महाराष्ट्राच्या पारंपरिक खाद्यसंस्कृतीत अनेक स्वादिष्ट पदार्थ आहेत. त्यापैकी धोरडे हा एक खास आणि पारंपरिक पदार्थ आहे. विशेषतः महालक्ष्मीच्या सणाच्या काळात अनेक घरांमध्ये श्रद्धेने आणि प्रेमाने हा पदार्थ तयार केला जातो. गव्हाची रवा (सोयजी), ताक, लसूण, जिरे, कोथिंबीर लाल तिखट मीठ आणि हरभरा डाळीचे भरड यांचे मिश्रण करून चविष्ट पीठ तयार केले जाते. या पिठाचे छोटे-छोटे वडे बनवले जातात. त्यानंतर पाण्याला लसूण, जिरे आणि मसाल्यांची फोडणी देऊन त्यात हे वडे शिजवले जातात. मंद आचेवर शिजत असताना वड्यांमध्ये फोडणीचा सुगंध आणि मसाल्यांची चव मुरते. गरमागरम वाफाळलेले धोरडे वाढले की घरभर दरवळणारा सुगंध आणि त्यांची अप्रतिम चव प्रत्येकाला मोहवून टाकते. साधे साहित्य, पारंपरिक पद्धत आणि घरगुती प्रेम यांचा सुंदर संगम म्हणजे धोंडे. हा पदार्थ केवळ पोट भरणारा नाही, तर आपल्या संस्कृतीची आणि परंपरेची गोड आठवण जपणारा आहे. महालक्ष्मीच्या उत्सवात बनवले जाणारे हे वाफाळते धोरडे म्हणजे परंपरेचा, श्रद्धेचा आणि चवीचा अनोखा संगम! #😋आम्ही खादाडी🥧