*ఎవరు నీ తండ్రి?. ఆ పిచ్చి వేషాలు?* *తండ్రీ అని దేవుణ్ణి మనము ఎప్పుడు పిలవగలము? మన పాపములనిమిత్తము మనము పశ్చాత్తాప పడినప్పుడు క్రీస్తు తన రక్తముతో మనల్ని కడిగి పరిశుద్ధపరచి మన హృదయములోనికి అడుగుపెడతాడు అప్పుడే మనము దేవుణ్ణి తండ్రి..! అని పిలవగలము.* *ఒక వ్యక్తి క్రీస్తును సొంత రక్షకునిగా అంగీకరించకుండా, దేవుని కుటుంబములో సభ్యునిగా చేరకుండా.. దేవుణ్ణి తండ్రి అని పిలిచే అధికారము అతనికి లేదు. పిలిచినా దేవుడు పలకడు. ఎందుకని? అతడు ఇంకా దేవుని బిడ్డ కాలేదు. పాత రోత జీవితాన్ని విడిచిపెట్టకుండా, హృదయ మార్పిడి జరగకుండా తండ్రి...! అని పిలిస్తే పలికేది యేసు కాదు సైతాను. ఈ విషయము నిమిత్తమే, యేసుక్రీస్తుకు అక్కడున్న యూదులకు మధ్య కొంచెం వాదన జరుగుతుంది. (యోహాను 8:39-41) ఆ సమయంలో అక్కడున్న యూదులతో యేసు చెప్తున్న మాట - దేవుడు మీ తండ్రి కాదు. మీ తండ్రి దేవుడే అయితే మీ జీవితాలలో పాపము ఎందుకు ఉంది? మీరు అబద్దాలు ఎందుకు చెప్తున్నారు? మీ తండ్రి దేవుడే అయితే మీకు ఎందుకు సైతాను చెప్పినట్టు వింటూ.. ఎందుకు రోత పనులు చేస్తున్నారు? ఎందుకు శరీరానుసారముగా జీవిస్తూ.. దేవుడు నీకు ఇచ్చిన శరీరాన్ని నలిపివేయడానికి.. సైతానుకు ఎందుకు అవకాశమిస్తున్నావు?* *దేవుడు మీ తండ్రియైన యెడల మీరు నన్ను ప్రేమిస్తారు. నేను దేవుని యొద్ద నుంచి బయలుదేరి వచ్చి యున్నాను. నా అంత నేనే వచ్చి యుండలేదు. మీరు నా మాటలు అంగీకరించరు నేను చెప్పినట్టుగా జీవించరు కానీ దేవుని పిల్లలమని చెప్పుకుంటున్నారు. ఇదంతా వట్టి మాట అని ఖచ్చితంగా చెప్పెను. ఆ రోజు యేసుక్రీస్తు ఎంత సూటిగా యూదులతో ఈ మాట చెప్పారో అంతే సూటిగా, క్రైస్తవులము అని చెప్పుకొంటూ.. పాపములో జీవిస్తున్న వారితో చెప్తున్నాడు. మీరు ఆత్మీయులమని, క్రైస్తవులమని, దేవుని పిల్లలమని చెప్పుకుంటున్నారు కానీ పాపములో జీవిస్తున్న మీరు దేవుని పిల్లలు కారు. మీరు ఎంత చక్కగా బైబిల్ చదివినా, ఎంత చక్కగా మందిరానికి వెళ్ళినా, ఎంత చక్కగా వాక్యాన్ని విన్నా, ఎంత చక్కగా కానుకలు ఇచ్చినా దేవునికి చోటు ఇవ్వకుండా మీ ఇష్టానుసారముగా జీవిస్తున్న మీరు దేవుని కుమారులు కాదు.* *''దేవుడు మీ తండ్రి అయితే మీరు నన్ను ప్రేమిస్తారు, నా మాటలు వింటారు, నేను ఆశించినట్టుగా జీవిస్తారు. అదే సమయములో యేసుక్రీస్తు ఒక విషయాన్ని స్పష్టము చేశారు. అబద్దము చెప్పేవాడు అబద్దానికి జనకుడైన సైతాను కుమారుడని.'' (యోహాను 8:44-45).