#😃మంచి మాటలు జిల్లెళ్ల మూడి అమ్మ వాక్యము షడ్గుణ సంపత్తి షడ్గుణ సంపత్తి అనేది వేదాంతంలో సాధనా చతుష్టయం లోని భాగం యిది మానసికనిగ్రహం అధ్యాత్మిక ప్రగతికి అవసరమైన ఆరుగుణాలను తెలుపుతుంది ఆరు గుణాలు శమ,..మనశ్శాంతి మనస్సును ప్రశాంతంగా వుంచుకోవడం దమ..యింద్రియ నిగ్రహం మనస్సును, యింద్రియాలను అదుపులో వుంచుకోవడం . ఉపరతి.. వైరాగ్యం ప్రపంచ విష యాల నుండి ఆకర్షణల నుండి మనస్సును మరల్చటం. తితీక్ష,సహనం.కష్టసుఖాలను ద్వంద్వాలను సమదృష్టితో భరించడం శ్రద్ధ.. గురువు శాస్త్రాలయందు విశ్వాసం సమాధానము.. మనో స్ధిరత లక్ష్యంపై మనస్సును నిలపడం అమ్మ వివరణ సహనం,ఓర్పు, క్షము, తితీక్ష యివిఅన్నీ దాదాపు ఒకే అర్ధాన్నిస్తాయి.మనం యితరులను ప్రేమించాలి అంటే సహనం. ఓర్పు ఎంతో అవసరము. అమ్మ సహనం గురించి యిలా అన్నారుతనయిష్టాన్ని చంపుకొని ఒకరి యిష్టాన్ని తన యిష్టం చేసుకోవడమే సహనం. మెాక్ష సాధన లక్షణాలలో తితీక్ష గణనీయ మైనది. తితిక్షస్వ అనేది భగవదాజ్ణ. ఓర్పు అనే విషయానికి వస్తే దానిని కేవలంఒకగుణంగా మాత్రమే చూడకుండా అది ఎంతటి ప్రధానమైన సుగుణమెా గుర్తిస్తాము అమ్మ మనం చేసినఎన్నోతప్పులను క్షమించారు సహనంతో ఎన్నో బాధలను అనుభవించారు అమ్మ జీవితం నుంచి మనము నేర్చుకోవలసిన ఉత్తమగుణం సహనం.యితరులను ప్రేమించాలంటే ముందు సహనాన్ని అలవరచుకోవాలి సహనం అంటే భగవంతుని ఆశయానికి అనుగుణంగా వుండటమే.అలాఅనుగుణంగా వుండటం వలన మనం గమ్యం వైపునకే ముందుకు వెడతాం. ఆవిధంగా మనకు ప్రయాణంలో ఏ విధమైన కష్టాలు యిబ్బందులూ లేకపోవడమే కాక మనం రెట్టింపు వేగంతో ముందుకు సాగగలం. ఈ జన్మలోనే మనం మన గమ్యం వైపు త్వరితం గా పురోగతిని సాధించే అవకాశం ఏర్పడుతుంది అమ్మ దుర్లభ మైన బాధలన్నిటినీ ఓర్పుతో అనుభవించారు ఆమెది సహజ సహనం సర్వతోముఖీ సంగీతరత్న వాగ్దేవి