ! ------------------------------ ♥️✍️ #🙋‍♀️ എൻ്റെ സ്റ്റാറ്റസുകൾ #💭 Inspirational Quotes #💭 Best Quotes #💭 എന്റെ ചിന്തകള്‍ #✍️Life_Quotes ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