maa konaseema news
సేవా కార్యక్రమాలతో సానా సతీష్ బాబు పుట్టినరోజు వేడుకలు
300 మంది దివ్యాంగులకు ప్రత్యేక బహుమతులు.. 1,500 మందికి అన్నదానం
రాష్ట్రవ్యాప్తంగా 10 వేల మందికి పైగా దివ్యాంగులు, పేదలకు సేవలు
కాకినాడ: రాజ్యసభ సభ్యులు సానా సతీష్ బాబు పుట్టినరోజు వేడుకలు బుధవారం ఉమ్మడి తూర్పుగోదావరి జిల్లాతో పాటు రాష్ట్రవ్యాప్తంగా ఘనంగా నిర్వహించారు. పుట్టినరోజు వేడుకలను ఆర్భాటాలకు, వృథా ఖర్చులకు పరిమితం చేయకుండా పేదలు, దివ్యాంగులు, ఆపదలో ఉన్న వారికి ఉపయోగపడేలా సేవా కార్యక్రమాలు నిర్వహించాలన్న ఎంపీ సానా సతీష్ బాబు పిలుపు మేరకు ఆయన అభిమానులు, కార్యకర్తలు పెద్ద ఎత్తున సంక్షేమ కార్యక్రమాలు చేపట్టారు.
ఈ సందర్భంగా కాకినాడ కొప్పవరంలోని ఎంపీ కార్యాలయంలో సానా సతీష్ బాబు ఫౌండేషన్ ఆధ్వర్యంలో ప్రత్యేక సేవా కార్యక్రమాలు నిర్వహించారు. సుమారు 300 మంది దివ్యాంగులకు ప్రత్యేక బహుమతులు పంపిణీ చేయడంతో పాటు, 1,500 మందికి అన్నదానం నిర్వహించారు.
ఎంపీ పుట్టినరోజు సందర్భంగా కాకినాడకే పరిమితం కాకుండా ఏలూరు, కోనసీమ, రాజమహేంద్రవరం, కడప జిల్లాలతో పాటు రాష్ట్రంలోని పలు ప్రాంతాల్లో అభిమానులు, కార్యకర్తలు వివిధ సేవా కార్యక్రమాలు చేపట్టారు. అన్నదానం, నిత్యావసర వస్తువుల పంపిణీ, దివ్యాంగులకు సహాయం తదితర కార్యక్రమాలను నిర్వహించారు.
ఈ సేవా కార్యక్రమాల ద్వారా రాష్ట్రవ్యాప్తంగా 10 వేల మందికి పైగా దివ్యాంగులు, పేదలు, నిరుపేద కుటుంబాలకు వివిధ రూపాల్లో సహాయం అందించినట్లు నిర్వాహకులు తెలిపారు. పుట్టినరోజు వంటి ప్రత్యేక సందర్భాలను సామాజిక సేవకు వేదికగా మార్చి, సమాజంలోని అవసరమైన వర్గాలకు చేయూతనివ్వాలన్నదే ఎంపీ సానా సతీష్ బాబు ఉద్దేశమని పేర్కొన్నారు.
ఈ సందర్భంగా పలువురు నాయకులు మాట్లాడుతూ.. పుట్టినరోజు వేడుకలను వ్యక్తిగత సంబరాలకే పరిమితం చేయకుండా సమాజానికి ఉపయోగపడే విధంగా నిర్వహించాలన్న ఎంపీ పిలుపు మేరకు సేవా కార్యక్రమాలు చేపట్టినట్లు తెలిపారు. ముఖ్యంగా దివ్యాంగులు, పేదలు, ఆర్థికంగా ఇబ్బందులు ఎదుర్కొంటున్న కుటుంబాలకు అవసరమైన వస్తువులు అందించడం, అన్నదానం చేయడం ద్వారా వారికి అండగా ఉన్నామనే భరోసా కల్పించగలిగామని అన్నారు.
సమాజంలో ఆర్థికంగా వెనుకబడిన వర్గాల సంక్షేమం కోసం సానా సతీష్ బాబు ఫౌండేషన్ ఆధ్వర్యంలో సేవా కార్యక్రమాలను నిరంతరం కొనసాగిస్తామని నిర్వాహకులు తెలిపారు.
కాకినాడలో నిర్వహించిన కార్యక్రమంలో అరగేళ్ల శ్రీనివాసరావు (బున్నీ), మాజీ జిల్లా అధ్యక్షులు తోట నవీన్, సానా సతీష్ బాబు ఫౌండేషన్ చైర్మన్ తలాటం హరీష్, న్యూటన్ ఆనంద్, ఎంపీ కార్యాలయ ఇన్చార్జ్ మేక లక్ష్మణ్, డాక్టర్ చప్పిడి వెంకటేశ్వరరావు, అంకమ్మరెడ్డి రామనాయుడు, బొబ్బిలి గోవింద్, కామడి దశరథ్, దేవ్ వెంకన్న, చీకట్ల వెంకటేష్, కోడి సీతారాం, రాయుడు దుర్గా, పాలిక సతీష్, పోలిశెట్టి తాతీలు, కృష్ణమూర్తి, బోడి వెంకట్, గింజాల శ్రీనివాసరావు, పలివెళ్ల సతీష్, జార్జ్ చక్రవర్తి తదితరులు పాల్గొన్నారు. పెద్ద సంఖ్యలో దివ్యాంగులు, పేదలు హాజరయ్యారు. #BIRTHDAY
priyaharsha#BIRTHDAY #Happy #happy birthday