#📙 നോവൽ കാശിയുടെ പെണ്ണ് 💐💐 🔻 പാർട്ട് _76 ✍️ രചന - ജിഫ്ന നിസാർ 💥 നടന്നതൊന്നും അപ്പോഴും വിശ്വസിക്കാൻ വയ്യാതൊരു അവസ്ഥയിലാണ് ഭവ്യ. സ്വപ്നത്തിൽ പോലും പ്രതീക്ഷിക്കാത്ത കാര്യം. ഇത്രയും ക്രൂരത കാണിക്കാൻ വല്യേട്ടനെങ്ങനെ തോന്നി കാണും. ഇത് വരെയും എല്ലാത്തിനും തനിക്കൊപ്പം നിന്ന് തന്നവനാണ്. പ്രതേകിച്ചു കാശിയുടെ കാര്യം വരുമ്പോൾ. അതെല്ലാം എന്തിനായിരുന്നുവെന്ന് ഇന്നിപ്പോൾ ശെരിക്കും മനസ്സിലാവും. പെട്ടന്നാണ് അവളുടെ മുറിയിലേക്ക് വാതിൽ ചവിട്ടി തുറന്നു കൊണ്ടൊരു കൊടുങ്കാറ്റ് പോലെയെന്തോ വന്നു കയറിയത്. നടക്കുന്നതെന്തന്ന് ഭവ്യ മനസ്സിലാകും മുന്നേ അവൾക്കടി പൊട്ടി കഴിഞ്ഞിരുന്നു. തല തരിച്ചു പോയ അ വ്യക്തമായ കാഴ്ച.. മുന്നിൽ തന്നെ കൊന്നു തിന്നാനുള്ള കലിയോടെ നില്കുന്നത് കാശിയാണെന്ന് തിരിച്ചറിഞ്ഞതും അവളുടെ നട്ടെല്ലിൽ കൂടിയൊരു തരിപ്പുണർന്നു. "എന്തിന് വേണ്ടിയാടി നീയെന്റെ ചെക്കനെ പെടുത്തി കളഞ്ഞേ.. ഏഹ്.." ചോദിക്കുന്നതിനൊപ്പം വീണ്ടും കാശിയുടെ കൈകൾ അവൾക്ക് മേൽ പിന്നെയും പതിഞ്ഞു. ജീവൻ പറിഞ്ഞു പോകുന്ന വേദന.. ഭവ്യ തളർച്ചയോടെ ചുവരിൽ ചാരി. വാ തുറന്നു പറയെടി.. " കാശി നിയന്ത്രിക്കാൻ കഴിയാത്ത ദേഷ്യത്തോടെ അവളെ നോക്കി അലറി കൊണ്ട് വീണ്ടും കൈ ഉയർത്തി കൊണ്ടവൾക്ക് നേരെ ചെന്നു. ഡാാ.. പിന്നിൽ നിന്നും സുഗന്ധിയുടെ വിളി കേട്ടതും പല്ല് കടിച്ചു കൊണ്ടവൻ ഒന്ന് തിരിഞ്ഞു നോക്കി. അവന്റെയാ ഭാവം കണ്ടപ്പോൾ സുഗന്ധിയും മുറിയിലേക്ക് കയറാൻ ഒന്ന് മടിച്ചു. കാശി കയറി ചെല്ലുമ്പോൾ അവരാ താഴെ ഹാളിൽ തന്നെ ഉണ്ടായിരുന്നു. പക്ഷേ അവരെയൊന്നു നോക്കുക പോലും ചെയ്യാതെ മുകളിലേക്ക് ഓടി പാഞ്ഞു കയറിയവൻ. ഒരു നിമിഷം പകച്ചു നിണെങ്കിലും മുകളിൽ ഭവ്യയെ കാണാനാണ് അവന്റെ വരാവെന്ന് മനസ്സിലാക്കി കൊണ്ടവർ വല്ല വിധേനയും മുകളിലേക്ക് സ്റ്റെപ് കയറി ചെന്നു. വിയർത്തു