#👩‍🍳 പാചകലോകം +-------+-------+-------+------+ _*🌶️ ഇന്നത്തെ പാചകം 🍳*_ *വെണ്ടക്ക പൊള്ളിച്ചത്* +-------+-------+-------+------+ ```നിറയെ പോഷകഗുണമുള്ളതിനാൽ വെണ്ടക്ക ആരോഗ്യകരമായ പച്ചക്കറിയായി കണക്കാക്കപ്പെടുന്നു. ഇതിൽ കലോറി കുറവാണ്, ഉയർന്ന അളവിൽ നാരുകളും അടങ്ങിയിട്ടുണ്ട്. വിറ്റാമിൻ എ, സി എന്നിവയും പൊട്ടാസ്യം, മഗ്നീഷ്യം തുടങ്ങിയ ധാതുക്കളും അടങ്ങിയിട്ടുണ്ട്. ആരോഗ്യപരമായ ഗുണങ്ങളുള്ള ഫ്ലേവനോയിഡുകളും ഫിനോളിക് സംയുക്തങ്ങളും ഉൾപ്പെടെയുള്ള ആൻ്റിഓക്സിഡൻ്റുകളും വെണ്ടക്കയുടെ ഗുണങ്ങളാണ്. വെണ്ടക്കയിൽ അടങ്ങിയിരിക്കുന്ന നാരുകൾ ദഹനത്തെ സഹായിക്കുകയും മലബന്ധം തടയുകയും ചെയ്യുന്നു. നല്ല കുടൽ ബാക്ടീരിയകളുടെ വളർച്ചയെ പ്രോത്സാഹിപ്പിക്കുന്നതിലൂടെ കുടലിൻ്റെ ആരോഗ്യത്തെ പിന്തുണക്കുന്നു. വിറ്റാമിൻ സി, കാൽസ്യം,``` ```മഗ്നീഷ്യം എന്നിവ അടങ്ങിയിട്ടുള്ളതിനാൽ അസ്ഥികളുടെ ആരോഗ്യത്തിനും ഇത് ഗുണം ചെയ്യും. ധാരാളം ആരോഗ്യഗുണം ഉള്ളതിനാൽ ഭക്ഷണക്രമത്തിലും വിവിധ രീതികളിൽ ഇത് ഉപയോഗിക്കാൻ ശ്രമിക്കുക. വെണ്ടക്ക ഇഷ്ട്ടപ്പെടാത്തവരും ഉണ്ടാകും. എന്നാലിനി ഏവർക്കും ഇഷ്ട്ടപ്പെടുന്ന രീതിയിൽ വെണ്ടക്ക വാഴയിലയിൽ പൊള്ളിച്ചെടുക്കുന്നത് എങ്ങനെ എന്ന് നോക്കാം.. ``` ________________________ *ചേരുവകൾ* _______________________ _വെണ്ടക്ക - 250 ഗ്രാം_ _മഞ്ഞൾപ്പൊടി - കാൽ ടീസ്പൂൺ_ _മുളകുപൊടി - ഒന്നര ടേബിൾ സ്പൂൺ_ _കറിവേപ്പില - കുറച്ച്_ _വെളുത്തുള്ളി - 4-5 എണ്ണം_ _ഇഞ്ചി - 1 എണ്ണം_ _സവാള - 1 എണ്ണം_ _പച്ചമുളക് - 3 എണ്ണം_ _കാശ്മീരിമുളകുപൊടി - ഒന്നര ടീസ്പൂൺ_ _വറ്റൽമുളക് - 2 എണ്ണം_ _തക്കാളി - 1 എണ്ണം_ _വെള്ളം,- കാൽ കപ്പ്_ _കുരുമുളകുപൊടി - കാൽ ടീസ്പൂൺ_ _വെളിച്ചെണ്ണ - ആവശ്യത്തിന്_ _ഉപ്പ് - ആവശ്യത്തിന്_ _______________________ *തയ്യാറാക്കുന്ന വിധം* ________________________ ```ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി വൃത്തിയാക്കി വരഞ്ഞു വെച്ചിരിക്കുന്ന വെണ്ടക്ക ചേർത്ത് അൽപ്പം ഉപ്പും മഞ്ഞൾപ്പൊടിയും മുളകുപൊടിയും, കറിവേപ്പിലയും കൂടി ചേർത്തിളക്കി വറുക്കുക. ആവശ്യമെങ്കിൽ അൽപ്പം എണ്ണ കൂടി ചേർക്കാം. വറുത്ത വെണ്ടക്ക മറ്റൊരു പാത്രത്തിലേക്കു മാറ്റുക. അതേ പാനിൽ അൽപ്പം എണ്ണയൊഴിച്ചു ചൂടാക്കി വെളുത്തുള്ളിയും, ഇഞ്ചിയും, സവാളയും, ചെറുതായി അരിഞ്ഞതിലേക്ക് കുറച്ച് ഉപ്പ് കൂടി ചേർത്തു വഴറ്റുക. കറിവേപ്പില, രണ്ട് വറ്റൽമുളക്, എന്നിവക്കൊപ്പം കാശ്മീരിമുളകുപൊടി, അൽപ്പം മഞ്ഞൾപ്പൊടി, എന്നിവ ചേർത്തിളക്കുക. തക്കാളി നന്നായി അരച്ചെടുത്തതു ചേർത്തിളക്കുക. അൽപ്പം വെള്ളം കൂടി ഒഴിച്ചു വേവിച്ചു മാറ്റുക. ഒരു വാഴയില വാട്ടിയെടുത്ത് വേവിച്ച വെണ്ടക്ക മസാലയോടൊപ്പം അതിലേക്കു വെച്ച് കുറച്ച് കുരുമുകുപൊടി കൂടി ചേർത്ത് കെട്ടുക. ഇത് പാനിൽ എണ്ണയൊഴിച്ചതിലേക്കു വെച്ച് ഇടത്തരം തീയിൽ പൊള്ളിച്ചെടുക്കാം.``` +-------+------+------+------+