📖നേർവായന എപ്പിസോഡ് :1416 ഇന്നത്തെ വിഷയം: ശിർക്ക് : മുന്നറിയിപ്പും ഭയപ്പെടേണ്ടതിന്റെ അനിവാര്യതയും ◼️ ഭാഗം- 02 (അവസാന ഭാഗം) ➖➖➖➖➖➖➖➖➖ 🔲عَنْ أَبِي سَعِيدٍ الْخُدْرِيِّ، عَنِ النَّبِيِّ صلى الله عليه وسلم قَالَ ‏”‏ لَتَتْبَعُنَّ سَنَنَ مَنْ كَانَ قَبْلَكُمْ شِبْرًا شِبْرًا وَذِرَاعًا بِذِرَاعٍ، حَتَّى لَوْ دَخَلُوا جُحْرَ ضَبٍّ تَبِعْتُمُوهُمْ ‏”‏‏.‏ قُلْنَا يَا رَسُولَ اللَّهِ الْيَهُودُ وَالنَّصَارَى قَالَ ‏”‏ فَمَنْ ‏”‏‏. അബൂസഈദ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു : നിശ്ചയം നിങ്ങള്‍ നിങ്ങളുടെ മുന്‍ഗാമികളുടെ പാത പിന്തുടരുക തന്നെ ചെയ്യും. ചാണിന് ചാണായും മുഴത്തിന് മുഴമായും. എത്രത്തോളമെന്നാല്‍ അവ൪ ഒരു ഉടുമ്പിന്റെ ഇടുങ്ങിയ മാളത്തിലാണ് പ്രവേശിച്ചിരുന്നതെങ്കില്‍ അവരെ പിന്‍പറ്റി നിങ്ങളും അതില്‍ പ്രവേശിക്കുന്നതാണ്. അല്ലാഹുവിന്റെ ദൂതരേ മുന്‍ഗാമികളെന്നാല്‍ ജൂതക്രൈസ്തവരാണോ വിവക്ഷ എന്ന് ചോദിക്കപ്പെട്ടു. നബി ﷺ പറഞ്ഞു : അവരല്ലാതെ പിന്നെ ആര്? (ബുഖാരി:7320) ഇക്കാര്യങ്ങളെല്ലാം നബി ﷺ പറഞ്ഞത് തന്റെ ഉമ്മത്തിന് ഗുണകാംക്ഷയോടെ ഉപദേശം നൽകുന്നതിനും, ഈ വലിയ പാപത്തെക്കുറിച്ചും ഗുരുതരമായ കുറ്റത്തെക്കുറിച്ചും അവർക്ക് മുന്നറിയിപ്പ് നൽകുന്നതിനും വേണ്ടിയാണ്. അല്ലാഹു നമ്മെയെല്ലാവരെയും അതിൽ നിന്ന് കാത്തുരക്ഷിക്കട്ടെ. ശിർക്കിനെ കുറിച്ച് ഭയമുണ്ടാക്കുന്ന കാര്യങ്ങളിൽ മറ്റൊന്ന്, ശിര്‍ക്ക് ചെയ്യുന്നവനും നരകത്തിനുമിടയിൽ മരണമല്ലാതെ മറ്റൊരു തടസ്സവുമില്ല എന്നുള്ളതാണ് . عَنْ عَبْدِ اللَّهِ، قَالَ قَالَ النَّبِيُّ صلى الله عليه وسلم ‏ :‏ مَنْ مَاتَ وَهْوَ يَدْعُو مِنْ دُونِ اللَّهِ نِدًّا دَخَلَ النَّارَ ഇബ്നു മസ്ഊദ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: അല്ലാഹുവിന് സമന്‍മാരെ വിളിച്ച് പ്രാ൪ത്ഥിച്ചുകൊണ്ട് ആരെങ്കിലും മരിച്ചാല്‍ അവന്‍ നരകത്തില്‍ പ്രവേശിച്ചതുതന്നെ. (ബുഖാരി:4497) പണ്ഡിതന്മാർ പറഞ്ഞു: തീർച്ചയായും നരകം ശിര്‍ക്ക് ചെയ്യുന്നവനോട് എത്രത്തോളം