* *అనగా క్రీస్తును స్వంత రక్షకునిగా అంగీకరించకుండా శరీరాన్ని మలినము చేసుకుంటూ, అబద్ధాలు చెప్తూ, పాపిష్టి కార్యాలు చేస్తూ.. దేవునికి వ్యతిరేకమైన జీవితాన్ని జీవించేవారు సైతాను కుమారులు లేదా సైతాను కుమార్తెలు. నీ ఇష్టానుసారముగా జీవిస్తూ, పాపానికి లొంగిపోతూ, అల్పకాల పాప భోగాలకు లొంగిపోతూ, ప్రతి చిన్న శోధనకు తలవంచుతూ.. నా కుమారుడు అని చెప్పుకుంటున్నవారు అనేకమంది కలరు. ఆదివారము మందిరానికి వస్తారు కానీ మందిరములో నుంచి బయటకు వెళ్ళిన తరువాత మరలా పాత జీవితమే. అబద్ధాలు చెప్పకూడదు, దొంగతనాలు చెయ్యకూడదు, నీతిగా యధార్థముగా జీవించాలి అని దేవుని వాక్యం చెప్తూ ఉండగా మీరు మాత్రం లోకానుసారమైన, శరీరానుసారమైన జీవితాన్ని జీవిస్తూ పైకి క్రైస్తవులుగా చెలామణి అవుతున్నారు. క్రైస్తవుడినని చెప్పుకుంటూ మాట తప్పడం అబద్దాలు చెప్పడం, బూతులు మాట్లాడడం, అక్రమముగా సంపాదించడం, నటించడం, మనుష్యులను మాయ చెయ్యడం తగునా? అటువంటి వారితో యేసు అంటున్నాడు - మీరు నా బిడ్డలు కాదు, సైతాను పిల్లలు.* *ఇది చదువుతున్న వారిలో ఎంతమంది తమ గుండెలమీద చెయ్యి వేసుకుని చెప్పగలరు? నేను ఒకప్పుడు పాపిష్టి వాడిని, ఒప్పుడు తిరుగుబోతును, త్రాగుబోతును, ఒకప్పుడు నా శరీరము చెప్పినట్లుగా చేసినవాడిని కానీ, ఆ పాత, రోత హృదయాన్ని నా యేసు తొలగించాడు. నాకు తన హృదయాన్ని ఇచ్చాడు. నా జీవితములో హృదయ మార్పిడి జరిగింది. మారు మనస్సు పొందుకున్నాను, నూతన పరచబడ్డాను. నాలో ఉన్న పాత జీవితము గతించింది. నా ప్రభువు నన్ను ఒక నూతన వ్యక్తిగా మార్చాడు అని చెప్పగలిగినవాడే అసలు సిసలైన క్రైస్తవుడు.* *ఈ భూమి మీద ఒకే ఒక క్రైస్తవుడు, క్రీస్తును తన హృదయములో చేర్చుకొని ఆయనను వెంబడించేవాడే అసలసిసలైన క్రైస్తవుడు. మార్పు చెందకుండా, మార్పు పొందుకోకుండా జీవిస్తున్నవారు క్రీస్తు రాకడలో ఎత్తబడరు. క్రీస్తు దీవెనలు పొందుకోలేరు. బైబిల్ సెలవిస్తుంది. ''దేవుని ఆత్మ చేత ఎందరు నడిపించబడదురో వారందరూ దేవుని కుమారులైయుందురు. (రోమా 8:14). (దేవునితో ప్రతిదినం)* ******************************* *ప్రతిదినం పరిశుద్ధంగా జీవించాలని ఆశపడుతున్నావా? నీ కోసమే ఈ గ్రూప్..!* *WhatsApp Community - link:* https://chat.whatsapp.com/GgA4dXmexxS3aMMqqRNead *************************************** *Telegram group Link* https://t.me/+XtII92fKOXAyNWQ9 ****************************** - మీ సహోదరుడు మోషే *- (Calvary Kiranalu )* *-(📲 9550576444)* *************************************** #i love jesu #✝️తెలుగు క్రైస్తవ వాట్సాప్ స్టేటస్ ⛪️💒 #Jesus #JESU I LOVE YOU JESUS #jesu #యేసు ప్రభువు