കിതച്ചു കൊണ്ടവർ ഭവ്യയുടെ മുറിക്ക് മുന്നിൽ കാശിയെ നോക്കി നിന്നു. "എന്തിനാടാ.. നീ അവളെ തല്ലുന്നത്.." എല്ലാം അറിഞ്ഞിട്ടും സുഗന്ധി കാശിയോട് ദേഷ്യത്തോടെ ചോദിച്ചു. "ഓഓഓ.. അമ്മയ്ക്ക് പിന്നെ ഒന്നും അറിയില്ലല്ലോ ല്ലേ. പ്രതേകിച്ചു ഇവളും നിങ്ങളുടെ മകനും ചെയ്യുമ്പോ.." പുച്ഛത്തോടെ കാശി അവരെ നോക്കി. അവളിപ്പോ എന്ത് ചെയ്തെന്നാ.. " അവനോട് നേരിട്ടു മുട്ടി നിൽക്കാൻ അവർക്കൊരു ഭയമുണ്ട്. വിഷ്ണുവൊന്ന് എത്രയും പെട്ടന്ന് വന്നെങ്കിലെന്ന് തന്നെയാണ് മനസ്സിലെ ആഗ്രഹം. "നാണമുണ്ടോ നിങ്ങക്കെന്ന് ഞാൻ ചോദിക്കുന്നില്ല.. അതുണ്ടാവില്ലെന്ന് അനുഭവങ്ങൾ കൊണ്ട് നിങ്ങൾ ഒത്തിരി തെളിയിച്ചു തന്നതുമാണ്. പക്ഷേ പുന്നാര മോളും മോനും കൂടി കാണിച്ചു കൂട്ടിയ ചെറ്റത്തരം.. അതേറ്റെടുക്കാൻ എന്റെ ചെക്കനെ പ്രതീക്ഷിക്കുന്നു എങ്കിൽ അത് വേണ്ട.. അവനത്രേം ഗതികേട് വന്നിട്ടില്ല.. ഇവളെ പോലൊരുത്തിയെ തലയിലേറ്റാൻ. അതും പറഞ്ഞു കൊണ്ടങ്ങോട്ട് ചെന്നാൽ പച്ചക്ക് ക..ത്തിക്കും ഞാൻ..രണ്ടിനേം.അതൊന്ന് പറയാൻ വന്നതാ നിങ്ങളോട്.." അവന്റെ കത്തുന്ന നോട്ടം വീണ്ടും ഭവ്യക്ക് നേരെ നീണ്ടു. "സകല വൃത്തികേടിനും നിന്റെ കൂടെ തുള്ളി തന്നിരുന്ന നിന്റെയാ വല്യേട്ടൻ ഉണ്ടല്ലോ.. ആ നാറിയോട് പറഞ്ഞേക്ക് നിനക്ക് പറ്റിയ ആളെ കണ്ട് പിടിച്ചു തരാൻ. കയ്യിലിരിപ്പ് വെച്ചിട്ട് നല്ലൊരു ചെക്കനെ കിട്ടാൻ സാധ്യതയില്ല. പക്ഷേ ഏട്ടനും പെങ്ങളും ഒരേ റേൻജ് ആയത് കൊണ്ട് തന്നെ ഏട്ടന്റെ കയ്യിൽ അത് പോലുള്ള ഏതെങ്കിലും ചെക്കന്മാർ സ്റ്റോക്ക് കാണും. അതിൽ ഒരെണ്ണം സെലക്ട് ചെയ്തിട്ട് നീ ആ തോളിൽ തൂങ്ങിക്കോ.. ശിവ എന്നാ പേര് പോലും നീയിനി ഓർക്കാൻ പാടില്ല.. ഇങ്ങനൊരു കാര്യം പറഞ്ഞു കൊണ്ടെന്റെ ചെക്കന്റെ നിഴൽ വെട്ടത്തു പോലും വന്നാ.. വെറുതെ പറയല്ല ഞാൻ.. എനിക്കിനി എന്തോന്ന് നോക്കാൻ.. ആങ്ങളയും പെങ്ങളെയും ഒന്നിച്ചു