#📝 ഞാൻ എഴുതിയ വരികൾ തുടർകഥ ഭാഗം 114 # ഒരു പെണ്ണിന്റെ വിലപ്പെട്ടത് എന്താണോ അത് മറ്റൊരാൾ കവർന്നെടുക്കുന്നത് യാതൊരു കുറ്റബോധവുമില്ലാതെ നോക്കി നിൽക്കാൻ ആണായി പിറന്ന ഒരുത്തനും കഴിയില്ല..... ഒന്ന് നിർത്തി ദീർഘനിശ്വാസം വലിച്ചു വിട്ട് അവൾതുടർന്നു.... എന്റെ കഴുത്തിൽ താലി ചാർത്തിയവന് അത് കഴിഞ്ഞു. ഞാൻ അയാൾക്ക് മനഃപൂർവം വഴങ്ങാത്തതാണെന്ന് അയാൾക്ക് തോന്നിയിരുന്നു.... എന്റെ അവസ്ഥ ഒരിക്കൽ പോലും അയാൾ മനസ്സിലാക്കാൻ ശ്രമിച്ചിരുന്നില്ല... ഉമയുടെ ഉള്ളിലുള്ള ആത്മ രോഷവും സങ്കടവും കണ്ണുനീരായി അവളുടെ കവിളിലൂടെ ചാലുകളായി ഒഴുകിയിറങ്ങി... എന്നിലേക്ക് ആഴ്ന്നിറങ്ങാൻ തുടങ്ങുന്ന ക്രിസ്റ്റിയെ സർവ്വ ആരോഗ്യവും എടുത്ത് ഞാൻ തടഞ്ഞു.. പെട്ടെന്ന് എന്റെ ശരീരം തണുത്തു ഉറഞ്ഞു തുടങ്ങി... പുരുഷന്റെ സ്പർശനം എന്നിൽ ഒരു മാറ്റവും വരുത്തില്ലെന്ന് അയാൾക്കും മനസ്സിലായി... ശവത്തിൽ എന്നപോലെ എന്നെ തുറിച്ചു നോക്കിഅയാൾ എന്നിൽ നിന്ന് അകന്നു.. ആ ഒരു നിമിഷം... അത് മതിയായിരുന്നു എനിക്കു. സ്വന്തം ഭാര്യയെ മറ്റൊരുവൻ ബലാൽക്കാരമായി ഭോഗിക്കുന്നത് കാണാൻ കാത്തിരുന്ന ആ മനുഷ്യന് നേരേ ഞാൻ ചാടിഴുന്നേറ്റ് പാഞ്ഞടുത്തു... സർപ്പ പ്രതിഷ്ഠയ്ക്ക് അടുത്ത് ഉണ്ടായിരുന്ന കൂർത്ത ഒരു കമ്പി കഷ്ണം എടുത്ത് അയാൾക്ക് നേരേ ആഞ്ഞു വീശി...വെളുപ്പിന് നിലാവിന്റെ മങ്ങിയ വെട്ടം മാത്രം.. അതിൽ എനിക്കു ഉന്നം തെറ്റി.. അയാൾ പുറത്തേക്ക് ജീവരക്ഷാർധം പാഞ്ഞു പിന്നാലെ ഞാനും... (തുടരും )