അടുത്താണ് നിൽക്കുന്നത് എന്നതിലേക്കുള്ള തെളിവാണ് ഈ ഹദീസ്. അതായത്, അവനും നരകത്തിനുമിടയിൽ മരണമല്ലാതെ മറ്റൊരു തടസ്സവുമില്ല. ഈ തെളിവുകളെല്ലാം ശിർക്കിനെ കുറിച്ച് വലിയ തോതിൽ ഭയപ്പെടാൻ ഒരു സത്യവിശ്വാസിയെ പ്രേരിപ്പിക്കുന്നു. ഈ ഭയം അവന്റെ ഹൃദയത്തിൽ ഈ ഗുരുതരമായ പാപത്തെക്കുറിച്ച് കൂടുതൽ പഠിക്കാനുള്ള താല്പര്യം ജനിപ്പിക്കുന്നു. എങ്കിൽ മാത്രമേ അതിൽ നിന്ന് ജാഗ്രത പാലിക്കാനും ജീവിതകാലം മുഴുവൻ അതിൽ നിന്ന് വിട്ടുനിൽക്കാനും സാധിക്കുകയുള്ളൂ. ഹുദൈഫ ഇബ്നുൽ യമാൻ رضى الله عنه വിനെ പോലെ. അദ്ധേഹം പറയുന്നു: كَانَ النَّاسُ يَسْأَلُونَ رَسُولَ اللَّهِ صلى الله عليه وسلم عَنِ الْخَيْرِ، وَكُنْتُ أَسْأَلُهُ عَنِ الشَّرِّ، مَخَافَةَ أَنْ يُدْرِكَنِي അല്ലാഹുവിന്റെ റസൂലിന്റെ ﷺ സ്വഹാബികൾ അദ്ദേഹത്തോട് നന്മയെക്കുറിച്ച് ചോദിക്കാറുണ്ടായിരുന്നു, എന്നാൽ ഞാൻ തിന്മയെക്കുറിച്ച് ചോദിക്കാറുണ്ടായിരുന്നു, അത് എന്നെ ബാധിക്കുമോ എന്ന ഭയം കാരണം. (ബുഖാരി:7084) ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ വിശുദ്ധ ഖുർആനിലെയും സുന്നത്തിലെയും തെളിവുകൾ വ്യക്തമാക്കുന്നത് ശിർക്ക് രണ്ട് തരത്തിലുണ്ടെന്നാണ്: വലിയ ശിർക്കും (الشرك الأكبر) ചെറിയ ശിർക്കും (الشرك الأصغر). ഇവ രണ്ടും അവയുടെ നിർവ്വചനത്തിലും വിധിയിലും പരസ്പരം വ്യത്യാസപ്പെട്ടിരിക്കുന്നു. വലിയ ശിർക്കിന്റെ നിർവ്വചനം ഇപ്രകാരമാണ്: അല്ലാഹുവിന്റെ റുബൂബിയ്യത്തിലോ (സൃഷ്ടിപ്പ്, പരിപാലനം തുടങ്ങിയ അധികാരം), അല്ലാഹുവിന്റെ നാമഗുണവിശേഷങ്ങളിലോ (അസ്മാഉ വസ്സിഫാത്ത്), അല്ലെങ്കിൽ ഉലൂഹിയ്യത്തിലോ (ഇബാദത്ത്) അല്ലാഹു അല്ലാത്തവയെ അവന് തുല്യമാക്കുക എന്നതാണ്. അല്ലാഹുവിന് മാത്രം അവകാശപ്പെട്ട ഏതെങ്കിലും സവിശേഷതകളിൽ മറ്റൊന്നിനെ അവന് സമമാക്കുന്നവൻ അതുവഴി വലിയ ശിർക്കാണ് ചെയ്യുന്നത്. ഇത് ചെയ്യുന്ന വ്യക്തിയെ ഇസ്‌ലാം എന്ന മില്ലത്തിൽ (മതത്തിൽ) നിന്ന് പുറത്തുപോകാൻ ഇത് കാരണമാകും. എന്നാൽ ചെറിയ ശിർക്കിന്റെ (ശിർക്കുൽ അസ്ഗർ) നിർവ്വചനം ഇപ്രകാരമാണ്: ