ഏറ്റവും ദൈർഘ്യമേറിയ പകൽ...; ഒമാനിൽ 'സമ്മർ സോൾസ്റ്റിസ്' ജൂൺ 21ന് മസ്കത്ത്: ഒമാൻ ഉൾപ്പെടെയുള്ള ഭൂമിയുടെ ഉത്തരാർധഗോളത്തിൽ ഈ വർഷത്തെ ഏറ്റവും ദൈർഘ്യമേറിയ പകൽ ജൂൺ 21 ഞായറാഴ്ചയായിരിക്കുമെന്ന് റിപ്പോർട്ട്. ഏറ്റവും കുറഞ്ഞ രാത്രി ലഭിക്കുന്ന 'സമ്മർ സോൾസ്റ്റിസ്' എന്ന പ്രതിഭാസമാണിത്. ഇതോടെ രാജ്യത്ത് ഔദ്യോഗികമായി വേനൽക്കാലത്തിന് തുടക്കമാകും. ഏകദേശം 93 ദിവസവും 15 മണിക്കൂറും 40 മിനിറ്റും ഈ വേനൽക്കാലം നീണ്ടുനിൽക്കും. ഏകദേശം 93 ദിവസവും 15 മണിക്കൂറും 40 മിനിറ്റും ഈ വേനൽക്കാലം നീണ്ടുനിൽക്കും. ഒമാൻ സമയം ജൂൺ 21 ഉച്ചയ്ക്ക് 12:24-നാണ് ജ്യോതിശാസ്ത്രപരമായ ഈ പ്രതിഭാസം കൃത്യമായി സംഭവിക്കുകയെന്ന് ഒമാനി സൊസൈറ്റി ഫോർ ആസ്‌ട്രോണമി ആന്റ് സ്‌പേസിലെ കമ്മ്യൂണിറ്റി ഔട്ട്‌റീച്ച് കമ്മിറ്റി വൈസ് ചെയർമാൻ അബ്ദുൽ അസീസ് ബിൻ സൗദ് അൽ നാബി വ്യക്തമാക്കി. സൂര്യരശ്മികൾ ഉത്തരായന രേഖയ്ക്ക് നേരെ മുകളിലായി പതിക്കുന്നതാണ് ഈ പ്രതിഭാസത്തിന് കാരണം. മസ്കത്ത് ഗവർണറേറ്റിൽ അന്നേദിവസം രാവിലെ 5:20-ന് സൂര്യൻ ഉദിക്കുകയും വൈകുന്നേരം 6:56-ന് അസ്തമിക്കുകയും ചെയ്യും. പകലിന് 13 മണിക്കൂറും 35 മിനിറ്റും 33 സെക്കൻഡുമായിരിക്കും ദൈർഘ്യം. ഉച്ചയ്ക്ക് 12:08-ഓടെ സൂര്യൻ ആകാശത്തിന്റെ ഏറ്റവും ഉയർന്ന ബിന്ദുവിൽ എത്തും. ഉത്തരായന രേഖ കടന്നുപോകുന്ന പ്രദേശങ്ങളിൽ ഉച്ചയ്ക്ക് സൂര്യൻ കൃത്യം തലയ്ക്ക് മുകളിലെത്തുന്നതിനാൽ വസ്തുക്കളുടെ നിഴലുകൾ പൂർണമായി അപ്രത്യക്ഷമാകും. ഭൂമിയുടെ അച്ചുതണ്ട് 23.5 ഡിഗ്രി ചരിഞ്ഞു നിൽക്കുന്നതാണ് ഈ പ്രതിഭാസത്തിന് കാരണം. ഇതിനെ തുടർന്നുള്ള അന്തരീക്ഷ-കാലാവസ്ഥാ വ്യതിയാനങ്ങളാണ് ചൂട് കൂടാൻ കാരണമാകുന്നത്. ഈ ദിവസത്തിന് ശേഷം പകലിന്റെ ദൈർഘ്യം പടിപടിയായി കുറഞ്ഞു തുടങ്ങുകയും സെപ്തംബർ 23-ഓടെ രാത്രിയും പകലും തുല്യമാകുന്ന ശരത്കാലത്തിലേക്ക് നീങ്ങുകയും ചെയ്യും. സമ്മർ സോൾസ്റ്റിസ് ദിനത്തിലാണ് ജ്യോതിശാസ്ത്രപരമായി ദോഫാറിലെ പ്രശസ്തമായ 'ഖരീഫ്'കാലവർഷ സീസൺ ആരംഭിക്കുന്നത്. അറേബ്യൻ കടലിൽ നിന്നും ഇന്ത്യൻ മഹാസമുദ്രത്തിൽ നിന്നും വീശുന്ന തെക്കുപടിഞ്ഞാറൻ മൺസൂൺ കാറ്റും മേഘരൂപീകരണവും മൂലം ദോഫാർ പ്രവിശ്യയിലെ ദാൽകൂട്ട് മുതൽ മിർബാത് വരെയുള്ള തീരപ്രദേശങ്ങളിൽ ഇതോടെ പച്ചപ്പും തണുപ്പും നിറഞ്ഞ മനോഹരമായ കാലാവസ്ഥയ്ക്ക് തുടക്കമാകും. #⏰ ഇന്ന് ഈ വർഷത്തെ ഏറ്റവും ദൈർഘ്യമേറിയ ദിവസം #🆕 ലേറ്റസ്റ്റ് അപ്ഡേറ്റ് #📰ബ്രേക്കിങ് ന്യൂസ് #🗞 ട്രെൻഡിങ് അപ്ഡേറ്റ്സ് #📳 വൈറൽ സ്റ്റോറീസ്