महाराष्ट्रातील किल्ल्यात सर्वात सुंदर गणपतीचे मंदिर जर कोणत्या किल्ल्यावर असेल तर ते नाशिक जिल्ह्यातील बागलाणात वसलेल्या “मुल्हेर किल्ल्यावर गणेश मंदिर”....🚩 बागुलवंशीय घराणे (कारकीर्द इ.स.१३०८ ते १६३८) यांनी बागलाणची राजधानी म्हणून मुल्हेर किल्ला बांधला. या किल्ल्याच्या मध्यभागी गणपती तलाव व त्याच्या मागे काळ्या पाषाणातील गणेश मंदिर आहे. मध्यभागी खांब असलेला सुंदर तलाव व गणेश मंदिर मुल्हेर किल्ल्याचे खरेखुरे भूषण आहे. या गणेश मंदिराच्या गाभाऱ्यात शेंदूर फासलेली बैठी गणेशमूर्ती आहे. याशिवाय या गडावर सोमेश्वर महादेव मंदिराच्या भिंतीला टेकून ठेवलेली आणखी एक गणेशमूर्ती असून या गणपतीच्या सभोवती दगडी तोफगोळे शेंदूर फासून ठेवलेले आहेत. याच मुल्हेर किल्ल्याच्या बालेकिल्ल्यावर जाण्यासाठी दरवाजा बांधण्यात आला आहे. या दरवाजावर हातात ढाल तलवार घेतलेली शस्त्रसज्ज गणेशमूर्ती आहे. अशी गणेशमूर्ती कोणत्याही दुसऱ्या किल्ल्यावर वा गणेश मंदिरात आपल्याला पाहायला मिळत नाही... 💕 👌🏼♥️🔥 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त