16th May 2026 జొన్నవాడ కామాక్షిదేవి కల్యాణం : కోరినవారికి కొంగు బంగారమైన తల్లి జొన్నవాడ కామాక్షి. ఆ అమ్మవారి ఆలయం నెల్లూరు బస్ స్టేషన్ నుండి 12 కిలోమీటర్ల దూరంలో పెన్నా నది ఒడ్డున ఉంది. జొన్నవాడ ఆలయంలో ఒక రాత్రి నిద్రించిన వారికి అదృష్టం కలుగుతుందని నమ్మకం. జొన్నవాడలో శ్రీ మల్లికార్జున స్వామి సమేత కామాక్షి తాయి అమ్మవారి కల్యాణం వైశాఖంలో అత్యంత వైభవంగా జరుగు తుంది. ఏటా బ్రహ్మోత్సవాల్లో భాగంగా జరిగే కళ్యాణోత్సవాన్ని తిలకించడానికి వేలాదిమంది భక్తులు తరలివస్తారు. బ్రహ్మోత్సవాల సమయంలో పెన్నా సదిలో స్వామి, అమ్మవార్లకు తెప్పోత్సవం చాలా రమణీయంగా జరుగుతుంది. కళ్యాణోత్సవంతో పాటు కుంకుమార్చనలు, రథోత్సవం, జలసాగు ఉత్సవాలు కూడా ఈ క్షేత్రంలో చాలా ప్రత్యేకమైనవి. ఇది కశ్యప ప్రజాపతి యజ్ఞం చేసిన స్థలం. జగద్గురువులు ఆదిశంకరులు ఈ కామాక్షీ దేవిని సందర్శించారు. జొన్నవాడ క్షేత్రంలో ప్రసాదంగా ఇచ్చే కొడిముద్దను తింటే సంతానం కలుగుతుందని భక్తుల సమ్మకం. #🌅శుభోదయం #🙏శుభాకాంక్షలు