🙏🏼ஓம் நமசிவாய, திருஞானசம்பந்தர் Image & Post

ரவிசங்கர் ராஜா, ஆரணி - Author on ShareChat: Funny, Romantic, Videos, Shayari, Quotes

திருஞான சம்பந்தர் - பகுதி 4 சாத்தமங்கையில் திருநீலநக்கரையும் திருச்செங்காட்டங்குடியில் சிறுத்தொண்டரையும் சந்தித்தார். பின்னர் திருப்புகலூர் வந்தார். திருப்புகலூர் தலம் சிவனடியார்களின் பெரும் சந்திப்பால் பொலிவு பெற்றிருந்தது. அப்பர், திருநீலநக்கர், சிறுத்தொண்டர், திருஞானசம்பந்தர், முருகனார் உள்ளிட்ட சிவ அடியார்கள் சில நாட்கள் ஒன்றாகத் தங்கி இருந்தனர். அங்கே சிவபெருமான் பற்றி பேசி அந்த இடத்தையே ஜோதிமயமாக்கினர். அப்பரும் சம்பந்தரும் திருவாம்பூருக்கு வந்தனர், சோழன் கோட்செங்கணான் எழுப்பிய சிவாலயத்தை வழிபட்டனர். திருக்கடவூரில் குங்கலிய நாயனாரால் அவரது இல்லத்தில் அப்பரும் திருஞானசம்பந்தரும் வரவேற்கப்பட்டு உபசரிக்கப்பட்டனர். குங்கலியரிடம் விடைபெற்று இருவரும் திருவீழிமிழலையைச் வந்தடைந்தனர். திருவீழிமிழலை மக்கள் பஞ்சத்தால் வாடினர். பஞ்சத்தால் வாடிய மக்களைக் காக்க வேண்டி இறைவனிடம் முறையிட்ட அப்பர், திருஞான சம்பரின் விண்ணப்பத்தை ஏற்ற இறைவன், ஊரில் பஞ்சம் தீரும் வரை அவர்கள் ஒவ்வொருவருக்கும் ஒவ்வொரு நாளும் ஒரு பொற்காசு தரச் சொல்லி தம் பூதகணங்களுக்குப் ஆணையிட்டார். தினம் கிடைத்த பொற்காசுகளைக் கொண்டு தினம் அமுது செய்து ஊர் மக்களின் பசிப்பிணியைப போக்கினர். சில நாள்களில் மழை பெய்து பஞ்சமும் ஒழிந்தது. பின்னர், இருவரும் திருமறைக்காட்டுக்குச் சென்றடைந்தனர். திருமறைக்காடு எனும் வேதாரண்யத்தில் சதுர் வேதங்கள் என்று அழைக்கப்படும் ரிக், யசூர்,சாம, அதர்வண வேதங்கள் நான்கும் மனித உருவம் கொண்டு இத்தலத்தில் இருக்கும் இறைவனை பூஜை செய்து வந்தன. கலியுகம் தொடங்கும் நேரத்தில், சிவபெருமான் பூமியில் இருப்பது அவருக்கு உகந்ததல்ல என்று எண்ணிய வேதங்கள், அவரிடம் கைலாயம் செல்லுமாறு கூறி, இத்தலத்தின் கதவினையும் அடைத்துவிட்டு சென்றன. நெடுங்காலமாக மூடப்பட்டிருந்த கதவினை தேவாரம் பாடித் திருநாவுக்கரசர் திறந்தார். திறந்த அந்த கதவை திருஞான சம்பந்தர் 'சதுரம் மறை' என்ற பதிகத்தைப் பாடி மூடச் செய்தார். திருமறைக்காட்டில் திருஞானசம்பந்தர் அப்பருடன் தங்கியிருந்த காலத்தில், பாண்டிமாதேவியார் மங்கையர்க்கரசியாரும் அவரது அமைச்சர் குலச்சிறையாரும் தத்தம் தூதுவரைச் சம்பந்தரின் பால் அனுப்பி, பாண்டிய நாட்டில் சமண மதத்தின் வளர்ச்சியைத் தடுத்தருளுமாறு விண்ணப்பித்தனர். அப்போது அப்பர் பெருமான், தாம் சமணர்களிடன் மிகுந்த துன்பத்திற்கு முன்பு ஆளானதை நினைவு படுத்தி, சம்பந்தரைப் பாண்டிய நாட்டிற்கு அப்போது செல்ல வேண்டாம் என்று அறிவுறுத்தினார். மேலும், நாளும் கோளும் நலமாக இல்லாத அந்தச் சமயத்தில் சமணர்களுடன் வாதிட்டால் வெற்றி கிடைக்காது என்றார். ஆனால், சமணர்களைத் தடுத்து சைவ நெறியை நிலைநாட்ட விழைந்த சம்பந்தரை, அனுபவ ஞானமும் சோதிட ஞானமும் நிறைந்த அப்பர் தமது அன்புரைகளால் தடுக்க முடியவில்லை. தாமும் மதுரை துணை வருகிறேன் என்ற அப்பரிடம், சம்பந்தர், இறைவன் துணை இருக்கத் தமக்கு ஒன்றும் தீங்கு வராது என்று சொல்லி நாவுக்கரசிடம் விடைபெற்று மதுரையை நோக்கிப் பயணத்தைத் தொடங்கினார். தொடருவோம் ... 🚩🕉🪷🙏🏼 #🙏🏼ஓம் நமசிவாய #திருஞானசம்பந்தர் #🙏ஆன்மீக குருக்கள்🧘🏿‍♂️ #🙏🌹பாரதபூமி🌹🙏🌹சித்தர்கள் பூமி🌹🙏புண்ணியபூமி🌹🙏 #🙏ஆன்மீகம்