🪷165లింగమహాపురాణం🪷 🍀పంచ బ్రహ్మల కథనం🍀    #నూటఅరవైఐదవభాగం# నందికేశ్వరుడుసనత్కుమారుని కోరిక పైపంచబ్రహ్మలగురించి చెప్పసాగాడు. "సనత్కుమారా! పంచబ్రహ్మలు అనిచెప్పబడినవారుశివస్వరూపులే అని చెప్పవచ్చును. పంచ బ్రహ్మలరూపంలోపరమేశ్వరుడు సర్వలోక సృష్టికర్త,రక్షకుడు, సంహర్తకుడు.ఉపాదానకారకుడు,నిమిత్తకారకుడుపంచబ్రహ్మ అయిన శివుడు అని చెప్ప వచ్చును. పరమాత్ముడైన శివునికి ఐదు రూపాలు ఉన్నాయి. మొదటిది క్షేత్రజ్ఞత, క్షేత్రజ్ఞుడు మరియు ప్రకృతిని అనుభవించు భోక్త. రెండవది తత్పురుషుడు. పరమాత్మరూపంలోగలప్రకృతి. మూడవ రూపము అఘోరుడు. ధర్మాది అష్టాంగ యుక్తమైన బుద్ది రూపం. నాలుగవ రూపం వామదేవుడు.ఈ రూపము అహంకార రూపంలో సర్వము నకు ప్రధానము చేస్తుంది. శివుని ఐదవ రూపము సద్యో జాతుడు. జీవుల శరీరములో మనస్సురూపంలోస్థిరమై ఉంటుంది.పరమేశ్వరుడు అయిన శివుడు ఈశానుడిగా సర్వప్రాణులలో శోత్రేంద్రియ (చెవులు) రూపంలో ఉంటాడు. తత్పురుషుడు శరీరధారులలో స్పర్శరూపంలోజ్ఞానేంద్రియముగా ఉంటాడు. సర్వప్రాణుల శరీరములలో కన్నులలోపలిభాగంగా ఉంటున్న శివుని రూపానికి అఘోరుడు అని పేరు పెట్టారు. దేహధారులలో జిహ్వ (నాలుక) అనే జ్ఞానేంద్రియ రూపము వామదేవుడు అనే నామముతో ప్రసిద్ధి చెందింది. సర్వప్రాణులలో కల ఘ్రాణేంద్రియము (ముక్కు)! సద్యోజాత నామముతో ఉంటుంది.. జీవులలో వాఖ్య రూప జ్ఞానేంద్రియమును ఈశానుడు అంటారు. దేహధారుల హస్తరూప కర్మేంద్రయాన్ని తత్పురుషుడు అంటారు. జీవుల పాదరూప కర్మేంద్రయాన్ని అఘోరుడు అంటారు. సర్వ శరీరధారులలో గుదము పేరుతో ఇంద్రియ రూపములో గల అవయవాన్ని వామదేవుడు అంటారు. జీవధారుల జననేంద్రియం సద్యోజాత రూపంలో ఉందని వేదాంతులు అంటారు. ఋషులు, దేవతలు ఈశానుడు అనే దేవుడు సకల ప్రాణులకు యజమాని అని చెబుతారు. ఆకాశం యొక్క జనకుడికి శబ్దం అనే తన్మాత్ర రూపం ఉంది. స్పర్శ తన్మాత్రమును తత్పురుషుడు అని పిలుస్తారు వాయువు యొక్క జనకుడిగా పరిగణిస్తారు. ఆఘోర దేవుని తన్మాత్రను అగ్ని యొక్క జనకుడు అని భావిస్తారు. వేదవేత్తలు రసరూపమున గల వామదేవుని జలమునకు జనకునిగా భావిస్తారు. మూలతత్త్వం తెలిసిన వారు గంధ తన్మాత్ర రూపమైన సద్యోజాతుని భూమి యొక్క అధిపతిగా భావిస్తారు. ఈశానుడు ఆకాశాత్మ అని భావించవచ్చని మునులంటారు. అన్ని లోకాలలో వ్యాపించి ఉన్న వాయువుని పవనాత్మక తత్పురుషుడని అంటారు. ఉత్తమ అఘోరుడు అగ్ని రూపమని అంటారు సర్వలోకములకు జీవనం కలిగించు వామదేవుని జలము యొక్క రూపమని భావిస్తారు. ప్రసన్నము చేయువాడు, బుద్దిశాలియైన సద్యోజాతుడు చరాచరములకు అధిపతిగా భూమి రూపంలో ఉంటాడు. ఈవిధంగా విశ్వము పంచ బ్రహ్మాత్మకం, శివ ప్రసాదం. లోకంలో గల ఐరవైఐదు తత్త్వముల రూపము పరమేశ్వరుడు అని చెప్పవచ్చును. పంచబ్రహ్మాత్మకం అయిన శివుని ఎన్నడూ వదలకుండా స్మరిస్తూ ఉండాలి. *తరువాత కధ రేపటి భాగంలో చదువుదాం*. https://chat.whatsapp.com/KDL0KMpFKx1HphevElyH8R?mode=gi_t #🌅శుభోదయం #🙏శుభాకాంక్షలు #🙏ఓం నమః శివాయ🙏ૐ 🌹శ్రీకాంత్ గంజికుంట కరణంగారి సౌజన్యంతో🌹 💜   ఓం శ్రీఉమా మహేశ్వరాయ నమ:💜 🙏లోకా:సమస్తాః సుఖినోభవన్తు🙏 రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*      (సర్వం శ్రీశివార్పణమస్తు)                 🌷🙏🌷 శుభమస్తు 🌹 🌷 ♥️ 🙏 స్వస్తి. 🍀🌺🍀🌺🍀🌺🍀🌺🍀🌺