ଦକ୍ଷିଣ ଆମେରିକୀୟ ଦେଶ ଗୁଆନାରୁ ଏକ ଦୁଃଖଦ ଦୁର୍ଘଟଣାର ଖବର ଆସିଛି। ମଝି ସମୁଦ୍ରରେ ୧୩୩ ଜଣଙ୍କୁ ନେଇ ଯାଉଥିବା ଏକ ଫେରୀ ଓଲଟି ପଡ଼ିଛି। ଅଧିକାରୀମାନେ ଦୁର୍ଘଟଣାର ନିଶ୍ଚିତ କରିଛନ୍ତି ଏବଂ କହିଛନ୍ତି ଯେ ଏପର୍ଯ୍ୟନ୍ତ ୬୭ ଜଣଙ୍କୁ ଉଦ୍ଧାର କରାଯାଇଛି । ଅନ୍ୟମାନଙ୍କୁ ଖୋଜିବା ଜାରି ରହିଛି। ଦୁର୍ଘଟଣାରେ କେତେ ଲୋକଙ୍କ ମୃତ୍ୟୁ ହୋଇଛି ତାହା ସ୍ପଷ୍ଟ ହୋଇନଥିଲେ ମଧ୍ୟ ୬୬ ଜଣ ନିଖୋଜ ଅଛନ୍ତି ।  ଫେରୀରେ ୧୧୬ ଜଣ ଯାତ୍ରୀ ଏବଂ ୧୭ ଜଣ କର୍ମଚାରୀ ଥିଲେ। ଫେରୀଟି ଏହାର ଓଜନ ଧାରଣ କ୍ଷମତା ମଧ୍ୟରେ ଥିଲା । ଏଥିରେ ୩୦୦ ରୁ ଅଧିକ ଯାତ୍ରୀ ଯିବା ପାଇଁ ଲାଇସେନ୍ସ ଥିଲା।ଗୁଆନାର ପ୍ରଧାନମନ୍ତ୍ରୀ ମାର୍କ ଫିଲିପ୍ସଙ୍କ ଦ୍ୱାରା ଜାରି ସୂଚନା ଅନୁଯାୟୀ, ବୁଡ଼ିଯାଇଥିବା ଫେରୀର ନାମ ‘ଏମ୍‌ଭି ବାରିମା’।ଫେରୀଟି ରାଜଧାନୀ ଜର୍ଜଟାଉନ୍‌ରୁ ଉତ୍ତର ଆଟଲାଣ୍ଟିକ୍ ଉପକୂଳ ଦେଇ ପୋର୍ଟ କାଇଟୁମାକୁ ଯାତ୍ରା କରୁଥିଲା। ଏହା ପୋମେରୁନ୍ ନଦୀ ନିକଟରେ ଓଲଟି ପଡ଼ିଥିଲା। ପିଏମ୍ ଫିଲିପ୍ସ କହିଛନ୍ତି,ଉଦ୍ଧାର ହୋଇଥିବା ୬୭ ଜଣଙ୍କ ମଧ୍ୟରେ ୧୫ ଜଣ ଶିଶୁ ଅଛନ୍ତି। ସେମାନଙ୍କ ମଧ୍ୟରେ ୬ ଜଣ ପୁଅ ଏବଂ ୯ ଜଣ ଝିଅ ଅଛନ୍ତି ଅନ୍ୟମାନଙ୍କ ମଧ୍ୟରେ ୪୧ ଜଣ ପୁରୁଷ ଏବଂ ୧୧ ଜଣ ମହିଳା ଅଛନ୍ତି। ନିଖୋଜ ଥିବା ୬୬ ଜଣଙ୍କର ସନ୍ଧାନ ଜାରି ରହିଥିବା ପ୍ରଧାନମନ୍ତ୍ରୀ କହିଛନ୍ତି ।ଗୁଆନାର ମନ୍ତ୍ରୀ ଜୁଆନ ଏଡଗିଲ୍ ଫେସବୁକରେ କହିଛନ୍ତି ଯେ ଫେରୀଟି ସ୍ଥାନୀୟ ସମୟ ରବିବାର ରାତି ୧୧:୦୧ ରେ ଓଲଟି ପଡ଼ିଥିଲା। ସରକାରୀ ଏବଂ ଘରୋଇ ଡଙ୍ଗା ବ୍ୟବହାର କରି ଘଟଣାସ୍ଥଳରେ ସନ୍ଧାନ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା। ଏଡଗିଲ୍ କହିଛନ୍ତି ଯେ ଏଥିରେ ୨୫୦ଟି ଲାଇଫ୍ ଜ୍ୟାକେଟ୍, ଦୁଇଟି ଲାଇଫ୍ କ୍ରାଫ୍ଟ ଏବଂ ଛଅଟି ଅନ୍ୟ ଲାଇଫ୍ କ୍ରାଫ୍ଟ ଥିଲା। ଭେସେଲ ଫାଇଣ୍ଡର ଅନୁଯାୟୀ, ୪୦ ମିଟର ଲମ୍ବ ଏହି ଫେରୀ ୧୯୩୯ ମସିହାରେ ନିର୍ମିତ ହୋଇଥିଲା। #😱୧୩୩ ଜଣ ଯାତ୍ରୀଙ୍କୁ ନେଇ ବୁଡ଼ିଗଲା ଜାହାଜ🚢