*🚩🌷 श्रीविष्णु पुराण🌷 🚩* *🔖 अध्याय २१* *🛑 प्रल्हादाच्या वंशाचा विस्तार 🛑* पराशर म्हणतात - प्रल्हादाला आयुष्यमान, शिबि, व बाष्कल असे तीन मुलगे झाले. प्रल्हादाचा पुत्र विरोचन व त्याचा बली होता. पैकी बळीला शंभर मुलगे झाले व त्या सर्वात थोरला बाणासुर होय. हिरण्यक्षाचे पुत्र उत्कुर, शकुनी, भूतसंतापन, महानाभ, महाभाहू व कालनाभ ! हे सर्वजण महापराक्रमी होते. महर्षी कश्यपांची दुसरी पत्नी दनु नावाची होती. तिला पंधरा महाबलशाली पुत्र होते. हे दानव या नावाने प्रसिद्ध आहेत. त्या पंधरातील एक पुत्र 'स्वर्भानु' याला प्रभा नावाची मुलगी झाली. वृषपर्व्याला शर्मिष्ठा उपदानी व हयशिरा अशा तीन मुली झाल्या. वैश्वानराच्या दोन मुली कश्यपांना दिल्या होत्या. त्यांच्यापासून साठ हजार दानव जन्मले. याशिवाय इतर पुत्रांपासून दानवांचा वंश विस्तारत गेला. तो शेकडो, हजारोंच्या संख्येने वाढला. प्रल्हादाच्या वंशात पुढे निवात कवच नावाचे दैत्य जन्मास आले. कश्यपांची एक ताम्रा नावाची पत्नी होती. तिला सहा कन्या होत्या. त्यांपैकी शुकि हिच्यापासून पोपट व घुबड, आणि कावळे, श्येनीपासून ससाणे, भासीपासून भास व गुदध्रिकेपासून गिधाडे अशा प्रजाती निर्माण झाल्या. शुचिपासून जलचर व सुग्रीवी हिच्यापासून पाळीव पशु जन्मले. ही सर्व संतती ताम्रापासून वाढत गेली.कश्यपांची पत्नी जी 'विनता' होती, तिला गरुड आणि अरुण असे दोन पुत्र होते. गरुड हा सापांचा शत्रू होता. कश्यपांची पत्नी 'सुरसा' आणि 'कद्रू' या दोघींपासून सापांच्या व नागांच्या हजारो प्रजाती निर्माण होत गेल्या. क्रोधवशा नावाच्या पत्नीपासून क्रोधवश नावाचे क्रूर गण जन्मले. भूत व पिशाच्च ही तिचीच संतती आहे. 'सुरभी' पासून दुधाळ प्राणी झाले तर इशापासून सर्व वनस्पती बनल्या. 'खसा' नावाच्या स्त्रीपासून यक्ष, राक्षस, पैदा झाले. 'मुनि' हिच्यापासून अप्सरा व 'अरिष्टा' हिच्यापासून गंधर्व उत्पन्न झाले. असा सर्व महर्षी कश्यपांचा वंशविस्तार आहे. हा स्वारोचिष नावाच्या मन्वंतरातील आहे. आता सध्याच्या वैवस्तव नावाच्या चालू मन्वंतरातील सृष्टीचे वर्णन ऐका. प्रारंभी व वारुण नावाचा यज्ञ झाला. त्यात ब्रह्मदेव होता ( यजमान )असून त्यांचा वंश वर्णन करतो. पूर्वीच्या कल्पातील आपल्या मानसपुत्रांकडूनच ब्रह्मदेवाने सृष्टीतील सजीवांची निर्मिती केली. ज्यावेळी दितीचे ( कश्यपांची पत्नी ) पुत्र इंद्राने मारली. #🌻आध्यात्म 🙏