નવી દિલ્હી: કર્મચારી ભવિષ્ય નિધિ સંગઠન એટલે કે ઈપીએફઓ દેશના કરોડો નોકરિયાત લોકો માટે એક મોટી ડિજિટલ સુવિધા શરુ કરવા જઈ રહ્યું છે. આ નવી સેવા શરુ થયા બાદ પીએફ ખાતાધારકોને નાની નાની જાણકારી માટે વારંવાર વેબસાઈટ અથવા ઉમંગ એપ પર લોગઈન કરવાની જરૂર પડશે નહીં. હવે લોકો સીધા વોટ્સએપ દ્વારા પીએફ ખાતા સાથે જોડાયેલી કેટલીય જરૂરી જાણકારી મેળવી શકશે. માનવામાં આવે છે કે આ પગલું ડિજિટલ ઈંડિયા અને ઈઝ ઓફ લિવિંગ મિશનને વધારે મજબૂત કરશે, કેમ કે દેશમાં મોટા ભાગે સ્માર્ટફોન યુઝર્સ પહેલાથી વોટ્સએપ ઉપયોગ કરી રહ્યા છે.