#🏝️ പ്രവാസി #💖 അമ്മ ഇഷ്‌ടം #👨‍👩‍👧‍👦 കുടുംബം #🧘‍♂️ നിങ്ങളുടെ ആ രോഗം മാറും ; ഇതാ എളുപ്പവഴി #🤝 സുഹൃദ്ബന്ധം ഉച്ചഭക്ഷണത്തിലെ ഒഴിച്ചുകൂടാനാവാത്ത വിഭവമാണ് തൈര്. പ്രോബയോട്ടിക്സുകളാൽ സമ്പന്നമായ തൈര് ദഹനത്തിനും പ്രതിരോധശേഷിക്കും ഏറെ ഗുണകരമാണ്.* *എന്നാൽ തൈര് കഴിക്കുന്നതിനെക്കുറിച്ച് പലരിലും പലവിധത്തിലുള്ള സംശയങ്ങളും തെറ്റിദ്ധാരണകളും നിലനിൽക്കുന്നുണ്ട്.* *തൈര് കഴിച്ചാൽ ജലദോഷം വരുമോ?* *രാത്രി തൈര് കഴിക്കാമോ?* *ഇത്തരം 13 പ്രധാന ചോദ്യങ്ങൾക്ക് മറുപടി നൽകുകയാണ് പ്രമുഖ ഗ്യാസ്ട്രോഎൻട്രോളജിസ്റ്റ് ഡോ.പളനിയപ്പൻ മാണിക്കം.* *1. തൈര് ശരിക്കും ആരോഗ്യകരമാണോ?* അതെ, ഡോ.മാണിക്കത്തിന്റെ അഭിപ്രായത്തിൽ തൈര് ആരോഗ്യത്തിന് വളരെ നല്ലതാണ്. ഇതിൽ ധാരാളം പ്രോബയോട്ടിക്സ്, പ്രോട്ടീൻ, കാൽസ്യം, ഗുണകരമായ ബാക്ടീരിയകൾ എന്നിവ അടങ്ങിയിട്ടുണ്ട്. ഇവ കുടലിന്റെ ആരോഗ്യത്തിനും ശരീരത്തിന്റെ പൊതുവായ ആരോഗ്യത്തിനും വളരെയധികം ഗുണം ചെയ്യും. *2. തൈര് ദഹനത്തിന് നല്ലതാണോ?* അതെ. തൈരിലെ പ്രോബയോട്ടിക്സ് (നല്ല ബാക്ടീരിയകൾ) കുടലിന്റെ ആരോഗ്യം മെച്ചപ്പെടുത്തുന്നു. ഇത് ദഹനം സുഗമമാക്കുകയും ഗ്യാസ്, അസിഡിറ്റി തുടങ്ങിയ പ്രശ്നങ്ങൾ കുറയ്ക്കാൻ സഹായിക്കുകയും ചെയ്യുന്നു. *3. തൈര് കഴിക്കുന്നത് ജലദോഷത്തിനും ചുമയ്ക്കും കാരണമാകുമോ?* പലരും കരുതുന്നത് തൈര് തണുപ്പുള്ള ഭക്ഷണമായതിനാൽ ജലദോഷമുണ്ടാക്കും എന്നാണ്. എന്നാൽ ശാസ്ത്രീയമായി തൈര് ജലദോഷത്തിന് കാരണമാകുന്നില്ല. ഫ്രിഡ്ജിൽ വെച്ച് തണുപ്പിച്ച തൈര് നേരിട്ട് കഴിക്കുന്നത് തൊണ്ടയ്ക്ക് അസ്വസ്ഥത ഉണ്ടാക്കിയേക്കാം. എന്നാൽ സാധാരണ താപനിലയിലുള്ള തൈര് പ്രതിരോധശേഷി വർധിപ്പിക്കുകയാണ് ചെയ്യുന്നത്. *4. രാത്രിയിൽ തൈര് കഴിക്കാമോ?* ആയുർവേദ പ്രകാരം രാത്രിയിൽ തൈര് കഴിക്കുന്നത് കഫക്കെട്ടിന് കാരണമായേക്കാം. ദഹനപ്രക്രിയ പതുക്കെയാകുന്ന സമയമായതിനാൽ രാത്രി തൈര് ഒഴിവാക്കുന്നതാണ് നല്ലത്. പ്രത്യേകിച്ച് ശ്വസനസംബന്ധമായ പ്രശ്നങ്ങളുള്ളവർ രാത്രി തൈര് കഴിക്കരുത്. പകരം മോരും വെള്ളം ഉപയോഗിക്കാം. *5. പാലിനേക്കാൾ നല്ലത് തൈരാണോ?* ദഹനത്തിന്റെ കാര്യമെടുത്താൽ, പാലിനേക്കാൾ നല്ലത് തൈരാണ്. കാരണം മിക്കവാറും ആളുകളുടെ ദഹനവ്യവസ്ഥയ്ക്ക് തൈര് കൂടുതൽ അനുയോജ്യവും പെട്ടെന്ന് ദഹിക്കുന്നതുമാണ്. *6. തൈര് അസിഡിറ്റി ഉണ്ടാക്കുമോ?* സാധാരണയായി അസിഡിറ്റിയിൽ നിന്ന് ആശ്വാസം ലഭിക്കാൻ തൈര് സഹായിക്കാറുണ്ട്. എന്നാൽ, അമിതമായി പുളിച്ച തൈര് ലക്ഷണങ്ങൾ വർധിപ്പിക്കാൻ കാരണമായേക്കാമെന്ന് ഡോ.മാണിക്കം മുന്നറിയിപ്പ് നൽകുന്നു. *7. വീട്ടിലുണ്ടാക്കുന്ന തൈര് പാക്കറ്റ് തൈരിനേക്കാൾ നല്ലതാണോ?* ഡോക്ടർ മാണിക്കത്തിന്റെ അഭിപ്രായത്തിൽ, വീട്ടിലുണ്ടാക്കുന്ന തൈരാണ് സാധാരണയായി പാക്കറ്റ് തൈരിനേക്കാൾ നല്ലത്. കാരണം ഇതിൽ രാസവസ്തുക്കൾ കുറവാണെന്നും കൂടുതൽ ഫ്രഷ് ആയ കൾച്ചറാണ് അടങ്ങിയിരിക്കുന്നതെന്നും അദ്ദേഹം പറയുന്നു. *8. ഒരാൾക്ക് ദിവസവും എത്ര തൈര് കഴിക്കാം?* ഒരു ശരാശരി വ്യക്തിക്ക് ദിവസം ഒരു കപ്പ് തൈര് കഴിക്കുന്നത് നല്ലതാണെന്ന് ഡോ.മാണിക്കം പറഞ്ഞു.