#📙 നോവൽ -കാശിയുടെ പെണ്ണ് 💐💐 🔻 പാർട്ട് _74 ✍️ രചന - ജിഫ്ന നിസാർ 💥 എന്ത് കണ്ടിട്ടാടി ഇനിയും നിന്റെ തുള്ളല്.. " മഹേഷ്‌ കാർത്തുവിനെ അടക്കി പിടിക്കാൻ ശ്രമിച്ചെങ്കിലും അവന്റെയാ ശ്രമം മുൻകൂട്ടി കണ്ടത് പോലെ കാർത്തു ഓഴിഞ്ഞു മാറി കൊണ്ട് മുറിയിൽ നിന്നും പുറത്തേക്കിറങ്ങി നിന്നു. കല്യാണത്തിനെത്തി ചേർന്നവരായി ആ വീട്ടിൽ ആരൊക്കെയോ വന്നു ചേരുന്നുണ്ട്. തനിക്ക് മുന്നിലിനി നാളെ ഒരു ദിവസം കൂടി മാത്രം.മറ്റന്നാൾ ഈ വൃത്തിക്കെട്ടവന്റെ കുരുക്ക് തനിക്ക് സ്വീകരിക്കേണ്ടി വരുമോ..? ഉള്ളും ഉയിരും ഒരുപോലെ പിടയുന്നു. എങ്കിലും അവളവന്റെ മുന്നിൽ ധൈര്യം കൈ വിടാതെ നോക്കുന്നുണ്ട്. അങ്ങനെ കൂടി അവനെ സന്തോഷിക്കാൻ വിടില്ലെന്ന് വാശിയുള്ളത് പോലെ.. "ഇന്നൊരു ദിവസം കൂടി നീ ഇങ്ങനെ ഒഴിഞ്ഞു മാറി നടക്കെടി.. നാളെ വൈകുന്നേരം മുതൽ നീയും ഞാനുമുള്ള കല്യാണത്തിന് തിരി തെളിയും.. ഇപ്പൊ നീ ഈ ചെയ്യുന്നതിനെല്ലാം ഞാനപ്പോ പകരം വീട്ടും.. ഇതെന്റെ വാശി കൂടിയാണ്.. നിന്നോടും. പിന്നെ നിന്റെയാ മറ്റവനോടും.. മറക്കണ്ട നീ.." അവളുടെയാ നീക്കം ഒട്ടും ഇഷ്ടപെടാത്ത പോലെ മഹേഷ്‌ കാർത്തുവിന് നേരെ വിരൽ ചൂണ്ടി. അശോകനെ കാണാൻ വന്നവനാണ്. പക്ഷേ അവന്റെ വരവ് കാർത്തുവിനെ കണ്ട് ഉള്ളിലെ ദേഷ്യം അൽപ്പം ഒന്ന് കുറക്കുക എന്ന് കൂടിയാണ്. കാശി ഇറങ്ങിയത് അശോകൻ വഴിയാണെന്ന് അവന് തോന്നിയിരുന്നില്ല. അത് അങ്ങനെ തന്നെ ആവാൻ സാധ്യതയുണ്ടെന്ന് വീണ്ടും വീണ്ടും പറഞ്ഞു കൊണ്ടവന്റെ സ്വസ്ഥത പൂർണ്ണമായും തെറ്റിച്ചത് സ്റ്റീഫനാണ്. അതിനെ കുറിച്ചൊന്നു കൂടി വിശദമായൊരു നീരീക്ഷണത്തിന് കൂടിയാണിപ്പോ ഈ വരവും. അതും സ്റ്റീഫൻ പറഞ്ഞു ചെയ്യിപ്പിച്ചത് പോലാണ്. വീണ്ടും മഹേഷ്‌ എന്തോ പറയാൻ തുടങ്ങും മുന്നേ താഴെ നിന്നും അശോകൻ അവനെ വിളിക്കുന്നത് കേട്ടു. "രക്ഷപ്പെട്ടു എന്ന് കരുതണ്ട.. ഇനിയങ്ങോട്ട് നിനക്കൊരു രക്ഷയില്ലെടി.