*سوال نمبر 682* *کیا غوث اعظم صحابہ کرام سے افضل ہیں؟* ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ السلام علیکم ورحمتہ اللہ وبرکاتہ کیا فرماتے ہیں علمائے دین و مفتیان شرع متین مسئلہ ذیل کے بارے میں کہ زید کہتا ہے کہ غوث اعظم صحابہ کرام سے افضل ہیں اور وہ میرے نفع و نقصان کے مالک ہیں زید پر شرعا کیا حکم ہوگا؟ شرعی رہنمائی فرمائیں جزاک اللہ خیرا کثیرا *سائلہ ریحان قادری از بنارس انڈیا* ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نحمدہ و نصلی علی رسولہ الکریم وعلیکم السلام ورحمتہ اللہ وبرکاتہ اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ مذکورہ صورت میں اگر زید کہتا ہے کہ غوث اعظم صحابہ کرام سے افضل ہیں تو زید گمراہ ہے اور زید کا یہ کہنا کہ غوث اعظم میرے نفع و نقصان کے مالک ہیں تو اگر زید کے یہ کہنے سے مراد مالک حقیقی نہ ہو بلکہ مجازی ہو تو ایسا کہنے میں حرج نہیں اور اگر مالک حقیقی سمجھ کر ایسا کہا تو یہ کفر ہوگا فتاوی رضویہ میں ہے حضور سیدنا غوث الاعظم رضی اللہ تعالٰی عنہ کو صحابہ کرام رضی اللہ تعالٰی عنہم سے افضل کہنا گمراہی ہے اور بعطائے الٰہی مالک نفع وضرر کہنے میں حرج نہیں، مسلمان جب ایسا لفظ کہتاہے اس کی مراد یہی ہوتی ہے نہ یہ کہ معاذاللہ بذات خود بے عطائے الٰہی مالک نفع وضرر جانے کہ یہ کفر خالص ہے اور کوئی مسلمان اس قصد سے نہیں کہتا۔ (فتاوی رضویہ جلد 21 ص 12) وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم *کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب* ۲۹/۹/۲۰۲۴ *تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب ضلع سرہا نیپال* ۳۰/۹/۲۰۲۴ #📗حدیث کی باتیں📜