آزاد فلسطینی ریاست اور مشرقی القدس کو دارالحکومت بنائے بغیر اسرائیل کو تسلیم نہیں کریں گے: سعودی عرب سعودی عرب نے فلسطین سے متعلق اپنا مستقل مؤقف برقرار رکھتے ہوئے واضح کیا ہے کہ آزاد فلسطینی ریاست کے قیام کے بغیر اسرائیل کے ساتھ سفارتی تعلقات قائم نہیں کیے جائیں گے۔ سعودی وزارتِ خارجہ کے سرکاری بیان کے مطابق فلسطینی ریاست 1967 کی سرحدوں پر قائم ہونی چاہیے اور مشرقی القدس اس کا دارالحکومت ہونا چاہیے۔ ریاض نے غزہ میں اسرائیلی فوجی کارروائیاں روکنے اور وہاں سے فورسز کے انخلا کو بھی اپنے بنیادی مطالبات کا حصہ قرار دیا ہے۔ یہ مؤقف ایسے وقت دوبارہ توجہ کا مرکز بنا جب امریکی صدر ڈونلڈ ٹرمپ نے 24 جولائی 2026 کو کہا کہ امریکا اور سعودی عرب کے درمیان جوہری تعاون کا معاہدہ، ریاض کی جانب سے اسرائیل کو تسلیم کرنے اور ابراہیمی معاہدوں میں شمولیت سے مشروط ہوگا۔ تازہ امریکی مطالبے پر سعودی حکام نے فوری طور پر کوئی نیا عوامی ردِعمل نہیں دیا، تاہم مملکت کی سرکاری پالیسی آزاد فلسطینی ریاست سے منسلک ہے۔ سعودی عرب طویل عرصے سے دو ریاستی حل اور فلسطینی عوام کے جائز قومی حقوق کی حمایت کرتا آیا ہے۔ Disclaimer: This content is shared strictly for informational and awareness purposes, based solely on publicly available reports and media sources. It does not represent any personal opinion or endorsement of any party involved. #SaudiArabia #PalestinianState #EastJerusalem #TwoStateSolution #Newscuff #Newscuffpk #🕌بیت المقدس☪️