കുഴിച്ചു മൂടും ഞാൻ.. പറഞ്ഞില്ലെന്നു വേണ്ട.." ഭവ്യയെയും സുഗന്ധിയെയും മാറി മാറി നോക്കി കൊണ്ടാണ് അവനത് പറഞ്ഞു തീർത്തത്. ആ വീര്യം.. ഉല പോലെ ചുവന്ന മുഖം.. ഭവ്യ ശ്വാസമെടുക്കാൻ കൂടി പേടിച്ച് നിന്നു. "സ്വന്തം കൂടപിറപ്പിനെക്കാളും വലുതാണോ ഡാ നിനക്കാ ചെക്കൻ.. ഏഹ്.." സുഗന്ധി ചോദിക്കുമ്പോൾ കാശി അമ്മയായത് കൊണ്ട് മാത്രമാണാ മുഖം നോക്കി അടിക്കാഞ്ഞത്. "അതെ..നിങ്ങളെക്കാൾ അവനാണെനിക്ക് വലുത്.." ഒട്ടും പതറാതെ അവനത് പറയുമ്പോൾ സുഗന്ധി കലിയോടെ മുഖം വെട്ടിച്ചു മാറ്റി. "പെങ്ങൾക്കൊരു അബദ്ധം പറ്റി. ഇനിയിപ്പോ അതാരും അറിയിക്കാതെ അവനെങ്കിൽ അവൻ.. അവന് കല്യാണം കഴിച്ചു കൊടുത്തു മറ്റാരും അറിയാതെ ഒതുക്കി തീർത്തു കൊണ്ടൊരു നാണക്കേട് ഒഴിവാക്കി വിടാൻ നോക്കാതെ അവന്റെയൊരു കൂട്ടുകാരനോടുള്ള പ്രേമം.. ഇതിപ്പോ ഇവളെ സ്വീകരിക്കാൻ അവനൊരു പ്രശ്നമില്ലെന്ന് വിഷ്ണുവിന് ഒപ്പിട്ട് കൊടുത്തല്ലോ.. നിനക്ക് പിന്നെ എന്താ.." "നിങ്ങളുടെ വയറ്റിൽ പിറന്നു പോയല്ലോ എന്നോർത്ത് കൊണ്ടീ നിമിഷം ഞാനെറെ ലജ്ജിക്കുന്നുണ്ട്." പല്ല് കടിച്ചു കൊണ്ടാണ് കാശിയത് പറഞ്ഞത്. "നാണോം മാനോം ഒന്നും വേണ്ട.. ഒരല്പം മനസാക്ഷി എങ്കിലും നിങ്ങൾക്കുണ്ടായിരുന്നേൽ എന്നാശിച്ചു പോകാ ഞാനിപ്പോ.. " അവനത്രയും പറഞ്ഞിട്ടും സുഗാന്ധിക്കൊരു മാറ്റവുമില്ല. തെറ്റ് കാശിയുടെ ഭാഗത്ത് തന്നേ എന്നാ മട്ടിലാണ് നില്കുന്നത്. "മൂന്നാലു ദിവസം ഞാൻ ജയിലിൽ ആയിരുന്നു. അറിഞ്ഞു കാണുമല്ലോ അല്ലേ.." പരിഹാസത്തോടെ കാശി സുഗാന്ധിയോട് ചോദിച്ചു. അവരൊന്നും മിണ്ടാതെ മുഖം തിരിച്ചു ക്കണ്ടെന്തോ പിറു പിറുത്തു. "ചെയ്യാത്ത തെറ്റിനാ എനിക്കാ ശിക്ഷ കിട്ടിയത്.. സ്വന്തമെന്ന് പറയാൻ എനിക്കൊരുപാട് പേരുണ്ടായിട്ടും നിങ്ങളിപ്പോ പറഞ്ഞ ആ കൂട്ടുകാരനാ എനിക്ക് വേണ്ടി രാവും പകലും ഓടി പാഞ്ഞു നടന്നത്. ഒടുവിൽ മറ്റൊരു വഴിയും