#📙 നോവൽ -കാശിയുടെ പെണ്ണ് 💐💐 🔻 പാർട്ട്_ 69 ✍️ രചന - ജിഫ്ന നിസാർ 💥 "ഞാൻ ചെയ്തതല്ല.. നീയും അവനും കൂടി എന്നെ കൊണ്ടിത് ചെയ്യിപ്പിച്ചതാണ് " തന്റെ ഷർട്ടിൽ കുത്തി പിടിച്ചുലകുന്ന ശിവയുടെ കൈകൾ വേർപ്പെടുത്താൻ ശ്രമിക്കുന്നതിനിടെ വിഷ്ണുവിന്റെ വാക്കുകൾ. മറ്റൊന്നും ഓർക്കാതെ ശിവയവന്റെ കവിളിൽ ആഞ്ഞു തല്ലിയത് ഉള്ളിലെ ദേഷ്യം അടക്കി പിടിക്കാൻ പറ്റില്ലെന്ന് തോന്നിയപ്പോഴാണ്. "നാണമുണ്ടോ ഡാ നാ₹#%# നിനക്ക്..? ചോദിക്കുന്നതിനൊപ്പം അവൻ വിഷ്ണുവിനെ ചുവരിലേക്ക് ആഞ്ഞു തള്ളി. "നീ എന്നെ തല്ലാൻ മാത്രം വളർന്നോടാ.. വിഷ്ണുവിന്റെ കണ്ണുകളിൽ പകയാളി. അവൻ ശിവയെ തുറിച്ചു നോക്കി.. കവിളുകളിൽ കടുത്ത വേദന. അതിനേക്കാൾ തലയ്ക്കുള്ളിലെ പെരുപ്പം. എന്നിട്ടും ഭവ്യ വല്ല വിധേനയും എഴുന്നേറ്റു നിന്ന് കൊണ്ടവരെ നോക്കി. "തല്ലുകയല്ലടാ.. നിന്നെ കൊല്ലുകയാണ് വേണ്ടത്.അത്‌ പോലുള്ള ചെറ്റത്തരമല്ലേ നീയൊക്കെ അവനോട് ചെയ്തു കൂട്ടുന്നത്.ചെയ്ത് കൂട്ടിയത് തന്നെ ഒരുപാടുണ്ട്. എന്നിട്ടും മതിയാവാതെ.. ഇതിന് മാത്രം എന്താടാ അവൻ നിങ്ങളോടൊക്കെ ചെയ്ത തെറ്റ്. സ്വന്തം ജീവിതം പോലും മറന്നിട്ട് നിനക്കൊക്കെ നക്കാൻ കൂടിയുള്ളത് ഒപ്പിച്ചു തന്നതോ.. ഏഹ്.." ശിവയുടെ കത്തുന്ന നോട്ടം ഭവ്യക്ക് നേരെയും നീണ്ടു അത് പറയുമ്പോൾ. "അവനെന്തു തേങ്ങ ചെയ്തു ന്നാ നീയൊക്കെ ഈ പാടി പറഞ്ഞു നടക്കുന്നെ.. അച്ഛൻ മരിച്ചപ്പോ വല്ല്യ കുടുംബനാഥൻ കളിച്ചിട്ട് സഹതാപം കിട്ടാൻ അവൻ കോളേജിൽ പോക്കങ്ങു നിർത്തി.. അതും അവന്റെ സ്വന്തം ഇഷ്ടപ്രകാരം. ആരും പറഞ്ഞിട്ടില്ലല്ലോ അവനോട്..അവനെ പോലെ വായിൽ നോക്കി നടക്കാതെ ഞാൻ നല്ലത് പോലെ പഠിച്ചത് കൊണ്ടെനിക്കൊരു ജോലി കിട്ടി. എന്നിട്ടിപ്പോ അതിന്റെ പേരിൽ ക്രെഡിറ്റ് പിടിച്ചു വാങ്ങാൻ നടക്കുന്നു.." വിഷ്ണുവിന്റെ ചുണ്ടുകൾ പുച്ഛത്തോടെ കോടി. കഷ്ടം.. ശിവ അവനെ നോക്കിയൊന്ന് പരിതപിചതല്ലാതെ കൂടുതലൊന്നും പറയാൻ നിന്നില്ല. എന്തൊക്കെ പറഞ്ഞാലും അതൊന്നും തന്നെ വിഷ്ണുവിന്റെ മനസ്സിൽ കയറില്ലെന്നും അവനറിയാം. "എനിക്ക് പോണം വിഷ്ണു.. നീ വിളിച്ചിട്ട് വന്നതാ ഞാൻ.. അപ്പൊ എന്നെ പുറത്ത് വിടേണ്ടതും നീ തന്നെയാണ്..." ശിവ വിഷ്ണുവിനെ നോക്കി. അവനെ രക്ഷപ്പെടുത്താൻ ആയിരിക്കും.. " പരിഹാസ ചിരിയോടെ വിഷ്ണു ശിവയോട് ചോദിച്ചു. "ആണെങ്കിലും അല്ലെങ്കിലും അത് നിന്നെ ബാധിക്കുന്ന കാര്യമല്ലല്ലോ.. അത് കൊണ്ട് നീയത് വിട്.. എന്നെ ബാധിക്കും.. അത് കൊണ്ട് തന്നെയാണ് ഞാനങ്ങനെ ചെയ്തത്.." പകയോടെ പറയുന്ന വിഷ്ണു. "വീട്ടിലൊരു പുരാവസ്തുവിന്റെ പേരിൽ അവൻ കുറെയായി അവിടെ വന്നിട്ട് ഷൈൻ ചെയ്ത് പോകുന്നു. ഒടുവിൽ അവന്റെ പേരിൽ ആ തള്ളയും തള്ളയുടെ ബലത്തിൽ അവൾക്കും നെഗളിപ്പ്. അവൻ വന്ന് വിളിച്ചാൽ അവരങ്ങു പോകുമെന്ന്.. വിടുന്നുണ്ട് ഞാൻ രണ്ടിനേം.. അതും എന്നെ തോൽപ്പിക്കാൻ അവനെ കൂട്ട് പിടിച്ചു കൊണ്ട്.. എങ്കിൽ പിന്നെ അതൊന്ന് തീർത്തു കൊടുത്തിട്ട് തന്നെ കാര്യം എന്നുംകരുതി നല്ലൊരു അവസരം തേടി ഞാനെന്ത് മാത്രം നടന്നു. അത് പോലെ തന്നെ... അവന് വേണ്ടി അവൾക്കൊരു രക്ഷകനായി നീയൊരിക്കൽ എന്റെ വീട്ടിൽ വന്നത്.. മറന്നോ നീയത്. ഞാനെന്റെ മരണം വരെയും അതൊന്നും മറന്നു പോവില്ലെടാ.. നിനക്ക് വേണ്ടി ആ നാശം പിടിച്ചവളെന്നെ അന്ന് തള്ളി വീഴ്ത്തിയത്.. അന്ന് കരുതി വെച്ചതാ ഞാൻ നിനക്കുള്ള നല്ലൊരു ഗിഫ്റ്റ്. അവനും. മൊത്തത്തിൽ ഈ എന്റെ ഒരുപാട് നാളത്തെ ഉറക്കം കളഞ്ഞതാ നിങ്ങള് രണ്ടാളും. ആ നിങ്ങളെ ഞാനെങ്ങനെ വെറുതെ വിടും. അവനവിടെ അകത്തും നീയിവിടെ പുറത്തും ചെയ്ത തെറ്റിനുള്ള ശിക്ഷ അനുഭവിക്കണ്ടേ ശിവദേവേ.. വേണ്ടേ.." ക്രൂരത നിറഞ്ഞൊരു ചിരിയോടെ താൻ ചെയ്തത് എന്തെന്നും എന്തിനെന്നും വളരെ വ്യക്തമായിട്ട് തന്നെ വിഷ്ണുവിന്റെ വായിൽ നിന്നും കേട്ടതും താൻ കരുതിയതിനേക്കാൾ വിഷമാണ് അവനെന്നുള്ളത് ശിവക്കൊരിക്കൽ കൂടി വ്യക്തിമായി. "പിന്നെ ദേ ഇവള്... വിഷ്ണുവിന്റെ കണ്ണുകൾ ഭവ്യക്ക് നേരെയാണപ്പോൾ. "കാര്യം ഇവളെന്റെ അനിയത്തിയാണ്. പക്ഷേ നാല് കാശ് കയ്യിൽ വരുന്ന കേസിൽ സ്വന്തവും ബന്ധവുമെല്ലാം ഞാനങ്ങു മറക്കും. അതാ പതിവ്. മര്യാദക്ക് അവൾക്ക് കൂടി ഉപകരിക്കും വിധം ഇതൊക്കെ ഡീൽ ചെയ്യാൻ ഞാൻ ശ്രമിച്ചതാ. അപ്പൊ അവൾക്കത് പോരാ.. എങ്കിൽ എല്ലാത്തിനും കൂടി ഒരുമിച്ചൊരു കെണി.." അതും പറഞ്ഞു കൊണ്ടവൻ ഉറക്കെ ചിരിച്ചു. അപ്പോഴേക്കും വീണ്ടും വാതിൽ മുട്ടുന്ന സ്വരം കേൾക്കാം. "നിങ്ങൾ തമ്മിലുള്ള ബന്ധം ഒരു റിലേഷൻ ആണെന്നും ഇവളെ കല്യാണം കഴിക്കാൻ നിനക്ക് സമ്മതമാണെന്നും പറഞ്ഞു കൊണ്ട് ആ വന്നവർക്ക് മുന്നിൽ ഒപ്പിട്ടു കൊടുത്താൽ ഇതൊരു ഇമ്മോറൽ കേസ് ആയിട്ട് പോവില്ല. ഇനി അതല്ല ഇടയാൻ തന്നെയാണ് തീരുമാനമെങ്കിൽ.. ഇനി എനിക്കൊന്നും പറയാനുമില്ല. ഇപ്പൊ തന്നെ എന്റെ ഒരു വാക്കിന്റെ പുറത്താണ് അവരെല്ലാം ഇത്രയെങ്കിലും വെയിറ്റ് ചെയ്തത്.." വല്ലാത്തൊരു ചിരിയോടെ വിഷ്ണു ശിവയെ നോക്കി. അൽപ്പം പോലും കൂസലില്ലാതെ അവൻ വിഷ്ണുവിന്റെ മുന്നിൽ കൈ കെട്ടി നിന്നു. "നീയിപ്പോ ഇവിടെ നടത്തിയ പ്രസംഗമെല്ലാം ഞാൻ അവരോട് പറഞ്ഞാലോ വിഷ്ണു.." അവന്റെയാ ചോദ്യം കേട്ടിട്ടും വിഷ്ണുവിന്റെ ചിരി മാഞ്ഞില്ല. തെളിവുണ്ടോ നിന്റെ കയ്യിൽ.." വിഷ്ണു ശിവയുടെ അരികിൽർക്ക് നീങ്ങി നിന്നു കൊണ്ട് ചോദിച്ചു. "പക്ഷേ എന്റെ കയ്യിലുണ്ട്.. അത്‌ കൊണ്ട് തന്നെയാണ് ഞാനിത് ഇവിടം വരെയും കൊണ്ടെത്തിച്ചത്.ഇവളുടെ ഫോണിൽ നിന്നും ഇന്നലെ മുതൽ നിന്നെ വിളിച്ച തെളിവും പിന്നെ ഞാനായി ഉണ്ടാക്കിയ കുറച്ചു തെളിവും ഞാൻ അവർക്ക് മുന്നിലെക്കിട്ട് കൊടുക്കും. അതോടെ ഇത് വരെയും നീയൊക്കെ ഊതി പെരുപ്പിച്ചു കൊണ്ട് നടന്ന നിന്റെ കുടുംബത്തിന്റെ അടക്കം അഭിമാനം..ഭൂ..മ് " കൈകൾ കൊണ്ടൊരു ആഗ്യമൊക്കെ കാണിച്ചിട്ട് വല്ലാത്തൊരു ഭാവത്തിലാണ് വിഷ്ണു പറയുന്നത്. അവന്റെ ഓരോ വാക്കിൽ കൂടിയും വന്നു ചാടി കൊടുത്ത കുഴിയുടെ ആഴം ശിവ മനസ്സിലാക്കുന്നുണ്ട്. അതവനിൽ ചെറുതല്ലാത്ത ഒരു ഭീതി നിറക്കുന്നുണ്ട്. എന്തും ചെയ്യാൻ മടിയില്ലാത്തൊരു രാക്ഷസനാണ് മുന്നിലുള്ളത്. "എന്ത് പറയുന്നു.." വിരൽ ഞൊടിച്ചു കൊണ്ട് വിഷ്ണു ശിവക്ക് മുന്നിലേക്ക് കയറി നിന്നു. "പറഞ്ഞോ. നിന്നെ കൊണ്ട് എന്തൊക്കെ ചെയ്യാൻ പറ്റുമോ അതൊക്കെ ചെയ്‌തോ.. എന്നാലും നിന്റെ ആഗ്രഹമൊന്നും നടക്കാൻ പോണില്ല.." ശിവ അതേ ഭാവത്തിൽ തന്നെ അവന് മുന്നിൽ കൈ കെട്ടി നിന്നു. തന്റെ വിധി ഏറെക്കുറെ തീരുമാനമയെന്നുള്ള ഭാവത്തിലാണ് ഭവ്യയുടെ നിൽപ്പ്. എതിർക്കാനും പ്രതിരോധിക്കാനും അവൾക്ക് മുന്നിൽ അപ്പോഴൊരു കാരണവും ബാക്കി ഉണ്ടായിരുന്നില്ല. വിഷ്ണുവിനെ കുറിച്ചും അവന്റെ രീതികളെ കുറിച്ചും നന്നായി അറിയാമായിരുന്ന അവൾക്ക് അവനൊരുക്കിയ ഈ കെണിയിൽ രക്ഷപ്പെട്ടു പോകാൻ കഴിയും എന്നതിൽ അൽപ്പം പോലും ആശ്വാസവും തോന്നിയില്ല. "നിനക്കൊരു ചുക്കും ഇല്ലായിരിക്കും.. അതെനിക്കറിയാമല്ലോ.. പക്ഷേ ആത്മാഭിമാനത്തിന് ജീവനോളം വില കൊടുക്കുന്ന നിന്റെ അച്ഛൻ ഇപ്പോഴും വീട്ടിലില്ലേ.. " അവന്റെയാ ചോദ്യം.. ശിവ നിന്ന നിൽപ്പിൽ ഒന്ന് വിറച്ചു പോയി. അവനച്ചനെ ഓർമ വന്നു. ഇത് വരെയും ആരെ കൊണ്ടും ഒരു മോശം പോലും പറയിപ്പിക്കാൻ ശ്രമിക്കാത്ത തന്റെ അച്ഛൻ. മകനിങ്ങനെ ഒരു പെണ്ണു കേസിൽ പെട്ടന്നറിയുമ്പോൾ ആ മനസ്സിൽ തോന്നുന്ന വികാരങ്ങൾ.വേദനകൾ ശിവയൊന്ന് ശ്വാസമെടുത്തു.. "നിനക്ക് കെട്ട് പ്രായത്തിൽ അനിയത്തി ഒരെണ്ണമില്ലേ.. ശിവയുടെ മനസിലേക്ക് അടുത്ത ആണി അടിച്ചു കയറ്റി കൊണ്ട് വിഷ്ണു വീണ്ടും ചോദിച്ചു. ശിവ പതറി കൊണ്ടവനെ തുറിച്ചു നോക്കി. അതോടെ വിഷ്ണുവിനും ഹരമായി തുടങ്ങി. "ഹോട്ടൽ മുറിയിലേക്ക് ഇവളെയും വിളിച്ചു വരുത്തി കാണിച്ചു കൂട്ടിയ നിന്റെ ലീലാ വിലാസങ്ങൾ ഞാൻ അവരെ അറിയിച്ചാലോ.. അതും നല്ല വ്യക്തമായ തെളിവുകൾ അടക്കം. ആലോചിച്ചു നോക്കെടാ.." വിഷ്ണു വെല്ലുവിളി പോലെ ശിവയെ നോക്കി. "അവർ.. അവരെന്നെ വിശ്വസിക്കും വിഷ്ണു.. നിന്നെക്കാൾ അവർക്ക് ഞാൻ പറയുന്നത് തന്നെയാവും വിശ്വാസം.." ശിവ ഉറപ്പോടെ പറയുമ്പോൾ വിഷ്ണുവിന്റെ മുഖം പുച്ഛം കൊണ്ട് കോടി പോയി. "ഈ നാട്ടുകാരെ മൊത്തത്തിൽ നീ എങ്ങനെ കൺവീൻസ് ചെയ്യിപ്പിക്കും ശിവദേവേ. അതിത്തിരി റിസ്ക് തന്നെയല്ലേ.. നീയും നിന്റെ കുടുംബവും നടന്നു പറഞ്ഞു തിരുത്തിയാലും പെണ്ണിന്റെ പേരിൽ നാറിയാൽ അത് നാറ്റം തന്നെയാ.. അത് സഹിക്കാൻ അൽപ്പം തൊലി കട്ടി കൂടി വേണം.. എന്നോട് എതിർക്കാൻ ഇറങ്ങി തിരിക്കും മുന്നേ നീ അതോർക്കണം. ഞാൻ പറയുന്നത് അനുസരിക്കാതെ നീ ഇവിടെ നിന്നും ഇറങ്ങിയ നിമിഷം ഇവിടെ നടന്നതൊക്കെയും.. നീ ഇങ്ങോട്ട് വന്നു കയറുന്ന സിസിടിവി കവറേജ് അടക്കം ഞാൻ സോഷ്യൽ മിഡിയയിൽ പോസ്റ്റ്‌ ചെയ്യും. എന്റെ പെങ്ങൾക്ക് നീതി വേണം എന്നൊരു ഹാഷ് ടാഗോടെ തന്നെ. അവളെ കൊണ്ടും ഞാൻ നിനക്കെതിരെ പറയിപ്പിക്കും.. " പറഞ്ഞു കൊണ്ടിരിക്കെ തന്നെ വിഷ്ണു ഭവ്യയെ കൂടിയൊന്ന് നോക്കി. ഭയന്നത് പോലുള്ള അവളുടെ മുഖം.. അവന് വല്ലാത്തൊരു തൃപ്തിയാണ് തോന്നിയത്. കയ്യിലുള്ള കുറച്ചു തെളിവ് വിഡിയോസിന്റെ പേരിൽ ബിബിനെ ഒന്ന് വിറപ്പിച്ചു നിർത്തി എന്നതൊഴിച്ചാൽ അവൾക്കത്ര ധൈര്യമൊന്നുമില്ലെന്ന് അവനാദ്യം തന്നെ തോന്നിയതാണ്. ബിബിന്റെ പേരിലുള്ള പണം തന്നെയാണ് അവളുടെ ലക്ഷ്യം. ഇനിയൊരിക്കലും ബിബിന്റെ ജീവിതത്തിൽ അവളൊരു ഭീക്ഷണിയാവില്ലെന്ന് അവന് താൻ വാക്ക് കൊടുത്തതാണ്. അതിനും കൂടി ഉള്ളതാണ് അവനിട്ടു തരുന്ന ലക്ഷങ്ങൾ. അപ്പോൾ പിന്നെ അത് പാലിക്കാൻ അവൾക്കൊരു അവകാശി