#😰32 ਸਕਿੰਟਾਂ 'ਚ 27 ਹਮਲੇ ਕਰਕੇ ਮੈਡਮ ਦਾ ਕਤਲ #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #👉 ਤਾਜ਼ਾ ਅਪਡੇਟਸ ⭐ #😲ਅਜ਼ਬ-ਗਜ਼ਬ #👉🏻 ਸਥਾਨਕ ਅਪਡੇਟਸ 📰 ਹਰਿਆਣਾ ਦੇ ਫ਼ਰੀਦਾਬਾਦ ਵਿਚ ਸੋਮਵਾਰ ਨੂੰ ਇਕ ਨਕਾਬਪੋਸ਼ ਵਿਅਕਤੀ ਇਕ ਪ੍ਰਾਈਵੇਟ ਸਕੂਲ ਵਿਚ ਵੜ ਗਿਆ ਅਤੇ ਫਿਰ ਦਿਨ-ਦਿਹਾੜੇ ਇਕ ਮਹਿਲਾ ਅਧਿਆਪਿਕਾ 'ਤੇ ਚਾਕੂ ਨਾਲ ਵਾਰ ਕਰਕੇ ਹੱਤਿਆ ਕਰ ਦਿੱਤੀ। ਮੁਲਜ਼ਮ ਨੂੰ ਪੁਲਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਮੁਲਜ਼ਮ ਨੇ ਮਹਿਲਾ ਟੀਚਰ 'ਤੇ 32 ਸਕਿੰਟਾਂ ਵਿਚ ਕਰੀਬ 34 ਵਾਰ ਕੀਤੇ। ਹਾਲਾਂਕਿ, ਘਟਨਾ ਦੇ ਕੁਝ ਹੀ ਘੰਟਿਆਂ ਅੰਦਰ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਹੁਣ ਇਸ ਕਤਲਕਾਂਡ ਦੇ ਪਿੱਛੇ ਦੀ ਵਜ੍ਹਾ ਸਾਹਮਣੇ ਆਈ ਹੈ।ਜਾਣਕਾਰੀ ਮੁਤਾਬਕ, ਸੰਧਿਆ (30) ਨਾਂ ਦੀ ਔਰਤ ਪਿੰਡ ਸਿਕਰੌਨਾ ਵਿਚ ਪ੍ਰਾਈਵੇਟ ਸਕੂਲ ਵਿਚ ਟੀਚਰ ਦੀ ਨੌਕਰੀ ਕਰਦੀ ਸੀ। ਸੋਮਵਾਰ ਨੂੰ ਸਕੂਲ ਵਿਚ ਇਕ ਸਨਕੀ ਨੌਜਵਾਨ ਮੂੰਹ 'ਤੇ ਕੱਪੜਾ ਬੰਨ੍ਹ ਕੇ ਪਹੁੰਚਿਆ ਅਤੇ ਟੀਚਰ ਨੂੰ ਮਿਲਣ ਦੀ ਗੱਲ ਕਹੀ। ਇਸ ਤੋਂ ਬਾਅਦ ਟੀਚਰ ਜਿਵੇਂ ਹੀ ਗੇਟ 'ਤੇ ਮਿਲਣ ਲਈ ਪਹੁੰਚੀ ਤਾਂ ਮੁਲਜ਼ਮ ਨੇ ਉਸ ਦੀ ਗਰਦਨ, ਛਾਤੀ ਸਮੇਤ ਸਰੀਰ ਦੇ ਹੋਰ ਹਿੱਸਿਆਂ 'ਤੇ ਚਾਕੂ ਨਾਲ ਕਈ ਵਾਰ ਕੀਤੇ। ਇਹ ਘਟਨਾ ਸਕੂਲ ਕੈਂਪਸ ਵਿਚ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿਚ ਕੈਦ ਹੋ ਗਈ, ਜਿਸ ਦਾ ਵੀਡੀਓ ਬਾਅਦ ਵਿਚ ਸਾਹਮਣੇ ਆਇਆ ਸੀ।ਪੁਲਸ ਨੇ ਦੱਸਿਆ ਕਿ ਮੰਨੇ ਜਾ ਰਹੇ ਵੀਡੀਓ ਵਿਚ ਚਿੱਟੇ ਸਕਾਰਫ਼ ਨਾਲ ਚਿਹਰਾ ਢੱਕੇ ਇਕ ਵਿਅਕਤੀ ਅਧਿਆਪਿਕਾ 'ਤੇ ਵਾਰ-ਵਾਰ ਚਾਕੂ ਨਾਲ ਵਾਰ ਕਰਦਾ ਦਿਖਾਈ ਦੇ ਰਿਹਾ ਹੈ। ਵੀਡੀਓ ਵਿਚ ਮੁਲਜ਼ਮ ਨੂੰ ਸਕੂਲ ਸੰਚਾਲਕ ਨੂੰ ਧਮਕਾਉਂਦੇ ਵੀ ਦੇਖਿਆ ਜਾ ਸਕਦਾ ਹੈ, ਜਿਸ ਨੇ ਵਿਚਕਾਰ ਵਿਚ ਆ ਕੇ ਅਧਿਆਪਿਕਾ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਸੀ।ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ ਸਿਕਰੌਨਾ ਪਿੰਡ ਵਿਚ ਵਾਪਰੀ ਅਤੇ ਇਸ ਸਬੰਧੀ ਸੈਕਟਰ 58 ਥਾਣੇ ਵਿਚ ਮਾਮਲਾ ਦਰਜ ਕੀਤਾ ਗਿਆ। ਬਾਅਦ ਵਿਚ ਪੁਲਸ ਨੇ ਕੋਟ ਪਿੰਡ ਨਿਵਾਸੀ ਮੁਲਜ਼ਮ ਅਮਿਤ (21) ਨੂੰ ਘਟਨਾ ਦੇ ਦੋ ਘੰਟਿਆਂ ਅੰਦਰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਬਾਅਦ ਵਿਚ ਉਸ ਨੇ ਹੱਤਿਆ ਦੀ ਗੱਲ ਕਬੂਲ ਕਰ ਲਈ। ਪੁਲਸ ਨੇ ਦੱਸਿਆ ਕਿ ਮੁਲਜ਼ਮ ਤੋਂ ਪੁੱਛ-ਪੜਤਾਲ ਕੀਤੀ ਜਾ ਰਹੀ ਹੈ ਅਤੇ ਉਸ ਨੂੰ ਮੰਗਲਵਾਰ ਨੂੰ ਸਥਾਨਕ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ।ਸਕੂਲ ਸੰਚਾਲਕ ਤੇਜਪਾਲ ਸਿੰਘ ਨੇ ਦੱਸਿਆ ਕਿ ਘਟਨਾ ਦੌਰਾਨ ਉਹ ਆਪਣੇ ਦਫ਼ਤਰ ਵਿਚ ਬੈਠੇ ਸਨ। ਮੁਲਜ਼ਮ ਬਿਨਾਂ ਨੰਬਰ ਦੀ ਬਾਈਕ ਵਿਚ ਆਇਆ ਅਤੇ ਜਦੋਂ ਉਨ੍ਹਾਂ (ਸੰਚਾਲਕ) ਨੇ ਵਿਚਕਾਰ ਵਿਚ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ 'ਤੇ ਵੀ ਚਾਕੂ ਨਾਲ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਦੱਸਿਆ ਕਿ ਸੰਧਿਆ ਕਰੀਬ ਇਕ ਸਾਲ ਤੋਂ ਉਨ੍ਹਾਂ ਦੇ ਸਕੂਲ ਵਿਚ ਪੜ੍ਹਾਉਂਦੀ ਸੀ। ਉਹ ਪਿੰਡ ਫ਼ਿਰੋਜ਼ਪੁਰ ਕਲਾਂ ਵਿਚ ਆਪਣੇ ਪਤੀ ਨਾਲ ਰਹਿੰਦੀ ਸੀ। ਹਾਲਾਂਕਿ, ਉਹ ਮੂਲ ਤੌਰ 'ਤੇ ਡਬੁਆ, ਵੱਲਭਗੜ੍ਹ ਦੀ ਰਹਿਣ ਵਾਲੀ ਸੀ। ਫ਼ਰੀਦਾਬਾਦ ਪੁਲਸ ਬੁਲਾਰੇ ਨੇ ਦੱਸਿਆ ਕਿ ਮ੍ਰਿਤਕਾ ਦੇ ਪਤੀ ਵਿਕਾਸ ਦੀ ਸ਼ਿਕਾਇਤ 'ਤੇ ਥਾਣਾ ਸੈਕਟਰ 58 ਵਿਚ ਮਾਮਲਾ ਦਰਜ ਕੀਤਾ ਗਿਆ ਸੀ। ਤਕਨੀਕੀ ਸਹਾਇਤਾ ਅਤੇ ਸੂਤਰਾਂ ਦੀ ਸੂਚਨਾ 'ਤੇ ਮੁਲਜ਼ਮ ਅਮਿਤ (21) ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਸ਼ੁਰੂਆਤੀ ਪੁੱਛ-ਪੜਤਾਲ ਵਿਚ ਸਾਹਮਣੇ ਆਇਆ ਹੈ ਕਿ ਕਰੀਬ 2 ਸਾਲ ਪਹਿਲਾਂ ਮਹਿਲਾ ਟੀਚਰ ਉਸ ਨੂੰ, ਪਿੰਡ ਦੇ ਪ੍ਰਾਈਵੇਟ ਸਕੂਲ ਵਿਚ ਪੜ੍ਹਾਉਂਦੀ ਸੀ। ਇਸ ਦੌਰਾਨ ਹੀ ਉਸ ਦੀ ਔਰਤ ਨਾਲ ਜਾਣ-ਪਛਾਣ ਹੋਈ ਸੀ ਅਤੇ ਉਨ੍ਹਾਂ ਦੀ ਆਪਸ ਵਿਚ ਗੱਲਬਾਤ ਹੁੰਦੀ ਸੀ। ਔਰਤ ਉਸ ਤੋਂ ਪਿੱਛਾ ਛੁਡਾਉਣਾ ਚਾਹੁੰਦੀ ਸੀ, ਪਰ ਉਹ ਵਾਰ-ਵਾਰ ਔਰਤ ਦਾ ਪਿੱਛਾ ਕਰਦਾ ਸੀ। ਔਰਤ ਨੇ ਉਸ ਨੂੰ ਕਿਹਾ ਸੀ ਕਿ ਮੈਂ ਕੇਸ ਕਰ ਦਿਆਂਗੀ ਅਤੇ ਉਸ ਨੇ ਮੁਲਜ਼ਮ ਨਾਲ ਗੱਲ ਕਰਨੀ ਬੰਦ ਕਰ ਦਿੱਤੀ ਸੀ। ਇਸ ਦੇ ਚੱਲਦਿਆਂ ਉਸ ਨੇ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। 3 ਅਗਸਤ ਨੂੰ ਸਵੇਰੇ ਸਕੂਲ ਦੇ ਅੰਦਰ ਉਸ ਨੇ ਔਰਤ 'ਤੇ ਚਾਕੂ ਨਾਲ ਤਾਬੜਤੋੜ ਹਮਲਾ ਕੀਤਾ ਅਤੇ ਹੱਤਿਆ ਕਰਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ।