#🏏క్రికెట్ 🏏 #🏏అభిషేక్ శర్మ 🔥 #ఇంగ్లండ్ భారత్ తొలి టి20 మ్యాచ్ వర్షం కారణంగా రద్దయింది #ఇంగ్లండ్ భారత్ తొలి టి20 మ్యాచ్ వర్షం కారణంగా రద్దయింది *‘సెంచరీ’తో అభిషేక్ శర్మ వరల్డ్ రికార్డ్❗* Uppala శివప్రసాద్ July 2 2026🏏 టీమిండియా ఓపెనర్ అభిషేక్ శర్మ చరిత్ర సృష్టించాడు. అంతర్జాతీయ టీ20ల్లో బంతుల పరంగా అత్యంత వేగంగా 100 సిక్స్‌లు బాదిన తొలి బ్యాటర్‌గా వరల్డ్ రికార్డ్ నమోదు చేశాడు. ఇంగ్లండ్‌తో ఐదు టీ20ల సిరీస్‌లో భాగంగా బుధవారం రాత్రి జరిగిన తొలి మ్యాచ్‌లో అభిషేక్ శర్మ(24 బంతుల్లో 6 ఫోర్లు, 4 సిక్స్‌లతో 59) హాఫ్ సెంచరీతో సత్తా చాటాడు. 785 బంతుల్లోనే.. ఈ ఇన్నింగ్స్‌లో 4 సిక్స్‌లు బాది 100 సిక్స్‌ల మైలురాయి అందుకున్నాడు. 785 బంతుల్లోనే అభిషేక్ శర్మ 100 సిక్స్‌లు కొట్టాడు. ఈ క్రమంలో వెస్టిండీస్ ప్లేయర్ ఎవిన్ లూయిస్(789), న్యూజిలాండ్ డేంజరస్ బ్యాటర్ ఫిన్ అలెన్(871), ఆస్ట్రేలియా ఫినిషర్ టీమ్ డేవిడ్(931), న్యూజిలాండ్ మాజీ ఓపెనర్ కొలిన్ మున్రో(961), భారత మాజీ టీ20 కెప్టెన్ సూర్యకుమార్ యాదవ్(1008) రికార్డును అధిగమించాడు. రెండో బ్యాటర్‌గా.. ఇన్నింగ్స్‌ల పరంగా 100 సిక్స్‌లు బాదిన రెండో టెస్ట్ నేషన్ బ్యాటర్‌గా నిలిచాడు. ఈ జాబితాలో ఎవిన్ లూయిస్(42 ఇన్నింగ్స్‌ల్లో) అగ్రస్థానంలో ఉండగా.. అభిషేక్ శర్మ(48 ఇన్నింగ్స్‌లు), సూర్యకుమార్ యాదవ్(49), క్రిస్ గేల్(49), కొలిన్ మున్రో(57) తర్వాతి స్థానాల్లో ఉన్నారు. ఓవరాల్‌గా 100 సిక్స్‌లు బాదిన నాలుగో భారత బ్యాటర్‌గా అభిషేక్ శర్మ నిలిచాడు. రోహిత్ శర్మ, విరాట్ కోహ్లీ, సూర్యకుమార్ యాదవ్ అతని కంటే ముందు ఈ ఫీట్ సాధించారు. ఈ మ్యాచ్‌లో అభిషేక్ శర్మ హాఫ్ సెంచరీతో చెలరేగినా లాభం లేకుండా పోయింది. వర్షం కారణంగా ఈ మ్యాచ్ రద్దయ్యింది. ఈ మ్యాచ్‌లో ముందుగా బ్యాటింగ్ చేసిన భారత్ నిర్ణీత 20 ఓవర్లలో 7 వికెట్లకు 189 పరుగులు చేసింది. అభిషేక్ శర్మ(24 బంతుల్లో 6 ఫోర్లు, 4 సిక్స్‌లతో 59), శ్రేయస్ అయ్యర్(47 బంతుల్లో 6 ఫోర్లు, సిక్స్‌తో 68) హాఫ్ సెంచరీలతో రాణించగా.. శివమ్ దూబే(21 బంతుల్లో 2 ఫోర్లు, 3 సిక్స్‌లతో 42 నాటౌట్) దూకుడుగా ఆడాడు. ఇంగ్లండ్ బౌలర్లలో సకీబ్ మహ్మూద్(3/33) మూడు వికెట్లు తీయగా.. ఆదిల్ రషీద్, సామ్ కరణ్ తలో వికెట్ తీసారు. ఇంగ్లండ్ ఇన్నింగ్స్ ప్రారంభానికి ముందు భారీ వర్షం రావడంతో మ్యాచ్‌ రద్దయ్యింది.