അതോർത്തോ നീ.." പല്ല് കടിച്ചു കൊണ്ടത് കൂടി പറഞ്ഞിട്ടവൻ അവളെ ഒന്ന് കലിപ്പിച്ചു നോക്കി താഴെക്കിറങ്ങി പോയതും കാർത്തു തളർച്ചയോടെയാ ഭിത്തിയിൽ ചാരി. എങ്ങനെയാണെന്റെ ദൈവമേ ഞാനിവന്റെ കയ്യിൽ നിന്നൊന്ന് രക്ഷപ്പെട്ടു പോകുന്നത്..? അതിനുത്തരം അവൾക്കപ്പോഴും അറിയില്ലായിരുന്നു. പക്ഷേ താൻ വിചാരിച്ചത് നടന്നു കഴിഞ്ഞാൽ എല്ലാത്തിനും ഒരു അവസാനം അവളായിട്ട് തന്നെ കണ്ട് വെച്ചത് കൊണ്ട്... തോന്നുന്ന ചെറിയ ആശ്വാസം.. കാർത്തുവിന്റെ ഉള്ളിലപ്പോൾ അത് മാത്രമേ ബാക്കിയൊള്ളു.. 💥💥 ഹൃദ്യമായൊരു പുണരൽ.. തന്നിൽ ബാക്കി ഉണ്ടായിരുന്ന അസ്വസ്ഥതയുടെ മഞ്ഞു പാളി കൂടി അഴിഞ്ഞു പോകുന്നത് ശിവയറിഞ്ഞു. ഇനി സംഭവിക്കാൻ പോകുന്ന യാതൊന്നിനെയും അവനപ്പോൾ ഭയം തോന്നിയില്ല. അതെല്ലാം ഇനി എന്ത് തന്നെയായാലും നേരിടാൻ തനിക്കൊപ്പം കാശി കൂടി ഉണ്ടാവുമെന്ന് ശിവകുറപ്പുണ്ട്.. കാശിയുടെ അവസ്ഥ യും ഏറെക്കുറെ ശിവയെ പോലെ തന്നെയാണ്. രണ്ടു മൂന്ന് ദിവസങ്ങൾക്ക് ശേഷം അവൻ സമാധാനമായൊന്ന് ശ്വാസമെടുത്തു.. അൽപ്പനേരം രണ്ടാൾക്കും ഒന്നും പറയാൻ കഴിഞ്ഞില്ല. പരസ്പരം നോക്കാതെ ആ ഉമ്മറത്തുള്ള തിണ്ണയിൽ തല കുനിച്ചിരുന്നു. ഉള്ളിലപ്പോഴും ചോദ്യങ്ങൾ അനവധിയുണ്ട്.. വിഷ്ണു നേരിട്ടാണോ കാശി സ്റ്റേഷനിൽ വന്നത്..? ഒടുവിൽ ശിവ തന്നെയാണ് ആദ്യം മിണ്ടി തുടങ്ങിയത്. "വിഷ്ണു...?" കാശി അവന്റെയാ ചോദ്യം മനസ്സിലാകാത്ത പോലെ മുഖം ചുളിച്ചു. ശിവക്കൊന്നും പറയാൻ കഴിഞ്ഞില്ല. വല്ലാത്തൊരു നോവവന്റെ നെഞ്ചിൽ നിറഞ്ഞെങ്കിലും തനിക്കു മുന്നിലിരിക്കുന്നവൻ.. അവനിപ്പോൾ തന്റെ കൂടെ ഉണ്ടല്ലോ എന്നുള്ള ആ ചിന്ത കൊണ്ടവൻ ആ മുറിവിൽ മരുന്ന് പുരട്ടാൻ ശ്രമിച്ചു. അതിന് വേണ്ടി നഷ്ടപെടുത്തിയ ഒന്നിനും അവനോടുള്ള സൗഹൃദത്തിന്റെ ആഴമോ തിളക്കമോ ഇല്ലായിരുന്നു. ശിവാ... കടുത്തു പോയ കാശിയുടെ സ്വരം. ശിവ അവനെ നോക്കാതെ തന്നെ ഒന്ന് മൂളി. പറയെടാ.. എന്റെ ജാമ്യവും വിഷ്ണുവും തമ്മിലെന്താ ശിവ ബന്ധം..?" കള്ളത്തരം ചെയ്യുന്നത് പോലൊരു ഭാവത്തിലാണ് ശിവയുടെ ഇരുപ്പ്. അത് കൊണ്ട് തന്നെ കാശിക്ക് സംശയങ്ങൾ ഏറെയാണ്. അവന്റെ നെഞ്ച് വല്ലാതെ മിടിച്ചുയർന്നു. ഇരിക്കുന്നിടത്തു നിന്നും എഴുന്നേറ്റു കൊണ്ടവൻ ശിവയുടെ അരികിൽ ചെന്നു നിന്നു. "അത്... ശിവക്ക് സംസാരിക്കാൻ ഒരു ബുദ്ധിമുട്ടുള്ളത് പോലെയാണ്. പറഞ്ഞോ.. ശിവ.." കാശി വീണ്ടും ആവിശ്യപ്പെട്ടപ്പോൾ ശിവയൊന്ന് ശ്വാസമെടുത്തു. "ഈ കേസും വിഷ്ണുവും തമ്മിൽ എന്തെങ്കിലും ബന്ധമുണ്ടോ ശിവ.. നിനക്കറിയാമോ.. അവനാണോ എന്നെ കുടുക്കിയത്.." കാശി ചോദിക്കുമ്പോൾ ശിവ അല്ലെന്ന് തലയാട്ടി. "വാ തുറന്നു വല്ലതും മൊഴിയെടാ തെണ്ടി..മനുഷ്യനിവിടെ ടെൻഷൻ കൊണ്ട് പണ്ടാരമടങ്ങി നിൽപ്പാണ്.. അപ്പഴാ അവന്റെയൊരു മൗനവൃതം.." കാശി ഒച്ചയിട്ടു.. "നിന്റെ കേസുമായി വിഷ്ണുവിനു ബന്ധമില്ലെന്ന് തോന്നുന്നു കാശി.. പക്ഷേ.. പക്ഷേ നിനക്ക് ജാമ്യം എടുത്തു തന്നത്.. വിഷ്ണുവാണ്.." ശിവയുടെ സ്വരം വല്ലാതെ പതിഞ്ഞു പോയി.. നല്ല തമാശ.. ഇതവൻ നിന്നോട് നേരിട്ടു പറഞ്ഞതോ.. അതോ നീ സ്വയം കണ്ട് പിടിച്ചതോ..? " ശിവയോടത് ചോദിക്കുമ്പോൾ കൂടപ്പിറപ്പിനോടുള്ള അവിശ്വസം മുഴുവനും ഉണ്ടായിരുന്നു കാശ്ശിയുടെ വാക്കുകളിലും മുഖത്തും. "സത്യം തന്നെയാണ്.. എനിക്കറിയാം.." അപ്പോഴും ശിവ കാശിയുടെ നേരെ നോക്കുന്നില്ല. "നിനക്കെങ്ങനെ അറിയാം.." കാശി കുറച്ചു കൂടി ശിവയുടെ അരികിലേക്ക് നീങ്ങി നിന്നു. എന്തോ അനിഷ്ടം നടന്നെന്ന് കാശിക്കുറപ്പുണ്ട്. അതിന്റെ പ്രതിഫലനം പോലെ അവനുള്ളിൽ തിളച്ചു മറയുന്ന സംഘർഷങ്ങളുടെ അക്നിയപ്പോൾ അരികിൽ നിൽക്കുന്ന ശിവയെ കൂടി പൊള്ളിക്കുന്നുണ്ട്. "കൂടുതലൊന്നും നീ എന്നോടിപ്പോ ചോദിക്കല്ലേ കാശി.. എനിക്കിപ്പോ അതൊന്നും നിന്നോട് പറയാൻ വയ്യെടാ.. പക്ഷേ ഞാൻ പറയും.. എന്തായാലും പറയും.. അത് കേൾക്കാൻ നീയാല്ലാതെ മാറ്റാരാ.." ശിവക്ക് ശെരിക്കും സങ്കടം കൊണ്ട് വാക്കുകൾ ഇടറി പോകുന്നുണ്ട്. അതിനൊപ്പം കണ്ണുകൾ കൂടി നിറയാതിരിക്കാൻ അവൻ നന്നായി പാട് പെടുകയാണ്. എല്ലാം കൂടി ഒരുമിച്ച് കാശി അറിഞ്ഞാൽ തനിക്കുള്ളത് കൂടി ഒട്ടും കുറയാതെ തന്നെ കിട്ടുമെന്ന് ശിവക്കറിയാം. പക്ഷേ അത് പേടിയില്ല. ആ കിട്ടുന്ന ശിക്ഷ,അതിനി എന്തായാലും അത് ഏറ്റു വാങ്ങാനും അവനൊരുക്കമാണ്. അതിനേക്കാൾ അവനെ പിന്നോട്ട് വലിക്കുന്നത്.. ഇതെല്ലാം അറിഞ്ഞു കഴിഞ്ഞാൽ.. അവന് വേണ്ടി താൻ സ്വന്തം ജീവിതം പോലും ഓർക്കാതെ ഭവ്യയെ പോലെ ഒരുത്തിയെ ജീവിതത്തിൽ ചേർത്ത് വെക്കാൻ സമ്മതിച്ചു ഒപ്പിട്ട് കൊടുത്തത്തിന്റെ ബാക്കിയാണ് അവന്റെയീ ജാമ്യം എന്നറിഞ്ഞാൽ അത് സഹിക്കാൻ അവനെ കൊണ്ട് കഴിയില്ല.. കാശി തകർന്ന് പോകും എന്നുള്ളത് കൊണ്ടാണ് ശിവയത് വെട്ടി തുറന്നു പറയാത്തതും. "നീ പറയും ശിവ.. പറഞ്ഞിട്ടേ നീ പോകൂ.. എന്റെ ഏട്ടനെന്ന ആ വിഷ്ണുവിന്റെ ഒർജിനൽ മുഖം എന്നോളം നിനക്കറിയില്ല. നീ പറഞ്ഞത് പോലെ എന്നെ ജാമ്യം എടുത്തത് വിഷ്ണു തന്നെ ആണെങ്കിൽ.. അപ്പോഴും ഞാനിത് ഉറപ്പിച്ചത് നീ പറഞ്ഞത് കൊണ്ടാണ് ശിവ.. അല്ലായെങ്കിൽ എന്റെ ജാമ്യം അവന്റെ വകയാണെന്ന് ഞാൻ വിശ്വസിച്ചു തരില്ല.. മാറ്റാരു പറഞ്ഞാലും.അത്രയും.. അത്രയും അവനെ എനിക്കറിയാം.. " അങ്ങേയറ്റം മുറുകി തുടങ്ങിയ കാശിയുടെ വാക്കുകൾ. അതിനൊപ്പം തന്നെ ചുവന്നു തുടങ്ങിയാ അവന്റെ മുഖം.. ശിവക്കൊരു അസ്വസ്ഥത തോന്നി തുടങ്ങി. "പറഞ്ഞോ ശിവ.. വിഷ്ണു അങ്ങനൊരു കാര്യം ചെയ്തു എന്നാണെങ്കിൽ.. അത് നീ അവനോട് ആവിശ്യപ്പെട്ടിട്ടാണോ.അവനതിനു എന്താ നിന്നോട് പ്രത്യുപകരമായി ആവിശ്യപ്പെട്ടത്.. അത് പറയ്യ്.. അല്ലാതെ...വിഷ്ണു വെറുതെ എന്നെ ജാമ്യം എടുത്തു പുറത്തിറക്കില്ല.. അതിന് പുറകെ എന്തോ വലിയൊരു പണി വരും.. വന്നിരിക്കും.." കാശിക്കതിൽ അൽപ്പം പോലും സംശയങ്ങളില്ല. കാശി.. എടാ.. " ശിവ നെറ്റി തടവി.. " ആരാ എന്നെ കുടിക്കിയതെന്ന് എനിക്കിപ്പോഴും അറിയില്ല ശിവാ.. " "അതിന് നീ വേറെ ആളെ നോക്കണ്ട..ഡാ കാശി.അമ്പലപറമ്പിൽ അശോകൻ.. അല്ലെങ്കിൽ അയാളുടെ മരുമോൻ.. ഇതിൽ രണ്ടിൽ ആരോ ഒരാൾ.. എനിക്കിപ്പോ അതിലൊരു സംശയങ്ങളുമില്ല.." ശിവയുടെയും മുഖം കടുത്തു പോയി. നിലവിൽ അങ്ങനൊരു സംശയം കാശിക്കുള്ളിലും ഉള്ളത് കൊണ്ട് തന്നെ അവൻ ശിവ പറഞ്ഞതിൽ എതിരൊന്നും പറഞ്ഞില്ല. എന്നാലോ അനുകൂലിച്ചതുമില്ല.. "പക്ഷേ രണ്ടു ദിവസം മുന്നേ എനിക്ക് ജാമ്യം കിട്ടി. അതും ആരാണെന്ന് എനിക്കറിയില്ല. ഇറക്കാൻ വന്നവനെ ഞാൻ അന്നാണ് ആദ്യം കാണുന്നത്.. അവന് പിറകിൽ ആരാണെന്ന് ആ വക്കീൽ പറഞ്ഞതുമില്ല.