മുന്നിൽ തെളിയാത്ത അവന്റെ മുമ്പിൽ വലിയൊരു ചതിയുടെ കുഴിയും കുഴിച്ചു വെച്ച് കൊണ്ട്.. എന്നെ രക്ഷിക്കാൻ സഹായിക്കാമെന്ന പേരിൽ വിളിച്ചു വരുത്തി അപമാനിച്ചു വിട്ട നിങ്ങളുടെ ആ മഹാനായ മകനുണ്ടല്ലോ... കാണുന്നുണ്ട് ഞാൻ... " കാശ്ശിയൊരു കിതപ്പോടെ സുഗന്ധിയെ നോക്കി. വിഷ്ണുവിന് അപായം വല്ലതും സംഭവിക്കുമോ എന്നൊരു ഭയമായിരുന്നു പിന്നെ സുഗന്തിക്കും. അത്രക്കുണ്ട് അവന്റെ മുഖത്തുള്ള കടുപ്പം. "സ്വന്തം ജീവിതം പോലും ഓർക്കാതെ ആ പിശാച് ചൂണ്ടി കാണിച്ചു കൊടുത്തയിടതെല്ലാം ഒപ്പിട്ട് കൊടുത് ഈ മാരണം സ്വീകരിക്കാൻ എന്റെ ചെക്കൻ തയാറായത് എന്നോടുള്ള സ്നേഹം കൊണ്ട് തന്നെയാണ്.. അതെനിക്ക് അവനോടും തിരിച്ചും ഉണ്ട്.. അത് കൊണ്ട് തന്നെ... നിങ്ങളുടെ ഈ അഴിഞ്ഞാട്ടകാരി മകളെ അവനെ കൊണ്ട് കെട്ടിച്ചിട്ട് നാണം കെട്ട രീതിയിൽ മാന്യത ഉണ്ടാക്കി കളയാമെന്നുള്ളത് അമ്മയും മക്കളും വെറുതെ സ്വപ്നം കാണരുത്.. നടക്കില്ല... ഞാൻ ജീവനോട് കൂടി ഉണ്ടെങ്കിൽ അത് നടക്കാൻ പോണില്ല.." അതും പറഞ്ഞു കൊണ്ടവൻ വീണ്ടും ഭവ്യയുടെ മുന്നിൽ പോയി നിന്നു. "പറഞ്ഞതൊന്നും മറക്കണ്ട.. നിന്റെ അമ്മ പറഞ്ഞത് പോലെ എങ്ങാനും നിന്റെ മനസ്സിലും ഉണ്ടെങ്കിൽ അതീ നിമിഷം വിട്ടേക്ക്.. നിനക്ക് പറ്റിയ ആളെ അല്ല എന്റെ ചെക്കൻ.. അവന്റെ അരികത്തു പോലും നിൽകാനുള്ള യോഗ്യത നിനക്കോ നിന്റെ ഏട്ടനോ ഇല്ല.. മനസ്സിലായോ ഡീ.." എന്നിട്ടും അടങ്ങാത്ത ദേഷ്യത്തോടെ കാശി വീണ്ടും അവൾക്ക് നേരെ കയ്യൊങ്ങി. എന്തോ.. അവളങ്ങനെ മുന്നിൽ നിൽകുന്നത് കാണുമ്പോൾ അവന് അവനെ തന്നെ പിടിച്ചിട്ട് കിട്ടുന്നില്ല. ഇങ്ങനൊരു നിൽപ്പ് ഒഴിവാക്കി കിട്ടാനാണ് ഒരിക്കൽ അവളെ തിരുത്താൻ ശ്രമിച്ചത്. എനിക്കെന്റെ വല്യേട്ടൻ മതിയെന്ന് പറഞ്ഞു കൊണ്ടവൾ തന്നെയാണ് അതിന് തടസ്സമായതും. കാശി.. ഡാ.. " പിന്നിൽ നിന്നും ശിവ വിളിച്ചു കേട്ടതും അവൻ തിരിഞ്ഞു