"ഭ്രാന്ത്.. " എനിക്കറിയാം... അയാൾ എനിക്ക് വേണ്ടി ഇപ്പോഴും ആ തീരത്ത് കാത്തിരിപ്പുണ്ടാകുമെന്ന്... പാതി ബാക്കിയായ തണുത്ത് പോയ ഒരു ചായ കോപ്പ അരികിലുണ്ടാകും.. കണ്ണുകളിൽ കഴിഞ്ഞ രാത്രിയിൽ കണ്ട സ്വപ്നത്തിന്റെ അരികുകൾ പറ്റിയിരിപ്പുണ്ടാകും.. സ്വപ്നത്തിൽ പോലും അരികിൽ വരാത്ത എന്നോടപ്പോഴും ഒരു പരിഭവവുമവനുണ്ടാകില്ല.. ഹൃദയത്തിൽ തുടിച്ചു കൊണ്ടേയിരിക്കുന്ന ഞാനെന്ന കവിതയ്ക്ക് "ഭ്രാന്ത് "എന്ന പേര് തിരഞ്ഞെടുക്കുമ്പോൾ പോലും ആ ചുണ്ടുകളിൽ നിഗൂഢമായ ഒരു ചിരിയുണ്ടായിരിക്കും.. മോതിരക്കല്ലിൽ ചുണ്ടുരസി പതുക്കെ എന്റെ പേരുരുവിട്ടു കൊണ്ടായിരിക്കും പ്രാർത്ഥനയെക്കുറിച്ചോർക്കുക.. തൊടിയിൽ വിരിഞ്ഞ പൂക്കളോട് എന്റെ ചിരിയെക്കുറിച്ച് പാടിപുകഴ്ത്തി വേദനിപ്പിക്കുന്ന ക്രൂരതയ്ക്ക് മാത്രം ഒരു കുറവുമുണ്ടാകില്ല... അപ്പോഴും ആ ശ്വാസത്തിൽ വേദനയുടെ നനവുണ്ടാകുമെന്ന് മാത്രമെനിക്കറിയാം. നിന്നെക്കുറിച്ചിത്രയുമറിയുന്ന എന്നെക്കുറിച്ച് നിനക്ക് എന്തറിയാം...? നിന്റെ ഹൃദയതടവറയിൽ മുറുക്കിയടച്ച് ശ്വാസം മുട്ടിക്കുന്ന വേദന തന്നിട്ട്.. "സ്നേഹിക്കുന്നു" എന്നവകാശം പറയാനൊരാളെന്നോ.. എനിക്കറിയാം.. അയാളിപ്പോൾ എനിക്ക് വേണ്ടി വെറുതെ കാത്തിരിപ്പുണ്ടാകും.. അവഗണകൾ മാത്രം സമ്മാനിക്കുന്ന എന്റെ നിസ്സഹായതയോട് എറ്റവും ക്ഷമിച്ചും കൊണ്ട്.. ഭ്രാന്തമായി അയാളയാളെ സ്നേഹിക്കുന്നുവെന്ന കാരണമെഴുതി ഞാനതിനെ കണ്ടില്ലെന്നിനിയും നടിക്കും..! Kadappad #📋 കവിതകള്‍ #💭 Best Quotes #💌 പ്രണയം