திமுக சின்னத்தில் போட்டியிடும் ஒரு கட்சிக்கு தேர்தல் ஆணைய அங்கீகாரம் மட்டுமல்ல, கட்டிய கோவணம்கூட மிஞ்சாது! 2026 தேர்தல் ஒரு ஜனநாயகப் போராட்டம். பணம் இன்னும் ஜனநாயகத்தை விலை பேசுகிறது! 2026 தேர்தலில் சாதி அரசியலுக்கும் பணநாயகத்துக்கும் சம்மட்டியடி விழுந்தது. ஆனால், மழை நின்றபோதும் தூறல் நின்றபாடில்லை. திமுக சின்னத்தில் போட்டியிட்ட மதிமுக இன்று திமுகவிடம் தனது MLAக்களை பறிகொடுத்துவிட்டு பரிதாபமாக நிற்கிறது. ஓட்டுக்குத் துட்டு என்ற தேர்தல் வியாபாரத்துக்கும், குவாட்டரும் பிரியாணியும் கொடுத்து 'வரலாறு காணாத' மாநாடுகள் நடத்தியும் திராவிடக் கட்சிகள் அரசியல் செய்து வந்தன. கட்சிகள் நடத்திய நேர்காணலில் வேட்பாளர்களிடம் கேட்கப்பட்ட முதல் கேள்வி, உன்னுடைய சாதி எது? இரண்டாவது கேள்வி தேர்தலுக்கு உன்னால் எவ்வளவு செலவு செய்ய முடியும்? அதுபோக, கட்சிக்கு உன்னால் எவ்வளவு நிதி கொடுக்கமுடியும்? என்பதே. பணம் இன்னும் ஜனநாயகத்தை விலை பேசுகிறது. நேற்று கடைசியாக விலை போனது மதிமுக MLA. "தவெக குதிரை பேரம் செய்கிறது" என கூசாமல் குற்றம் சாட்டிய திராவிடக்கட்சிகளுக்கு ஒரு கேள்வி. குதிரை பேரத்தில் வாங்கப்பட்ட 25 அதிமுக MLA க்கள் மீண்டும் தாய்க்கழத்துடன் இணைந்தார்களே, அது எப்படி? கொட்டிய வார்த்தைகளை அள்ள முடியுமா? இப்போது திராவிடக் கட்சிகள் பக்கம் வருவோம். தவெக ஆட்சி அமைப்பதை எப்படியாவது தடுக்கவேண்டும் என்று அவை ஆடிய ஆட்டமென்ன? பேசிய வார்த்தையென்ன? 60 ஆண்டுகள் காலமாக வராத ஞானோதயம் இப்போது திடீரென உதயமாகி, தமிழகத்தில் தலித் ஒருவர் தமிழக முதல்வராக வேண்டும் என்று திருமாவளவனை முதல்வராக்க திமுக திட்டமிட்டது. அதன் உண்மையான உள்நோக்த்தைப் புரிந்து கொண்ட திருமாவளவன் அதில் ஆர்வம் காட்டவில்லை. அதன் பிறகு ஆ. ராசா என்ற இன்னொரு திமுக தலித் தலைவர் தவெகவை ஆதரித்த திருமாவளவனை தரம் தாழ்ந்த முறையில் விமர்சனம் செய்தார். அடுத்து எடப்பாடியை முதல்வராக்கிவிட முயற்சி செய்யப்பட்டது. எடப்பாடியும் அதை நிராகரிக்கவில்லை. அதிமுகவில் ஒரு பிரிவினர் இதைத் துளியும் ரசிக்கவில்லை. திமுகவுடன் கூட்டணி வைப்பது தற்கொலைக்குச் சமம் என்று வீறுகொண்டு எழுந்தார்கள். திமுகவுடன் கூட்டு சேர விரும்பிய எடப்பாடிக்கு கட்சியில் ஒரு பிரிவினர் தவெகவிற்கு ஆதரவளிக்க விரும்பியது கசந்தது! பணத்தை வைத்து மீண்டும் அரசியல் வியாபாரத்தை ஆரம்பித்த திமுக இப்போது மதிமுக MLA க்களை விலைபேசியிருக்கிறது. கட்சியை மொத்தமாக திமுகவிடம் அடகு வைத்துவிட்டு திமுகவின் சின்னத்தில் போட்டியிட்டால் தேர்தல் ஆணையத்தின் அங்கீகாரம் மட்டுமல்ல, கட்டிய கோவணம்கூட மிஞ்சாது என்பதற்கு வைகோ அவர்களே சாட்சி. இதுதான் உண்மையாக நிகழ்ந்த குதிரை பேரம் என்று வைகோ குற்றம் சாட்டுகிறார். திமுக கட்சியானது மதிமுக MLAக்களை மட்டும் விலை பேசவில்லை, ஜனநாயகத்தையே விலை பேசுகிறது, தவெக அரசினை செயல்படவிடாமல் முடக்க நினைக்கிறது. இவர்களைத் தவிர்த்து வேறு யாரும் நாட்டை ஆண்டால் ஜனநாயகத்திற்கு என்னாவது? #வைகோ #MDMK #DMK #TVK #VIJAY #VAIKO Skin Care Nivea Body Lotion #Ad https://amzn.to/4y8vo3M P.S. If you haven't subscribed to our channel yet, please do so now! Our team works hard to bring you insightful content that drives awareness. Your support keeps us going — this is your channel! #🚹உளவியல் சிந்தனை #📺அரசியல் 360🔴