നോക്കി. "എന്ത് പറ്റിയെടാ നിനക്ക്..." ശിവയുടെ നെറ്റിയിൽ ചെറുതായി പൊടിഞ്ഞു തുടങ്ങിയ ചോര കണ്ടതും മറ്റെല്ലാം മറന്നു കൊണ്ട് കാശി അവന്റെ മുന്നിലെത്തി. "നിന്റെ പിറകെ വച്ചു പിടിച്ചതാ.. ബൈക്കൊന്ന് ചെറുതായി സ്ലിപ്പായി പോയി..." ശിവ കണ്ണ് ചിമ്മി കൊണ്ട് പറഞ്ഞു. "നന്നായി.. നിന്നോടാരാ എന്റെ പിറകെ കെട്ടിയെടുക്കാൻ പറഞ്ഞത്.. നാശം പിടിക്കാൻ.. വന്നേ ഇങ്ങോട്ട്.. ഹോസ്പിറ്റലിൽ പോയി നോക്കാം.." കാശി ശിവയുടെ കൈ പിടിച്ചു കൊണ്ട് പുറത്തേക്കിറങ്ങി. സുഗന്ധി പുച്ഛത്തോടെ നോക്കുന്നത് ശിവ കണ്ടിരുന്നു. അവരിൽ നിന്നും അതിൽ കൂടുതലൊന്നും അവനും പ്രതീക്ഷിക്കുന്നുന്നില്ലല്ലോ.. ചുവരിൽ ചാരി മുഖം കുനിച്ചു നിൽക്കുന്ന ഭവ്യക്ക് നേരെ കൂടി ഒന്നു നോക്കി ശിവയും കാശിയുടെ കൂടെ ഇറങ്ങി. "എടാ ചെറുതായി മുറിഞ്ഞിട്ടേ ഒള്ളു.. ഹോസ്പിറ്റലിൽ പോകാൻ മാത്രമൊന്നുമില്ല.." സ്റ്റെപ്പിറങ്ങുമ്പോൾ ശിവ പറഞ്ഞു. മിണ്ടാതെ ഇങ്ങോട്ട് വാടാ.. " കാശി കടുപ്പത്തിൽ തന്നെ പറഞ്ഞു. താഴെ സ്റ്റെപ്പിന്റെ ഏറ്റവും അവസാനം ഗായത്രി ടെൻഷനോടെ നില്കുന്നത് കണ്ടതും കാശി ഒന്നു ശ്വാസമെടുത്തു കൊണ്ടാണ് പിന്നെ താഴെക്കിറങ്ങിയത്.. "അച്ഛമ്മയില്ലേ ഏട്ടത്തി.." അവളുടെ കയ്യിൽ നിന്നും കല്ലു മോളെ വാരി എടുത്തു കൊണ്ടാവൻ ചോദിക്കുമ്പോൾ ഗായത്രി അതേ എന്ന് തലയാട്ടി.. "കാശി..." ഗായത്രി എന്തോ പറയാനൊരുങ്ങി പിന്നെയത് വേണ്ടെന്ന് വെച്ചു. മുകളിൽ കയറി ചെന്നാൽ ഇന്നിനി അതും പറഞ്ഞു കൊണ്ട് സുഗന്ധി ചെവി തല കേൾപ്പിക്കില്ല എന്നുള്ളത് കൊണ്ട് താഴെ തന്നെ നിന്നതാണ് അവൾ. ഒന്നുല്ല ഏട്ടത്തി..