मराठी भावार्था सहित..... दि. ५ मे २०२६ कोण आमचीं योगतपें । करूं बापें जाणावीं ॥१॥ गीत संतसंगें गाऊं । उभीं ठाऊं जागरणीं ॥२॥ आमुचा तो नव्हे लाग । करूं त्याग जावया ॥३॥ तुका म्हणे इंद्रियांसी । येचि रसीं रंगवूं ॥४॥ योग- तप अशा साधनांचे अनुष्ठान करणे आमच्या बापाकडूनही जाणले जायचे नाही. यासाठी आम्ही संत -संगतीत हरिनामाचे गीत गाऊ आणि हरिभजनाचा जागर करण्यासाठी उभे राहू. योगाभ्यास करण्यासाठी सर्वस्वाचा त्याग करून वनात जायची आमच्या इंद्रियांची तयारी नाही; कारण आमच्या अंगी तेवढे वैराग्य नाहीच. तुकाराम महाराज म्हणतात, इंद्रियांचा कोंडमारा करून तपसाधना करण्यापेक्षा आम्ही नाम साधनेत इंद्रियांना भिजवून टाकू. *। श्री विष्णवे नमः l* *। श्री दत्तात्रेयाय नमः l* #🌻आध्यात्म 🙏