💌വർണ്ണക്കടലാസ്💌    ഭാഗം  38    രചന : ജിഫ്‌നി പൊന്മുണ്ടം. °°°°°°°°°°°°°°°°°°°°°°°°°°°°°°°°°°°°°°°° അവസാന വാക്കുകൾ ഇടറിയിരുന്നു.തിങ്ങി വന്ന കണ്ണുനീർ കാരണം പറഞ്ഞതവന് പൂർത്തിയാക്കാൻ കഴിഞ്ഞില്ല..പിടിച്ചു നിൽക്കാൻ കഴിയാതെ വന്നതും  വിങ്ങിപൊട്ടുന്ന കണ്ണുനീരുമായി നാദിയുടെ മാറിലേക്കവൻ ചാഞ്ഞു. തന്റേത് മാത്രമാണെന്ന ഭാവത്തോടെ അവളെവനെ ഹൃദയത്തോട് ചേർത്ത് പിടിച്ചു. ആ രാത്രി മുഴുവൻ അവനെ തന്റെ മാറോടു ചേർത്ത് വാക്കുകൾ കൊണ്ടും തലോടൽ കൊണ്ടും അല്ലുവിനെ സമാധാനിപ്പിച്ചു ആ രാത്രി പുലരോളം പരസ്പരം താങ്ങായി അവരാ ബാൽകാണിയിൽ ഇരുന്ന്. അർഥരാത്രിക്ക് ശേഷം എപ്പോഴോ പരസ്പരം പുണർന്നവർ ഉങ്ങിയിരുന്നു. പുതിയ പ്രഭാതം പുതിയ ജീവിതത്തിന്റെ തുടങ്ങമായിരുന്നു. അതൊരു ജൂൺ മൂന്ന് കൂടിയായിരുന്നു അവരുടെ ആമിമോളുടെ play സ്കൂളിലെ ആദ്യ ദിനം. അവരുടെ ജീവിതത്തിന് ഏറെ മധുരമേക്കിയ ദിനം. -------------------------- ദിവസങ്ങൾ അധി വേഗം കടന്ന് പോയി. ലേബർ പൈൻ കാരണം നിലവിളിക്കുന്ന നൂറയെ കണ്ട് എന്തുചെയ്യണം എന്നറിയാതെ ആദി അവൾക്കരികിൽ തന്നെ അവളെയും ചേർത്ത് പിടിച്ചിരുന്നു. കുഞ്ഞ് വേണ്ടായിരുന്നു എന്ന് പോലും അവൻ ചിന്തിച്ച നിമിഷമായിരുന്നു അത്. തന്റെ പ്രിയതമ സഹിക്കുന്ന കാഠിന്യമേറിയ വേദനക്ക് കാരണകാരൻ താനല്ലേ എന്ന കുറ്റബോധം പോലും അവനാ നിമിഷം തോന്നി. ലേബർ റൂമിന് പുറത്ത് ആയിഷയും നാദിയും മറ്റു വീട്ടുകാരും പ്രാർഥനയോടെ തന്നെയുണ്ട്. എല്ലാവരുടെ പ്രാർത്ഥനക്ക് ഒടുവിൽ അധികഠിനമായ വേദനയോടെ ആദിയുടെ കരങ്ങളിൽ മുറുക്കി പിടിച്ചു കൊണ്ട് നൂറ ഒരു ആൺകുഞ്ഞിന് ജന്മം നൽകി. കുഞ്ഞിന്റെ കരച്ചിൽ ലേബർറൂമിൽ ഉയർന്നതും ആദി നൂറയെ കെട്ടിപിടിച്ചു രണ്ട് പേർക്കും സന്തോഷം കൊണ്ട് കരച്ചിൽ പിടിച്ചു നിർത്താൻ കഴിഞ്ഞില്ല... അവർ രണ്ടെന്നത് മൂന്നായെന്ന വലിയ സത്യത്തെ അതിലും വലിയ സന്തോഷത്തോടെയാണ് അവർ അംഗീകരിച്ചത്. ആ ചോര കുഞ്ഞിനെ നൂറയുടെ മാറിലേക്ക് വെച്ച് കൊടുത്തപ്പോൾ അത് വരെ അനുഭവിച്ച വേദനയെല്ലാം മറന്ന് ഇരുവരും ഒപ്പം ആ കുഞ്ഞിനെ മുത്തം വെച്ച്. കുറച്ചു സമയങ്ങൾക്ക് ശേഷം കുഞ്ഞിനേയും ഉമ്മയെയും റൂമിലേക്ക് മാറ്റി. എല്ലാവരും കുഞ്ഞിനെ സന്തോഷത്തോടെ നോക്കി. നൂറക്ക് വേണ്ട പരിഗണന നൽകാനും അവരാരും മറന്നില്ല. ആ സന്തോഷ നിമിഷത്തിലും കദീജ ഇടക്കിടെ നാദിയെ കുത്തുവാക്കുകൾ കൊണ്ട് മുറിവേല്പിക്കുന്നുണ്ട്. പെണ്ണായാൽ പ്രസവിക്കണം എന്നൊക്കെ പറഞ്ഞു. പക്ഷെ അവളതൊന്നും ശ്രദ്ധിക്കാതെ നൂറയുടെയും മോന്റെയും കാര്യങ്ങൾ ശ്രദ്ധിക്കാൻ തുടങ്ങി. പിന്നീട് അങ്ങോട്ട് നൂറയെ പരിചരിക്കാൻ ആയിഷയും നാദിയും മത്സരമായിരുന്നു. സ്വന്തം ഉമ്മ മകളെ നോക്കുന്ന പോലെ ആയിഷ അവളെ നോക്കി. ഏതൊരു പെൺകുട്ടിക്കും സ്വന്തം ഉമ്മയുടെ സാന്നിധ്യം അത്യാവശ്യമായ ഈ സമയത്ത് ഉമ്മയില്ലാത്ത ഒരു കുറവും നൂറ അറിഞ്ഞില്ല. നൂറയുടെ ഉമ്മാമ്മയും അമ്മോനും ഭാര്യയും ഒക്കെ കുഞ്ഞിനെ കാണാൻ വന്നു. അവരാ പോന്നോമനക്ക് "ഇവാൻ ആദി"എന്ന് പേര് വിളിച്ചു.. ---------------------- കളത്തിങ്ങൽ തറവാട് സന്തോഷത്തോടെ വർഷങ്ങൾ മുന്നോട്ട് പോയി. അങ്ങനെയിരിക്കെ ഒരു ദിവസം, നൂറയും ആദിയും അല്ലും നാദിയും ആയിഷയും അവിടത്തെ ഇളം തലമുറയിൽ പെട്ട ഇവാനും ആമിയും അങ്ങനെ ആ കുടുംബത്തിലെ എല്ലാവരും കൂടി മുറ്റത്തെ ഗാർഡനിൽ ഇരുന്ന് വൈകുന്നേര ചായ കുടിക്കുമ്പോയാണ് സ്വയം നടക്കാൻ പോലും കഴിയാത്ത ഒരു വൃദ്ധയായ സ്ത്രീ അങ്ങോട്ട് ഗേറ്റ് കടന്ന് വന്നത്. തുടരും. 🌹 #📙 നോവൽ #💞 പ്രണയകഥകൾ #📔 കഥ