#🙏शिवदिनविशेष📜 🚩 #आजचे_ऐतिहासिक_दिनविशेष 🚩🏇🚩🏇🚩🏇🚩🏇🚩🏇🚩🏇🚩 #६_जून_१६६० व्याघ्रगड उर्फ वासोटा मराठ्यांनी जिंकला. 🚩🏇🚩🏇🚩🏇🚩🏇🚩🏇🚩🏇🚩 #६_जून_१६७४ ज्येष्ठ शुद्ध त्रयोदशी शालिवाहन शके १५९६ माँसाहेब जिजाऊ पुत्र, हिंदूराष्ट्र संस्थापक "छत्रपति शिवाजीराजे शहाजीराजे भोसले" यांचा राज्याभिषेकदिन रायगडावर मोठ्या उत्साहात पार पडला. श्री शिवराय या शुभदिवशी हिंदवी स्वराज्याचे पहिले छत्रपति झाले. रंजल्यागांजल्यांचे आक्रोश त्यांच्या दबलेल्या कंठातून न फुटतांज्यासाठी इतकी वर्ष घुसमटले होतेज्यासाठी व्रतं -वैकल्यं -तीर्थाटनं -तपश्चर्या -किंबहुना अवघ्या उत्सुकता ज्यासाठी ताणल्या गेल्या होत्या. अवघे सत्यसंकल्प ज्यासाठी उच्चारिले गेले होते. अवघी पुण्यं ज्यासाठी समर्पित केली गेली होती. तो शुभमुहुर्ताचा मुकुटमणितो स्वातंत्र्यसूर्याचा उदयकालस्वर्गीच्या देवतांच्या अन् यक्षगंधर्वांच्या साक्षीनंतो दैदीप्यमान क्षणार्ध उलटला आणि कृतज्ञतेच्या भारानं भारावलेली पावलं टाकीत तो मराठ्यांचा अतिशय आवडता राजा सिंहासनाजवळ पोचला, त्याक्षणी त्याच्या मनी लक्ष लक्ष वादळं उठली आणि विझली. त्या सर्व जिवलगांचे स्मरण केलं की जे या पवित्र क्षणी उपस्थित नव्हते. त्यासर्व स्वातंत्र्ययोद्धयांना वंदन केलं, की ज्यांच्या बलिदानामुळं ही अमृतवेल स्वप्नांतून प्रत्यक्षांत अवतरली होती आणि मग जिथून आवडता राजगड स्पष्ट दिसत होता, त्या सिंहासनास पाय न लावता त्यावर तो आरूढ झाला ! गागाभट्टांनी वैदिक मंत्र म्हणायास प्रारंभ केला_ हातींचं रत्नजडित, रेशमी छत्र त्यांनी राजाच्या मस्तकी धरलंआणि घनगंभीर स्वरात ते गर्जले, क्षत्रियकुलावतंस महाराज सिंहासनाधीश्वरराजा शिवछत्रपति की जय हो ! तत्क्षणीं शिंगं, कर्णे, तूतबंबाळ, चौघडे यांचा एकच गर्दघोष झाला. ठासून ठेवलेल्या तोफांचे दुडुम दुडुम बार झाले. बरकंदाजांच्या बंदुका सुटल्या. जणूं धरणीकंप व्हावा, ती गत झाली. न कळत हेन्रीचं मस्तक शिवछत्रपतींसमोर झुकलं. 🚩🏇🏻🚩🏇🏻🚩🏇🏻🚩🏇🏻🚩🏇🏻🚩🏇🚩 #६_जुन_१६९६ कासिमखानाच्या जागी बादशाहने पुढे झुल्फिकारखानाची निवड कर्नाटकच्या सुभेदारीवर केली. चित्रदुर्गाच्या ब्रम्हप्पा नायकाने संताजी घोरपडेची मदत केल्याबद्दल बादशहाने त्याची जहागिरी खालसा करून नायकाची खोड मोडली. नायकाने अपराधाची क्षमा मागून मोठा दंड भरून आपला जीव मात्र वाचवला. 🚩🏇🏻🚩🏇🏻🚩🏇🏻🚩🏇🏻🚩🏇🏻🚩🏇🚩