مُجھے کبھی نہیں لگا کہ میں اُس کے بنا خُوشگوار زندگی گُزار سکوں گا، اُس کا نہ ہونا میرے لئے ہمیشہ ہی رنجش کا باعث رہا، میں اُس کی یادوں اور اُس کی پُرکشش اداؤں کو کبھی فراموش نہیں کر سکا. لیکن آج کافی عرصے بعد جب میں اپنے آپ سے ہم کلام ہوا تو مُجھے اندازہ ہوا کہ ایسا کُچھ بھی نہیں. جبکہ میرا دِل آج بھی کِسی بچے کی مانند اُس کی ضِد لگائے مُجھ سے رُوٹھ جانے کی دھمکی دیتا رہا. تب مُجھے احساس ہوا کہ میں تو آج بھی وہیں کھڑا ہوں جہاں وہ مُجھے محبت کے نام پر تن و تنہا اور اکیلا چھوڑ گیا تھا. پھر میں نے غور کرنا شروع کیا اور حیران ہوتا گیا کہ اُس کے دھوکہ دے جانے کے بعد میں خدا کے قریب ہوا، میری زندگی کی وہ تکالیف جو بلاوجہ ہی بڑھتی جارہی تھیں وہ کم ہوتے ہوتے ختم ہوگئیں، میری زندگی آہستہ آہستہ خوشگوار ہونے لگی، وہ ادائیں اُس کی کبھی یاد آ بھی جائیں تو دل میں معمولی سی ٹیس اٹھتی ضرور ہے مگر اُس پر یہ احساس غالب آجاتا ہے کہ خدا نے مجھے سنبھال لیا اور سہی وقت پر اُس کے چنگل سے نکال لیا. اب اُس کا نہ ہونا میرے لئے کسی رنجش کا باعث نہیں. اگر آپ بھی ایسی ہی کسی کیفیت کا شکار ہیں تو اپنے آپ کو سوچوں کے اس دلدل سے نکالنے کی کوشش کریں اور یہ دیکھیں کہ خدا اس انسان سے کس کس طرح آپ کو بچاتا رہا ہے. نوٹ: کچھ کیفیات کو لفظوں میں ڈھالنا بہت مشکل ہوتا ہے، آپ بھی اپنی کیفیت کمینٹ کر سکتے ہیں. شکریہ #پیاری دوستی #میرا عشق تو ہے #دوستی اور محبت #پاکیزا دوستی #دوستی 👬✨👥👬