*_"आपण आयुष्यात मागे पडत आहोत" असे का वाटते?_* *_सोशल मीडियाच्या युगातील comparison culture_* ©डॉ सचिन साळवे Psychologist रात्रीची वेळ.. आपण मोबाईल हातात घेऊन “थोडंसं scroll” करायला सुरुवात करतो. व्हॉट्सअँप स्टेटस, इंस्टाग्राम किंवा फेसबुक वर कोणी तरी परदेशात फिरतंय, कोणी तरी नवीन गाडी घेतलीय, कोणाच तरी promotion झालंय, कोणाच्या तरी मुलीने खूप मोठे यश मिळवलं, कोणाचे तरी आनंदी फॅमिली फोटो बघून त्याचं “ life perfect ” दिसतं… आणि नकळत आपण थांबतो... मनात एक छोटासा विचार येतो, " सगळ्यांच लाईफ एकदम set आहे" “मी कुठे आहे?” हळूहळू तो विचार वाढतो… “मी काहीच achieve केलं नाही का?” “सगळे पुढे गेले… मीच मागे पडलोय का?” आणि त्या एका क्षणात, आपलं शांत मन अस्वस्थ होतं. ही कहाणी फक्त आपलीच नाही. आज हजारो लोक रात्री असंच reel scroll करतात, sad feel करतात आणि झोपतात. बाहेरून सगळं ठीक वाटतं, पण आतून एक कमीपणाची भावना सुरू होते. कारण आपण रोज इतरांच्या आयुष्याचा फक्त “best part” पाहतो… आणि स्वतःच्या आयुष्याचा “real part” जगतो. तुलना इथेच सुरू होते. आजच्या काळात आपण आपल्या आयुष्यापेक्षा इतरांच्या आयुष्यात जास्त डोकावण्याची संधी मिळते ती social media मुळे… आणि डोकावत असताना,आपण नकळत तुलना करायला सुरुवात करतो. पूर्वी तुलना व्हायची पण ती मर्यादित होती शेजारी, नातेवाईक, मित्र. आता तुलना होते संपूर्ण जगाशी आणि कोणाशीही.. एक तर सध्या सोशल मीडिया मुळे लोकांना हे show off करणे खूप सोपे झाले आहे. तिथे आपल्याला दिसतं ते highlighted reel असतं. पण वास्तव जे आपल्याला विसरायला होतं ते म्हणजे त्या reel किंवा फोटोमागे काय आहे, हे आपल्याला माहीत नसतं. त्या हसऱ्या चेहऱ्यामागचा stress/दुःख, त्या success मागचे failures, त्या “perfect life” मागचं एकटेपण. पण ते दिसत नाही… लोक त्यांचे best moments च दाखवतात struggles,stress नाही. पण आपलं मन काय करतं? त्यांच्या best ला आपल्या normal life शी compare करतं. याचा मानसिक परिणाम असा होतो की,आपल्याला स्वतःबद्दल कमीपणा वाटायला लागतो, सतत असंतोष (dissatisfaction) Anxiety आणि restlessness. “मी पुरेसा नाही” "मी कमी आहे"अशी धारणा व्हायला लागते स्वतःकडे बघण्याचा दृष्टीकोन बदलतो. जे आहे ते अपुरं वाटायला लागतं, जे नाही त्यांच्या अपेक्षांचं ओझं वाढतं आणि मग *आपल्याकडे असलेलं सुखही कमी वाटायला लागतं.* हळूहळू आपण स्वतःचं आयुष्य जगणं सोडून, इतरांच्या आयुष्याशी स्पर्धा करायला लागतो. पण वास्तवात, प्रत्येकाचं आयुष्य वेगळ्या timeline वर चालतं.प्रत्येकाचा start आणि end point वेगवेगळा असतो. कोणाला 25 व्या वर्षी यश मिळते तर कोणाला 35 व्या वर्षी. तुलना म्हणजे चुकीचा मापदंड (wrong measuring scale). कारण: आपली परिस्थिती वेगळी आपले struggles वेगळे आपला प्रवास unique आहे मग काय करावं? (Practical mindset shift) 1. Awareness ठेवा जेव्हा आपण scroll करतो, स्वतःला विचारा “मी inspiration घेतोय की comparison करतोय?” 2. Digital boundaries ठेवा- सतत scrolling केल्याने नकळत comparison होते, म्हणून थोडा break घ्या. 3. Gratitude practice करा दररोज 3 गोष्टी लिहा ज्या आपल्याकडे आहेत. इतरांचं आयुष्य पाहून आपलं आयुष्य कमी वाटणं हे साहजिक आहे… पण खरं समाधान तेव्हाच मिळतं, जेव्हा आपण स्वतःच्या journey ला स्वीकारतो. *तुलना आपल्याला पुढे नेत नाही…. ती फक्त स्वतःपासून दूर नेत असते.* -------------------------------------- #सुप्रभात #☀️गुड मॉर्निंग☀️ #☀️गुड मॉर्निंग मोशन व्हिडीओ☺ #🌹☕गुड मॉर्निंग Special☕🌹 #☕good morning Friends🌞