அதிக விளக்கம்... அதிக ஆபத்து! Audio Track: https://drive.google.com/file/d/17Z-waWnaesSV7rV1TxS9YXdsu6aN_iKU/view?usp=drivesdk எல்லோரிடமும் உங்கள் நிலைப்பாட்டை விளக்க வேண்டிய அவசியமில்லை. யாரும் விளக்கம் கேட்கவில்லை என்றால், விளக்கம் கொடுக்காதீர்கள். கேட்டாலும், தேவையான அளவுக்கு மட்டும் சொல்லுங்கள். தேவைக்கு அதிகமாகப் பேசும் ஒவ்வொரு வார்த்தையும், உங்களைப் பற்றிய கூடுதல் தகவலை மற்றவர்களிடம் ஒப்படைக்கிறது. பின்னர் அதே வார்த்தைகளே உங்களுக்கு எதிரான ஆயுதமாக மாறலாம். வரலாறு இதை பலமுறை நிரூபித்துள்ளது. அமெரிக்க அதிபர் ரிச்சர்ட் நிக்சன், வாட்டர்கேட் ஊழலில் தனது தொடர்பை மறைக்க நீண்ட விளக்கங்களையும், தொடர்ச்சியான செய்தியாளர் சந்திப்புகளையும் நடத்தினார். ஆனால் அந்த விளக்கங்களே அவரது முரண்பாடுகளை வெளிச்சத்துக்குக் கொண்டு வந்தன. இறுதியில், அவர் தானே பதிவு செய்த ரகசிய ஒலிப்பதிவுகள் அனைத்தையும் அம்பலப்படுத்தி, பதவியை ராஜினாமா செய்யும் நிலைக்குத் தள்ளின. மகாபாரதத்தில் சிசுபாலனின் கதையும் இதே உண்மையைச் சொல்கிறது. சிசுபாலனின் தாயிடம், நூறு தவறுகள் வரை மன்னிப்பேன் என்று கிருஷ்ணர் வாக்குக் கொடுத்திருந்தார். சிசுபாலன் தொடர்ந்து அவமதித்துக் கொண்டே இருந்தான். கிருஷ்ணர் அமைதியாக ஒவ்வொரு அவதூறையும் எண்ணிக்கொண்டிருந்தார். அந்த அமைதியை பலவீனம் என்று எண்ணிய சிசுபாலன் 101-வது முறை அகங்காரத்துடன் பேசிய மறுகணமே சுதர்சன சக்கரம் பாய்ந்தது. இந்த இரண்டு நிகழ்வுகளும் ஒரே பாடத்தைச் சொல்லுகின்றன. உங்களுடைய மிகப் பெரிய எதிரி, பல நேரங்களில் உங்கள் நாக்குதான். அமைதி என்பது பலவீனம் அல்ல; அது முதிர்ச்சியின் அடையாளம். பேச வேண்டிய நேரத்தில் மட்டும் பேசுங்கள். அதுவும் அளவாகப் பேசுங்கள். நினைவில் கொள்ளுங்கள்: மற்றவர்கள் எறியும் கல்லைவிட, நாமே பேசும் வார்த்தைகள்தான் பூமராங் ஆகி நம்மை அதிகமாகக் காயப்படுத்தும். சொல்லாத சொல்லுக்கு விலையேதுமில்லை என்பது கண்ணதாசன் வாக்கு! Gillette Guard Shaving Razor #Ad https://link.amazon/B02hnXF40 #📺அரசியல் 360🔴 #🚹உளவியல் சிந்தனை