میری والدہ میری ہیرو ہیں، فلسطینی عوام کا اپنی آواز بلند کرنا بھی قابلِ تحسین ہے: جینا اورٹیگا امریکی اداکارہ جینا اورٹیگا نے فلسطینی عوام کے حوصلے اور اپنی آواز دنیا تک پہنچانے کی کوششوں کو سراہتے ہوئے کہا ہے کہ وہ ان کے عزم سے بہت متاثر ہیں۔ فرانسیسی میگزین گالا کے ایک انٹرویو میں جب ان سے پوچھا گیا کہ آج ان کی نظر میں ہیرو کون ہے تو انہوں نے سب سے پہلے اپنی والدہ کا نام لیا، جس کے بعد فلسطینی عوام کا ذکر کرتے ہوئے ان کی ثابت قدمی کی تعریف کی۔ جینا اورٹیگا نے کہا کہ فلسطینی عوام مسلسل اپنی آواز اٹھا رہے ہیں، چاہے دنیا انہیں کتنی ہی بار نظر انداز کرنے کی کوشش کرے۔ اداکارہ نے ان کی آواز کو مزید بلند کرنے اور انسانی مشکلات کی جانب توجہ دلانے کی خواہش بھی ظاہر کی۔ ان کے الفاظ نے سوشل میڈیا پر بڑے پیمانے پر توجہ حاصل کی، جہاں مداحوں نے ان کے مؤقف کو سراہا۔ جینا اورٹیگا اس سے قبل بھی غزہ میں جنگ بندی، بچوں کے تحفظ اور انسانی امداد کی حمایت کرچکی ہیں۔ انہوں نے Artists4Ceasefire کی اپیل پر دستخط کیے اور فلسطینی بچوں کے لیے کام کرنے والے امدادی ادارے کا رابطہ بھی شیئر کیا تھا۔ Disclaimer: This content is shared strictly for informational and awareness purposes, based solely on publicly available reports and media sources. It does not represent any personal opinion or endorsement of any party involved. #JennaOrtega #PalestinianVoices #GazaHumanitarianCrisis #CelebritySupport #Newscuff #Newscuffpk #🕌بیت المقدس☪️