ഞാൻ പുറത്തിറഞ്ജിയത് രണ്ടു ദിവസം ആരെയും അറിയിക്കരുത് എന്നൊരു ലോകത്തില്ലാത്ത എഗ്രിമെന്റ് വെച്ച് കൊണ്ടെന്നെ പുറത്തേക്ക് കൊണ്ട് വന്നതെന്റെ പ്രിയപ്പെട്ട ഏട്ടൻ ആണെങ്കിൽ.. പറഞ്ഞോ..ശിവ എന്താ അവനതിനു നിന്നോട് ആവിശ്യപ്പെട്ട പ്രതിഫലം.. ലക്ഷം.. കോടീ..." പുച്ഛത്തോടെ കാശി ശിവയെ നോക്കി.. "രണ്ടു ദിവസമായോ അപ്പൊ നീ പുറത്തിറങ്ങിട്ടിട്ട്.." ശിവ ആ വാക്കുകൾ മാത്രമാണപ്പോൾ കേട്ടത്. അതിന്റെ ഒരു ഞെട്ടലുമുണ്ടവന്റെ മുഖത്തും. "അതേ.. അതാരോടും പറയരുത് എന്നായിരുന്നു എന്നെ ജാമ്യത്തിൽ ഇറക്കിയതിന്റെ പ്രതിഫലം.." "പക്ഷേ എടാ.. ശിവകത് രണ്ടും കൂടി ഒത്തു ചേർന്നില്ല.. എന്താടാ.." അവന്റെയാ ഭാവം കണ്ടിട്ട് കാശി ചോദിച്ചു. ഒന്നുമില്ലെന്ന് തലയാട്ടി കാണിച്ചെങ്കിലും അവന്റെയാ മനസ്സിൽ വീണ്ടും സംശയങ്ങൾ പെരുകി. വിഷ്ണു വീണ്ടും ചതിച്ചോ..? തന്നെ കുരുക്കിലാക്കാൻ അവനൊരു കാരണം മാത്രമായിരുന്നോ കാശിയുടെ ജാമ്യം. അന്നവിടെ താൻ കാശി പുറത്തിറങ്ങി പോരാൻ വേണ്ടി ചെയ്തത്... മറ്റൊരു കെണിയാണോ..? തലയിലൊരു കടന്നൽ കൂട്ടം ഇരമ്പിയാർത്ത പോലെ ശിവയൊന്ന് തല കുടഞ്ഞു.. അവന്റെ മുഖം വലിഞ്ഞു മുറുകി.. കാശി.. ശിവ കാശ്ശിയുടെ നേരെ നോക്കി. "വിഷ്ണു... വിഷ്ണു വീണ്ടും ചതിച്ചെടാ.." കാശ്ശിയോടത് പറയുമ്പോൾ ശിവയുടെ ശബ്ദം വിറച്ചു. "തെളിച്ചു പറയെടാ.." ഒട്ടൊരു പതർച്ചയുണ്ടെങ്കിലും ശിവ നടന്നത് മുഴുവനും കാശിയോട് പറഞ്ഞു കേൾപ്പിക്കുമ്പോൾ അവന്റെ കണ്ണുകൾ നിറഞ്ഞു. ശ്വാസം പോലും അടക്കി പിടിച്ചത് മുഴുവനും കേട്ട് നിന്ന കാശിയുടെ കൈകൾ അത്യാവശ്യം കനത്തിൽ തന്നെ ശിവയുടെ മുഖത്തു പതിഞ്ഞത് വളരെ പെട്ടന്നാണ്.. അതും ഒന്നല്ല.. രണ്ടു തവണ.. തുടരും... അയ്ശേരി... ഇങ്ങനെ അറഞ്ചം പുറ‌ഞം തല്ലാനാണോ ഡാ അന്നെയാ ചെക്കൻ അവന്റെ ജീവിതം പോലും ഓർക്കാതെ പുറത്തോട്ട് കൊണ്ട് വന്നത്.. എന്നിട്ട് കൊടുക്കുന്ന ഗിഫ്റ്റ് കണ്ടില്ലെ..😬😬 റിവ്യൂ ഇട്ടിട്ട് പോണെ പിന്നേയ്.. ലിപിയിൽ പുതിയൊരു കഥ ഇന്ന് മുതൽ സ്റ്റാർട്ട്‌ ചെയ്യുന്നുണ്ട്.. അവിടുള്ളവർ ഒന്ന് കേറി നോക്കി സപ്പോർട്ട് ചെയ്യണേ 💥 സ്നേഹത്തോടെ jif💥 #💞 പ്രണയകഥകൾ #📔 കഥ