ചെറുതായി ഒരു കല്യാണം മുടക്കാൻ വന്നതാ ഞാൻ.. അത് ചെയ്തു. അച്ഛമ്മയെ കൂടി കണ്ടിട്ട് തിരികെ പോകും.. " നാരായണിയമ്മയുടെ മുറിയുടെ നേരെ നടന്നു കൊണ്ടാണ് അവനത് പറഞ്ഞതും. "നിങ്ങളുടെ പ്രിയപ്പെട്ട കെട്ട്യോൻ എവിടെ പോയി..." അത് ചോദിക്കുമ്പോൾ പഴയ മാർദ്ദവമില്ലായിരുന്നു അവന്റെ സ്വരത്തിൽ. "എനിക്കറിയില്ല ഡാ." ഗായത്രി പതിയെ പറഞ്ഞു. ശിവ ഗായത്രിയെ നോക്കിയൊന്ന് ചിരിക്കുക മാത്രം ചെയ്തു. അച്ഛമ്മേടെ കുഞ്ഞേ.. " അവനെ കണ്ടതും ആ വൃദ്ധ കരയാൻ തുടങ്ങി. കൊച്ച് മോനെ ഓർത്തു കൊണ്ടവർ അത്രയും ഉരുകി തീർന്നിരുന്നു ഈ ദിവസങ്ങളിൽ. "ഒന്നുല്ല അച്ഛമ്മേ.. അതെല്ലാം തീർന്നല്ലോ.. ഞാനിങ് വന്നില്ലേ.." കാശി കല്ലു മോളെ ശിവയുടെ കയ്യിൽ കൊടുത്തു കൊണ്ട് അവരെ നെഞ്ചിലേക്ക് ചേർത്ത് പിടിച്ചു. "ദൈവം ണ്ടാവും ന്റെ കുട്ടിക്ക്.." അത് മാത്രം പറഞ്ഞു കൊണ്ടവർ അവന്റെ കയ്യിൽ ഒതുങ്ങി കൂടി. ശിവയുടെ നെറ്റിയിലെ മുറിവ്.. അച്ഛമ്മയോടും ഗായത്രിയോടും കാര്യം പറഞ്ഞു കൊണ്ടവൻ പെട്ടന്ന് തന്നെ അവിടെ നിന്നുമിറങ്ങി.. നിന്റെ വണ്ടിയെടുത്താ കടയുടെ മുന്നിലേക്ക് നിർത്തിക്കോ.. നമ്മുക്കിതിൽ പോകാം.. " കാശി പറഞ്ഞു. ഹോസ്പിറ്റലിൽ പോകാൻ മാത്രമൊന്നും ഇല്ലെന്ന് ശിവ അപ്പോഴും പറയുന്നുണ്ട്. പക്ഷേ അവന്റെ നെറ്റിയിലെ മുറിവ് അത്യാവശ്യം ആഴത്തിൽ ഉള്ളത് കൊണ്ട് കാശി പോണമെന്നും നിർബന്ധിച്ചു പറഞ്ഞു. കൂടുതൽ എന്ത് പറഞ്ഞാലും അവനത് കേൾക്കാൻ പോണില്ലെന്ന് ഉറപ്പായതും ശിവ പിന്നെ എതിർത്തില്ല. കാശി പറഞ്ഞത് പോലെ തന്നെ ബൈക്ക് അവിടെ റോഡിന്റെ അപ്പുറത്തുള്ളൊരു കടയുടെ മുന്നിലേക്ക് നിർത്തി അയാളോട് കാര്യം പറഞ്ഞിട്ടവൻ കാശിയുടെ പിന്നിലേക്ക് കയറി.. അത്യാവശ്യം സ്പീഡിൽ തന്നെയാണ് കാശി വണ്ടി ഓടിക്കുന്നത്. ഡാ.. " പിന്നിൽ നിന്നും ശിവ തോണ്ടി വിളിക്കുമ്പോൾ കലിപ്പ് വിടാതെ തന്നെയാണ് കാശി മൂളിയത്. "മറ്റന്നാൾ... കുഞ്ഞാറ്റയുടെ കല്യാണമാണ്.." തീ കാറ്റ് പോലെ ആ വാക്കുകൾ കാശിയെ വലയം വെച്ചു.. തുടരും... തള്ളക്കും മോൾക്കും കൊറച്ചു കൊടുത്തപ്പോ ഇരട്ട പെറ്റ സുഖം... 😆 ഇങ്ങക്കുണ്ടോ 😎 റിവ്യൂ ഇടണേ... സ്നേഹത്തോടെ jif💥 #📔 കഥ #💞 പ്രണയകഥകൾ