ഡാ... ആദ്യത്തെ ഞെട്ടൽ മാറിയതും ഇന്ദ്രൻ ദേഷ്യത്തോടെ അവിടെ നിന്ന് എഴുന്നേറ്റ് വിനോദിന്റെ അടുത്തേക്ക് പാഞ്ഞു. അപ്പോഴേക്കും ഇന്ദ്രന്റെ അച്ഛനും ഹരിയുടെ അച്ഛനും ചേർന്ന് അവനെ പിടിച്ചു നിർത്തി. ഹരി വേഗം വിനോദിൻ്റെ അടുത്ത് പോയി നിന്നു. മാളുവിന്റെ വീട്ടുകാർ വിരുന്നിന് വരുന്നത് വിളിച്ചുപറഞ്ഞതുകൊണ്ട് ദേവിക ക്ഷണിച്ചതായിരുന്നു അവരെ എല്ലാവരെയും. കല്യാണിയും ഗൗരിയും ചിന്നുവും ഇന്ദിരയും ദേവികയുമെല്ലാം ഒരുനിമിഷം വിനോദിനെ പേടിയോടെ നോക്കി. അവന് വീണ്ടും അസുഖം വന്നോ എന്ന് അവർ ഭയത്തോടെ ചിന്തിച്ചു. ഉണ്ണിയേട്ടാ...... ഞെട്ടൽ മാറിയപ്പോൾ മാളു പെട്ടന്ന് വിനോദിന്റെ അടുത്ത് ചെന്ന് നിന്ന് അവനെ കെട്ടിപിടിച്ച് അവന്റെ നെഞ്ചിൽ പതുങ്ങി നിന്നു. എല്ലാവരും അവരെ തന്നെ നോക്കി നിന്നു. വിനോദിനോടുള്ള ദേഷ്യം ഇന്ദ്രനിൽ നുരഞ്ഞു പൊന്തുമ്പോഴും അവനോട് ചേർന്ന് നിൽക്കുന്ന മാളുവിൽ അവന്റെ നോട്ടം പതിഞ്ഞു കൊണ്ടിരുന്നു. പുറം തിരിഞ്ഞു നിൽക്കുമ്പോൾ ഉള്ള അവളുടെ ശരീര ഭംഗിയിലേക്ക് അവൻ ഒരു ഉന്മാദത്തോടെ നോക്കി നിന്നു. ഹൂ... ഇന്ദ്രൻ അറിയാതെ കൊതിയോടെ ശ്വാസം വലിച്ചു പോയി ഉണ്ണിയേട്ടാ... മാളു കലങ്ങിയ കണ്ണോടെ അവനെ വീണ്ടും വിളിച്ചു.അവളുടെ കൈകൾ അവനിൽ മുറുകി. അവളുടെ ശരീരം കുറച്ച് മുന്നേ നടന്ന സംഭവത്തിൽ വിറകൊള്ളുന്നുണ്ടായിരുന്നു. വിനോദ് ഇന്ദ്രനിൽ നിന്നും നോട്ടം മാറ്റി പതിയെ തന്റെ നെഞ്ചിലേക്ക് നോക്കി. അവന്റെ മുഖത്ത് പുഞ്ചിരി വിരിഞ്ഞു. ഗായൂ... അവൻ സ്നേഹത്തോടെ അവളെ ചേർത്തുപിടിച്ചുകൊണ്ട് വിളിച്ചു. മ്മ്... അവൾ അങ്ങനെ തന്നെ നിന്നുകൊണ്ട് മൂളി സാരല്ല ട്ടോ... എൻ്റെ ഗായു കരയണ്ട.. അവൻ സ്നേഹത്തോടെ പറഞ്ഞപ്പോൾ അവൾ അവനെ മുഖം ഉയർത്തി നോക്കി എന്തിനാ ഉണ്ണിയേട്ടാ ഇന്ദ്രേട്ടനെ ചവിട്ടിയെ.. അവൾ പതിയെ ചോദിച്ചു. ഹരി അവരുടെ അടുത്ത് തന്നെ നിന്ന് അവരുടെ സംസാരം ശ്രദ്ധിക്കുകയായിരുന്നു അപ്പോൾ. അവൻ എന്തിനാ ഗായൂനെ കരയിപ്പിച്ചേ.. അതോണ്ടാ ഞാൻ അവനെ ചവിട്ടിയെ.. വിനോദ് മാളുവിനോട് സ്നേഹത്തോടെ പറഞ്ഞുകൊണ്ട് ഇന്ദ്രനെ ദേഷ്യത്തോടെ നോക്കി. അവന്റെ ആ സംസാരത്തിലും നോട്ടത്തിലും ഇന്ദ്രൻ ഒന്ന് പതറി. അവൻ വേഗം അവൻ്റെ അടുത്ത് നിൽക്കുന്ന രാഘവനെ (ഇന്ദ്രൻ്റെ അച്ഛൻ )നോക്കി. കാര്യം മനസിലായത് പോലെ അയാൾ അവനെ കലിപ്പിച്ചു നോക്കി. ഹരിയുടെ നെറ്റി ചുളിഞ്ഞു. ഇന്ദ്രൻ എന്തിനാ മാളു മോളെ കരയിപ്പിച്ചത്... അവൻ ഇന്ദ്രനെ സൂക്ഷിച്ചു നോക്കി മനസ്സിൽ ചിന്തിച്ചു.. ഇന്ദ്രൻ വിനോദിനെ ദേഷ്യത്തോടെ ഒന്ന് നോക്കിക്കൊണ്ട് അവനെ പിടിച്ച രാഘവൻ്റെയും രാജശേഖരന്റെയും കൈകൾ തട്ടിമാറ്റി.അവൻ്റെ നോട്ടം ഹരിയിൽ വന്നെത്തി നിന്നു. തന്നെ സംശയത്തോടെ നോക്കുന്ന ഹരിയെ കണ്ട് ഇന്ദ്രന് ഒരുവേള വെപ്രാളം തോന്നി. അവൻ ഹരിയെ നോക്കി ചിരിക്കാൻ ശ്രമിച്ചു. ഇന്ദ്രൻ എന്ത് പറഞ്ഞിട്ടാ മാളു കരഞ്ഞത്.. ഹരി ഗൗരവത്തോടെ ഇന്ദ്രനോട് ചോദിച്ചു. ഇന്ദ്രൻ ഞെട്ടി. ഇന്ദിരയുടെ മുഖം താഴ്ന്നു. രാഘവൻ പെട്ടന്ന് മുന്നിലേക്ക് വന്നു. അത്... അത് കുഞ്ഞ... ഇവര്.. ഇവര് ഏട്ടനും അനിയത്തിയും അല്ലെ. അപ്പൊ മോളെ കാണാതിരുന്ന വിഷമം ഇവൻ പറഞ്ഞപ്പോൾ മാളു കരഞ്ഞതാകും. അത് കണ്ട് വിനുമോൻ തെറ്റുദ്ധരിച്ചതാ. മാളു അവൾ ഒരു ശുദ്ധഗതിക്കാരിയാ.. പെട്ടന്ന് സങ്കടം വരും.. പാവം.. രാഘവൻ ഉള്ളിലെ കുടിലത മറച്ചുവെച്ച് മാളുവിനെ കുറിച്ച് സ്നേഹത്തോടെ പറഞ്ഞു. മാളുവിന്റെ ചുണ്ടിൽ പുച്ഛം നിറഞ്ഞു. സ്വന്തം മകന് വേണ്ടി മകളായി കാണേണ്ടവളെ കൂട്ടിക്കൊടുക്കാൻ നടക്കുന്ന അച്ഛൻ.. അവളുടെ കണ്ണിൽ അവരെ കുറിച്ചോർക്കേ ദേഷ്യം നിറഞ്ഞെങ്കിലും ആ പാവം പെണ്ണ് അവർക്കെല്ലാം മുന്നിൽ നിസ്സഹായയായിരുന്നു. അവൾ വിനോദിൽ നിന്ന് അകലാതെ അങ്ങനെ തന്നെ നിന്നു. എന്നാൽ ഈ നേരമത്രയും ഗൗരിയും കല്യാണിയും മാളുവിനെ ദേഷ്യത്തോടെ നോക്കി നിൽക്കുകയായിരുന്നു. വിനോദിന്റെ നെഞ്ചോട് ചേർന്ന് നിൽക്കുന്ന മാളുവിനെ കാണേ ഗൗരി ദേഷ്യത്തോടെ പല്ലുകൾ ഇറുമ്മി. രാഘവൻ അത്രയും പറഞ്ഞിട്ടും ഹരി വിശ്വാസം വരാത്തത് പോലെ അവരെ രണ്ടാളെയും സൂക്ഷിച്ചു നോക്കി. മ്മ്.. അത് പോട്ടെ ഹരി.. ഇവരിപ്പോ നമ്മുടെ ഗസ്റ്റ് ആണ്.. ഹരിയുടെ മുഖഭാവം ശ്രദ്ധിച്ച രാജശേഖരൻ പറഞ്ഞു. മ്മ് അച്ഛാ...ഹരി മൂളിക്കൊണ്ട് പറഞ്ഞു ഗായു നമുക്ക് റൂമിലേക്ക് പോകാം.. നമുക്ക് പോയി കെട്ടിപ്പിടിച്ച് ഉറങ്ങാം.. പെട്ടന്നാണ് വിനോദ് അത് ചോദിച്ചത്. മാളു പകപ്പോടെ അവനിൽ നിന്നും അകന്ന് മറ്റുള്ളവരെ നോക്കി. എല്ലാവരും അവരെ അന്തം വിട്ട് നോക്കുകയായിരുന്നു.. ചിന്നുവിന്റെയും ഹരിയുടെയും ദേവികയുടെയും ചുണ്ടിൽ മാത്രം ഒരു കള്ളച്ചിരിയുണ്ട്. മാളുവിന് ആകെ ചമ്മൽ തോന്നി.. ഇന്ദ്രൻ അവളോട് സംസാരിച്ചതും അവളെ വാക്കാൽ നോവിച്ചതും അവൾ ആ നിമിഷം മറന്നുപോയി. ആ നിമിഷം അവളുടെ ഉള്ളിൽ അവളുടെ ഉണ്ണിയേട്ടൻ മാത്രമായിരുന്നു. ഉണ്ണിയേട്ടാ... അത്.. അതുപിന്നെ.. നമ്മളിപ്പോ ഇങ്ങോട്ട് വന്നതല്ലേ ഉള്ളു. നമുക്ക് ഭക്ഷണം കഴിച്ചിട്ട് പോകാം. അവൾ അവനോട് സ്നേഹത്തോടെ പറഞ്ഞപ്പോൾ അവൻ തല കുലുക്കി. എല്ലാവരും വരൂ.. ഞാൻ കഴിക്കാൻ എടുക്കാം. ദേവിക അത്രയും പറഞ്ഞുകൊണ്ട് പെട്ടന്ന് അടുക്കളയിലേക്ക് നടന്നു. സുമതി അടുക്കള ഭാഗത്ത് നിന്ന് അവിടെ നടന്ന കാര്യങ്ങൾ എല്ലാം കണ്ടിരുന്നു. വാ ഉണ്ണിയേട്ടാ നമുക്ക് കഴിക്കാം.. അവനോട് അത്രയും പറഞ്ഞുകൊണ്ട് മാളു മുന്നോട്ട് നടന്നു.. ചിന്നു പെട്ടന്ന് അവൾക്കൊപ്പം വന്ന് അവളോട് കുസൃതിയോടെ ഓരോന്ന് ചോദിക്കാൻ തുടങ്ങിയിരുന്നു. ഹരിയും രാജശേഖരനും ഹരിയുടെ അമ്മ പവിത്രയും കല്യാണിയും ഡെയിനിങ് ഹാളിലേക്ക് നടന്നു. മുന്നിൽ നടക്കുന്ന മാളുവിനെ നോക്കി പല്ല് കടിച്ചുകൊണ്ട് ഗൗരിയും അങ്ങോട്ട് നടന്നു. വിനോദ് മാളു പോകുന്നത് കണ്ട് അവൾക്കൊപ്പം പോകാൻ തുടങ്ങിയപ്പോഴേക്കും ഇന്ദ്രൻ അവനെ ഒരു കൈ വെച്ച് തടഞ്ഞു. വിനോദ് അവനെ ദേഷ്യത്തോടെ നോക്കി. എന്താടാ... മാറിപ്പോ... വിനോദ് ദേഷ്യത്തോടെ പറഞ്ഞു ഇന്ദ്രൻ ദേഷ്യത്തോടെ അവനെ നോക്കി നീയിന്ന് ആരെയാ ചവിട്ടിയെ എന്ന് നിനക്കറിയില്ല.. വെറുതെ വിടില്ല ഞാൻ നിന്നേ... ഇന്ദ്രൻ പകയോടെ അവനോട് പറഞ്ഞു എന്റെ ഗായുവിനെ കരയിപ്പിച്ചാൽ നിന്നേ ഞാൻ ഇനിയും ചവിട്ടും.. ചവിട്ട മാത്രം അല്ല കടിക്കും ഞാൻ നിന്നേ...അടിക്കും ചെയ്യും.. വിനോദ് പല്ല് കടിച്ചു വിനോദിന്റെ പെട്ടന്നുള്ള ദേഷ്യത്തിൽ ഇന്ദ്രന് പേടി തോന്നിയെങ്കിലും അവൻ അത് പുറമെ കാണിക്കാതെ വിനോദിനെ പുച്ഛത്തോടെ നോക്കി. ആഹാ.. നീയാള് കൊള്ളാമല്ലോടാ ചെക്കാ.. അവന്റെ ഒരു ഗായു.. പഹ്.. ഇന്ദ്രൻ പുച്ഛിച്ചു വിനോദിൻ്റെ കൈമുഷ്‌ടി ദേഷ്യത്താൽ ചുരുണ്ടു. എന്റെ ഗായു തന്നെയാ.. വിനോദ് വാശിയോടെ പറഞ്ഞു. ഇന്ദ്രൻ അവനെ നോക്കി ക്രൂരമായി ചിരിച്ചു. ആണോ.. നിന്റെ ഗായുവാണോ.. എന്നാൽ എടാ ഭ്രാന്താ നീ ചെവി തുറന്നു കേട്ടോ.. നിൻ്റെ ഗായുവിനെ ഈ ഇന്ദ്രൻ സ്വന്തമാക്കിയിരിക്കും. ഇന്ദ്രൻ പുച്ഛത്താൽ പറഞ്ഞു. വിനോദ് അവനെ ദേഷ്യത്തോടെ നോക്കി. ഭ്രാന്ത് നിന്റെ അച്ഛനാടാ പട്ടി.. എന്നെ ഭ്രാന്തൻ എന്ന് വിളിച്ചാലുണ്ടല്ലോ നിന്നേ ഞാൻ ഇനിയും ചവിട്ടും. വിനോദ് അവനെ ദേഷ്യത്തോടെ നോക്കി കൊണ്ട് പറഞ്ഞു അവന്റെ ഭാവമാറ്റത്തിൽ ഇന്ദ്രന് ഒരുവേള ഭയം തോന്നി. അവൻ ഒരടി പുറകിലേക്ക് മാറി വിനോദ് അവനെ ദേഷ്യത്തോടെ നോക്കിക്കൊണ്ട് മുന്നോട്ട് നടക്കാൻ ഒരുങ്ങി. നീ ഇപ്പൊ പൊ‌യ്ക്കോ വിനോദ്... പക്ഷെ അവളെ ഞാൻ സ്വന്തമാക്കിയിരിക്കും. പക്ഷെ നിനക്കവളെ അത്രക്ക് ഇഷ്ടമാണെങ്കിൽ നിന്നിൽ നിന്ന് ഞാൻ അവളെ അകറ്റില്ല ട്ടോ.. വശ്യമായ പുഞ്ചിരിയോടെ ഇന്ദ്രൻ പറഞ്ഞപ്പോൾ വിനോദ് അവനെ തിരിഞ്ഞു നോക്കി. ആന്ന്.. സത്യം... അവളെ നീ തന്നെ എടുത്തോ... പക്ഷെ നിന്റെ പെണ്ണിന്റെ ആ ശരീരം കണ്ടോ ഉഫ് അത് എന്റെ ഉറക്കം കളയാൻ തുടങ്ങിയിട്ട് വർഷം കുറേ ആയടാ മോനെ.. അതുകൊണ്ട് അവളുടെ ആ സുന്ദരമായ ശരീരം എനിക്ക് ഒരു തവണ എങ്കിലും രുചിക്കണം.. അവളുടെ ചുണ്ടിൽ ചുംബിക്കണം.... അങ്ങനെ.. അങ്ങനെ ആ ശരീരം മൊത്തം ഞാൻ ഒരുതവണ എങ്കിലും എല്ലാ അർത്ഥത്തിലും എടുത്തിട്ട് അവളെ ഞാൻ നിനക്ക് തന്നേക്കാം... എൻ്റെ എച്ചിലായിട്ട് ... ഇന്ദ്രൻ പുച്ഛത്തോടെ വിനോദിനോട് പറഞ്ഞു. വിനോദിന് നേരത്തെ മാളു റൂമിൽ നിന്ന് അവനോട് പറഞ്ഞത് ഓർമ വന്നു. "ഇന്ദ്രേട്ടൻ എന്നെ ഉണ്ണിയേട്ടന്റെ കയ്യിന്ന് തട്ടിപ്പറിക്കാൻ നോക്കുവാ.. ഇപ്പൊ.. ഇപ്പൊ കുറച്ചുമുന്നേ ഉണ്ണിയേട്ടൻ എന്നെ ചെയ്തില്ലേ.. അത്.. അത്പോലെ ഒക്കെ എന്നെ ചെയ്യും.. അവൾ കണ്ണ് നിറച്ചുകൊണ്ട് പറഞ്ഞു" ഗായുവിനെ അവൻ ചുംബിക്കും എന്നും അവൻ ചെയ്ത‌ത് പോലെ എല്ലാം ഇന്ദ്രൻ അവളെ ചെയ്യും എന്നുമാണ് ഇന്ദ്രൻ പറഞ്ഞത് എന്ന് വിനോദിന് മനസ്സിലായി. എടാ... വിനോദ് ദേഷ്യത്തോടെ വിളിച്ചുകൊണ്ട് അവന്റെ കവിളിൽ ആഞ്ഞടിച്ചു. അപ്രതീക്ഷിതമായ അടിയിൽ ഇന്ദ്രൻ്റെ മുഖം ഒരു വശത്തേക്ക് കോടിപ്പോയി. അവൻ പകപ്പോടെ വിനോദിനെ നോക്കി. ഇന്ദ്രനെ ദേഷ്യത്തോടെ നോക്കി കിതക്കുകയായിരുന്നു വിനോദ് അപ്പോൾ.. ഇന്ദ്രന് പേടി തോന്നി. ഗായു എന്റെയാ.. എൻ്റെ മാത്രം.. നിനക്ക് തരില്ല... ആർക്കും തരില്ല ഞാൻ... എന്റെയാ ഗായു.. അവളെ നീ തൊട്ടാൽ ഞാൻ നിന്നേ കൊന്നിരിക്കും.. നോക്കിക്കോ ... വിനോദ് കണ്ണിൽ നിറഞ്ഞ ക്രൂരതയോടെ പറഞ്ഞു. അവന്റെ കണ്ണിൽ നിറഞ്ഞ ആ ഭാവത്തിലേക്ക് ഭയത്തോടെ ഇന്ദ്രൻ നോക്കി നിന്നു. ഉണ്ണിയേട്ടാ... എന്താ അവിടെ തന്നെ നിൽക്കുന്നെ വാ ഇങ്ങോട്ട് പെട്ടന്നാണ് ഡെയിനിങ് ഹാളിൽ നിന്ന് മാളു അങ്ങോട്ട് വന്നത്. അവളെ കണ്ട വിനോദ് ഇന്ദ്രനെ ഒന്നുകൂടി നോക്കി മാളുവിൻ്റെ അടുത്തേക്ക് ചിരിയോടെ നടന്നു. ഇന്ദ്രന്റെ ശരീരം ഭയത്താൽ വിറച്ചു. വിനോദ് അവന്... അവന് ഭ്രാന്തില്ലേ... ഇന്ദ്രൻ അവൻ പോയ വഴിയേ നോക്കി ഭയത്തോടെ ചിന്തിച്ചു...!! തുടരും 💘 #📙 നോവൽ #💞 പ്രണയകഥകൾ #📔 കഥ