തീർച്ചയായും വേണം. അതിന് എന്ത് കൊണ്ടും ശിവ തന്നെയാണ് നല്ലത്. വിഷ്ണുവിന്റെ മനസ്സിൽ അതെല്ലാം തന്നെ മുൻകൂട്ടി പ്ലാൻ ചെയ്തു കഴിത്തതുമാണ്. ഭവ്യയുടെ ഭാഗത്തു നിന്നും എതിർപ്പൊന്നും വരാൻ കൂടുതൽ സാധ്യതയില്ല. ഉണ്ടെങ്കിൽ തന്നെ ഒന്നോ രണ്ടോ അടി കൊണ്ടത് തനിക്ക് തീർക്കാനും കഴിയും. പിന്നെയുള്ള ചെറിയ ആശങ്ക ശിവയെ കുറിച്ചാണ്. കാശി നാഥനോടുള്ള അവന്റെ സൗഹൃദത്തെയും കുടുംബത്തിനോടുള്ള അവന്റെ സ്നേഹത്തെയും വിശ്വാസത്തെയും മുന്നിലേക്കിട്ട് കൊടുത്തു കൊണ്ടതും പരിഹരിക്കാൻ തന്നെയാണ് വിഷ്ണുവിന്റെ ശ്രമം. വീണ്ടും വീണ്ടും ഭവ്യക്കൊപ്പമുള്ള അനാശ്യസ വിഡിയോ ലീക്ക് ചെയ്യും എന്നുള്ള പേരിൽ ഒരു പരിധി വരെയും വിഷ്ണു അതിൽ വിജയിച്ചു കഴിഞ്ഞിരിക്കുന്നു. എന്നാലോ.. ശിവ അത് പൂർണമായും അംഗീകരിച്ചിട്ടുമില്ല. "എന്റെ ചതി എന്നൊക്കെ നിനക്ക് വേണമെങ്കിൽ വിളിച്ചു പറയാം ശിവ. പക്ഷേ തെളിവ് മൊത്തം നിനക്കെതിരെയാണ്. അത് മറക്കണ്ട നീ.. ഞാൻ പറയുന്നതൊന്നും നീ വെറുതെ ചെയ്യണ്ട.. നീ ആദ്യം എന്നോട് ആവിശ്യപ്പെട്ടത് പോലെ തന്നെ കാശിയെ ഇറക്കുന്ന കാര്യം ഞാൻ നോക്കി കൊള്ളാം.. പിന്നെ..." ശിവയുടെ രൂക്ഷമായ നോട്ടം കണ്ടതും വിഷ്ണു ആവേശത്തിൽ പറഞ്ഞു വന്നത് പതിയെ അവസാനിപ്പിച്ചു. പെട്ടന്ന് നീ നിന്റെ തീരുമാനം പറയ്യ്.. ഇനിയും അവരെ തടഞ്ഞു നിർത്താൻ ചിലപ്പോൾ എനിക്ക് കഴിയില്ല. ഇത് വരെയും എന്റെയൊരു വാക്കിന്റെ പുറത്ത് ഇതിപ്പോ നമ്മൾ കുറച്ചു പേരല്ലാതെ ആരും അറിഞ്ഞിട്ടില്ല.. നീ വിചാരിച്ചാൽ.. നീ വിചാരിച്ചാൽ മാത്രം ഇനിയും ആരും അറിയില്ല.. കാശ്ശെറിഞ്ഞു കൊണ്ട് അതൊക്കെ ഒതുക്കി തീർക്കാൻ എനിക്കാവും.." കുറച്ചു നേരത്തെ മൗനത്തിനു ശേഷം വിഷ്ണു വീണ്ടും പറഞ്ഞു. അച്ഛനെ.. അമ്മയെ.. അമ്മുവിനെ.. പിന്നെ കാശിയെ.. ശിവയുടെ ഉള്ള് മുഴുവനും അവരായിരുന്നു. അവനോർത്തതും വേദനിച്ചതും അവരെ കുറിച്ചാണ്.. അതിനിടയിൽ എവിടെയും അവൻ അവനെ കണ്ടില്ല. അവന്റെ സ്വപ്നങ്ങളെയോ ആഗ്രഹങ്ങളെയോ കണ്ടില്ല.. എന്തിന്...