ହଠାତ୍ ରଥରୁ ଉଭାନ୍ ହୋଇଗଲେ ମହାପ୍ରଭୁ। ପଡ଼ିଗଲା ହା ହା କାର। ହଠାତ୍ କୁଆଡ଼େ ଗଲା ମହାପ୍ରଭୁଙ୍କ ବିଗ୍ରହ। ଏହାକୁ ନେଇ ଭକ୍ତମାନଙ୍କ ମଧ୍ୟରେ ଆଶ୍ଚର୍ଯ୍ୟ, କ୍ଷୋଭ ଓ ଅସନ୍ତୋଷ ପ୍ରକାଶ ପାଇଛି। ବରଗଡ଼ ହାଟପଦା ରଥପଡ଼ିଆରେ ଘଟିଛି ଏଭଳି ଅଭାବନୀୟ ଘଟଣା।କୁହାଯାଉଛି ଅଳଙ୍କାର ଚୋରି କରିବାକୁ ଆସି ଶ୍ରୀ ଜଗନ୍ନାଥଙ୍କ ମୂର୍ତ୍ତି ଚୋରି କରି ଛୁ ମାରିଛନ୍ତି ଚୋର। ତେବେ ସେ ଯାହା ହେଉନା କାହିଁକି ରଥ ଉପରୁ ଜଗନ୍ନାଥଙ୍କୁ ଚୋରି କରିନେବା ଘଟଣା ଅଞ୍ଚଳରେ ଅସନ୍ତୋଷ ସୃଷ୍ଟି କରିଛି।ରବିବାର ଦିନ ଦ୍ୱାଦଶୀ ରଥ ମେଳଣ ପାଇଁ ପ୍ରସ୍ତୁତି ସମୟରେ ଏହି ଚୋରି ଘଟଣା ସାମ୍ନାକୁ ଆସିଥିଲା। ଏହାର ଠିକ୍ ଗୋଟିଏ ଦିନ ପୂର୍ବରୁ ଭବ୍ୟ ଏକାଦଶୀ ବାହୁଡ଼ା ଯାତ୍ରା ସମାପ୍ତ ହୋଇଥିଲା। #🛕ମହାପ୍ରଭୁ ଜଗନ୍ନାଥଙ୍କ ରଥରୁ ଚୋରି🚨