🚩🌹🌹🚩 सार्थ तुकाराम महाराज गाथा अभंग क्र.३५४२ कांही माझे कळो आले गुणदोष । म्हणऊनी उदास धरिले ऐसे ॥१॥ नाही तरी येथे न घडे अनुचित । नाही ऐसी रीत तया घरी ॥ध्रु.॥ कळावे ते मना आपुलिया सवे । ठायीचेहे घ्यावे विचारूनी ॥२॥ तुका म्हणे मज अव्हीरीले देवे । माझीया कर्तव्ये बुद्धीचिया ॥३॥ अर्थ माझे काही गुणदोष देवाला कळून आले आहे की काय म्हणूनच तो माझ्याविषयी असा उदास राहिला आहे ? नाहीतर देवाकडून असा अनुचित प्रकार घडलाच नसता भक्तांविषयी उदासिनता धरावी अशी रीत देवाच्या घरची नाही आपल्यामध्ये काय गुणदोष आहेत हे आपल्याला कळायला पाहिजे आणि माझ्यामध्ये काय गुणदोष आहेत हे जर मला कळले तर त्याचा मी समूळ नाशच करेन. तुकाराम महाराज म्हणतात, “माझ्या बुध्दीचा काहीतरी दोष असावा त्यामुळेच देवाने माझा अव्हेर केला असेल.” संत तुकाराम महाराज 🙏🚩🙏 #🌻आध्यात्म 🙏