#💐 બુધવાર સ્પેશિયલ #💥 સુરત અપડેટ્સ #સુરત #અમે સુરતી #સુરત સમાચાર સુરતના વરાછા વિસ્તારમાં આવેલી સદભાવના સ્કૂલમાં આજે વહેલી સવારે ચોંકાવનારી ઘટના સામે આવી હતી. માતાવાડી વિસ્તારમાં આવેલી શાળામાં ક્લાસ શરૂ થાય તે પહેલાં જ ACમાં શોર્ટ સર્કિટના કારણે ધડાકા સાથે આગ લાગી હતી. અચાનક થયેલા ધડાકા અને આગના કારણે ત્યાં હાજર સ્ટાફ અને કેટલાક વિદ્યાર્થીઓમાં ગભરાટનો માહોલ સર્જાયો હતો. સદનસીબે ઘટના શાળા સમય પહેલાં બની હોવાથી કોઈ વિદ્યાર્થી કે સ્ટાફને ઈજા કે જાનહાનિ થઈ નહોતી. શાળાના સ્ટાફે સમયસૂચકતા દાખવીને ફાયર સેફ્ટીના સાધનોની મદદથી આગ પર પ્રાથમિક કાબૂ મેળવવાનો પ્રયાસ કર્યો હતો. ઘટનાની જાણ થતાં ફાયર વિભાગની ત્રણ ગાડીઓ તાત્કાલિક સ્થળ પર પહોંચી હતી અને આગને સંપૂર્ણપણે કાબૂમાં લઈને કુલિંગની કામગીરી હાથ ધરી હતી. પ્રાથમિક તપાસમાં શોર્ટ સર્કિટ આગનું કારણ હોવાનું સામે આવ્યું છે. Varachha Surat, Sadbhavna School, AC blast, Matavadi area, fire incident Surat, short circuit fire, Surat fire brigade, Gujarat news #SuratNews #Varachha #FireIncident #SadbhavnaSchool #GujaratNews