காகபுஜண்ட மகரிஷி ந - நிலத்தில் இருந்து நீர் பூக்கும். ம - நீரிலிருந்து நெருப்பு பூக்கும். சி - நெருப்பில் இருந்து காற்று பூக்கும். வ - காற்றிலிருந்து ஆகாயம் பூக்கும். ய - ஆகாயத்தில் இருந்து சுடர் பூக்கும். சுடரிலிருந்து நாதம் பூக்கும். நாதத்திலிருந்து சிவத்தைக் கேளே.. "நமசிவய" வில் இருந்து தொடங்கி, சிவத்தில் முடிகிறது ஞானம் என்கிறார் காகபுஜண்டர். பரத்திலே மணி பிறக்கும் மணியினுள்ளே பரம நிற்கும் சுடர்வீசும் இப்பாற்கேளு நிரத்திலே சடமதனில் யகாரங் காணும் : "ய" நிச்சயமாய் யகாரமதில் வகாரங்காணும்: "வ" வரத்திலே வகாரமதிற் சிகாரங் காணும் : "சி" வரும்போலே சிகாரத்தில் மகாரங்காணும் : "ம" ஓரத்திலே மகாரத்தில் ஓகாங் காணும் நன்றாமப் பூமியப்போ பிறந்ததன்றே : "ந" - காகபுஜண்ட மகரிஷி முன் பாடலில் நிலத்திலிருந்து சிவத்தை கண்டோம். அடுத்த பாடலில் சிவத்தில் இருந்து பூமியைக் காண்கின்றோம். இதில் நீங்கள் கவனிக்கக்கூடிய விஷயம் என்னவென்றால் எப்படி பஞ்சபூதங்கள் உற்பத்தியானது என்ற ரகசியத்தைத்தான் இந்த பாடலின் மூலமாக சொல்கிறார். ஆனால் இந்த பஞ்சபூதம் மேல்நோக்கிச் சென்றால் முக்தி. அதுவே கீழ்நோக்கி வந்தால் அதுவே மறுபிறப்பு ஆகும். மொத்தத்தில் ஆக்கமும் பஞ்சபூதம், அழிவும் பஞ்சபூதம். பஞ்சபூதம் எப்படி உற்பத்தியானது, எவ்வடிவத்தில் இப்பஞ்சபூதம் அழிக்கிறது என்று சொன்னார். அடுத்து இயற்கை அமைப்பின் மூலமே பஞ்சபூதங்கள் இயங்கிக் கொண்டிருக்கின்றன. ஐந்து கோண நட்சத்திரக் குறியீடு இருக்கும். இந்த அமைப்பின் மூலம்தான் பஞ்சாட்சர மந்திரங்களை சித்தர்கள் உருவாக்கினார்கள். அவை நமசிவய மசிவயந சிவயநம வயநமசி யமநசிவ இந்த அமைப்பை அடிப்படையாக வைத்துதான் அனைத்து உயிர்களும் இப்பூமியில் பிறக்கின்றன. நாம் ஏற்கெனவே தெளிவாகக் கூறியது போல் பஞ்சபூதம் தடம் மாறினால் மறுபிறப்பு. மறுபிறப்பின் மூலமாக கர்மா வினைகளை கழிக்கவே உயிர்கள் பிறவி எடுக்கின்றன. வினைகள் என்பது பஞ்சபூதக் குறைபாடே ஆகும். தடம் மாறிச் சுழல்வதால் அது ஒன்றையொன்று அழிக்கும் விதமாகச் செயல்படுகிறது. ஒருவர் பிறக்கும்போது பஞ்சபூதக் குறைபாடானது நெருப்பாக இருந்தால், அமைப்பின் முறைப்படி காற்று அழிவில் இருக்கும் என்று அர்த்தம். இதன்படியேதான் பிறப்பு முதல் இறப்பு வரை கர்ம குணங்களும், கர்ம வியாதிகளும் மேலும் இதன் வெளிப்பாடான நன்மையும், தீமையும் சம்பந்தப்பட்ட பிண்டத்தில் உள்ள ராஜ உறுப்புகளின் வழியாகச் செயல்படுகிறது. அதன்படியே காற்றின் பஞ்சபூதத்தில் பிறந்தால் ஆகாயம் அழிவில் இருக்கும். ஆகாய பூதத்தில் பிறந்தால் நிலம் அழிவில் இருக்கும். நிலத்தில் பிறந்தால் நீர்சக்தி அழிவில் இருக்கும். நீர் தத்துவத்தில் பிறந்திருந்தால் நெருப்பு பூதம் அழிவில் இருக்கும். நீங்கள் எப்பஞ்சபூதத்தில் பிறந்துள்ளீர்களோ அதற்கு எதிரான பஞ்சபூதமும் அழிவில் இருக்கும். ஆகமொத்தம் இரண்டு பஞ்சபூதங்களும் குறைபாட்டில்தான் இருக்கும். இதன் அடிப்படையை அறியாமல் பஞ்சபூதத்தை அழிக்கும் உணவை மேலும் மேலும் உண்டால் பஞ்சபூதம் ஐந்தும் அழிந்துவிடும். இப்படியாக நாம் தலைமுறை இச்செயலை கடத்திக் கொண்டு வந்துள்ளோம். இப்படியே