ജീവിതം പോലും കണ്ടില്ല.. "സമ്മതം.." തണുത്ത സ്വരത്തിൽ അവനത് പറയുമ്പോൾ താൻ കാരണം അവരാരുടെയും അഭിമാനത്തിന് ക്ഷതം സംഭവിക്കരുത് എന്ന് മാത്രമായിരുന്നു അവന്റെ മനസ്സിൽ.. 💥💥 അത്ഭുതങ്ങളൊന്നും സംഭവിക്കാതെ തന്നെ അന്നത്തെ ദിവസവും കഴിഞ്ഞു പോയിരിക്കുന്നു. ശിവ തീർച്ചയായും കാണാൻ ശ്രമിച്ചു കാണും അവനെ കൊണ്ടാവും പോലൊക്കെ തന്നെ പുറത്തിറക്കാൻ ശ്രമിച്ചും കാണും. അവനെക്കൊണ്ട് പറ്റാഞ്ഞിട്ട് തന്നെയാവും. കാശിക്കതിൽ സംശയങ്ങളൊന്നുമില്ല. അതിനിടയിൽ തന്നെ പൊള്ളിച്ചു കൊണ്ടങ്ങനെ ഹൃദയത്തിൽ പറ്റി പിടിച്ചു പോയവൾ. ഇവരെ രണ്ടു പേരിലും മാത്രം കാശിയുടെ ചിന്തകളുടക്കി നിന്നു.. ആ രണ്ടു ദിവസവും. ഇനിയെങ്ങനെ പുറത്തിറങ്ങും എന്നതിനെ കുറിച്ച് മാത്രം അവനൊരു രൂപവും കിട്ടിയില്ല.. ഒരുപാട് ആലോചനകൾക്ക് ശേഷവും. മൂന്നാം ദിവസവും വെറുതെ പോലും അങ്ങോട്ട് അശോകനെ കാണാൻ കഴിയാഞ്ഞത് കൊണ്ട് തന്നെ അയാൾ വരുമെന്നും രക്ഷിക്കുമെന്നും അവനൊരു കുഞ്ഞു പ്രതീക്ഷ പോലും ബാക്കിയില്ല. എങ്കിലും അയാളത് ചെയ്യിപ്പിക്കും എന്നതിനെ കുറിച്ചും അവനുറപ്പില്ല. അല്ലെന്ന് തന്നെ കരുതി സമാധാനിക്കാനും ശ്രമിക്കുന്നുണ്ട്. ഡാ.. കമ്പിൽ തട്ടിയാരോ വിളിച്ചപ്പോഴാണ് ചിന്തകളിൽ നിന്നും വിട്ടൊഴിഞ്ഞതും. പുറത്തോട്ടിറങ്ങി വന്നേ.. നിന്നെ കാണാൻ ഒരാൾ വന്നിട്ടുണ്ട്.. " അതും പറഞ്ഞു കൊണ്ടയാൾ വന്നത് പോലെ തന്നെ തിരിച്ചു പോകുകയും ചെയ്തു. ശിവ തന്നെയാവും. അതുറപ്പിച്ചു കൊണ്ട് തന്നെയാണ് കാശി പുറത്തേക്കിറങ്ങി ചെന്നതും... തുടരും.. ശിവ തന്നെയാവും ല്ലേ.. നിങ്ങൾക്കെന്ത് തോന്നുന്നു 😁 റിവ്യൂ ഇട്ടിട്ട് പോണേ.. സ്നേഹത്തോടെ നിങ്ങളുടെ സ്വന്തം jif💥💥 . #💞 പ്രണയകഥകൾ #📔 കഥ