தொடர்ந்தால் வாழ்க்கையை வாழும்போதே பஞ்சபூத அமைப்பு இறந்துவிடும். நந்தவனத்தில் ஓர் ஆண்டி அவன் நாலாறு மாதமாய் குயவனை வேண்டி கொண்டு வந்தான் ஒரு தோண்டி மெத்தக் கூத்தாடி, கூத்தாடி போட்டுடைத்தாண்டி இக்காலத்தில் பிறக்கும் குழந்தைகள் பிறவியிலேயே பல வியாதிகளுடன் பிறக்கின்றன. இத்தனை குறைபாட்டுடன் பிறப்பதற்கு ஒரே காரணம் வித்தில் உள்ள பஞ்சபூதத்தின் இறப்பே ஆகும். அதேபோல ஒவ்வொரு மனிதனும் இந்த பஞ்சபூத அட்டவணைப்படிதான் பிறக்கின்றான். இதில் ஒரு துளிகூட மாறா எந்த பஞ்சபூத குறைபாட்டில் பிறந்தார்கள் என்று அறிந்தால் அவன் தலைமுறைக்கே தீர்வு கிடைக்கும். இதை எப்படி அறிவது என்று இங்கே வெளிப்படையாக கூற முடியாது. ஆனால் பஞ்சபூத குறைபாடு ஏற்பட மூல காரணம் 90% உணவுதான். உணவென்பது பஞ்சபூதத்தைக் காக்க வேண்டும். எத்தனை சிறந்த நன்மை தரக்கூடிய உணவை நீங்கள் உண்டாலும், முறையும், பக்குவமும் தப்பிப் போனால் நிச்சயமாக அது பஞ்சபூதக் குறைபாட்டை உண்டாக்கும். ஏனென்றால் உணவின் மூலம்தான் பஞ்சபூதக் குறைபாடு மிகுதியாகவும் குறைவாகவும் ஏற்படுகிறது. முத்திரைகளைப் பற்றி பலரும் அறிந்திருப்போம். முதலில் விரல்களின் ஐம்பூத சக்தியை அறிவோம். இம்முறைப்படி பார்த்தால் பஞ்சாட்சர மந்திரத்தை எளிதாக அறிய முடியும். சுண்டு விரலில் இருந்து முதலில் பார்த்தால் மசிவயந என்ற மந்திரம் வரும். மோதிர விரலில் இருந்து பார்த்தால் நமசிவய என்று வரும். நடுவிரலில் இருந்து பார்த்தால் யநமசிவ என்றும் ஆள்காட்டி விரலில் இருந்து பார்த்தால் வயநமசி என்றும் கடை விரலில் இருந்து உச்சரித்தால் சிவயநம என்று வரும் இதுதான் பஞ்சபூதத் தத்துவம். ஒவ்வொருவரின் பஞ்சபூதக் குறைபாடு என்ன என்பதை அறிந்து அதற்குரிய முத்திரையைச் செய்து கர்மவினைகளை நீக்கலாம். தவறான முத்திரைகள் செய்து பஞ்சபூதத்தை அழிக்கும் வகையில் போகாமல் காக்க வேண்டும். ஒவ்வொருவரின் முத்திரையை இதிலே வெளியிடுவது கடினம். ஒரு பஞ்சபூதம் மற்றொரு பஞ்சபூதத்தை அழிக்கும் தன்மையில்தான் படைக்கப்பட்டுள்ளது. இச்செயலை மையமாக வைத்தே பஞ்சாட்சர மந்திரங்கள் சித்தர்களால் உருவாக்கப்பட்டது. "ஈர்ப்பு விதி" என்பது மஹா ரகசியம். மலக்குற்றத்தை நீக்கி பிராணனை உடலில் அதிகமாக்கு பசி பிணி நீங்கும். - காகபுஜண்டர். சித்தர்கள் அருளிய பாரம்பரிய சித்த மருத்துவம் மூலம் குருவிடம் கற்றுக்கொண்ட பாரம்பரிய முறைப்படி மருந்துகள் செய்து வழங்கப்படும். “வைத்திய ரத்னா” *#டாக்டர்_இரா_கணபதி* B.E.,MBA.,RSMP.,DCSM.,TCHP அரசு பதிவு பெற்ற பாரம்பரிய சித்த மருத்துவர் *தமிழ்நாடு சித்த மருத்துவ மன்றம்* . *இந்திய அரசு தரச்சான்று மன்றம் (QUALITY COUNCIL OF INDIA - QCI)* . பதிவு எண்: CTTC/PrCB 005/TN 02. மாநில துணைத் தலைவர் *SOUTHERN BOARD OF TRADITIONAL SIDDHA MEDICINE* (SBTM) மேலாண்மை இயக்குநர்- *பதினெண் சித்தர் சித்த மருத்துவ ஆராய்ச்சி மையம்* 3, வட்டாட்சியர் அலுவலக சாலை தாராபுரம் (அஞ்சல்) - 638 656 திருப்பூர் மாவட்டம் *SINCE 29 YEARS (1997 – 2026)* http://www.siddharmedicine.in/ @ 9943909495, 9487553810, 04258-226495 #சித்த மருத்துவம்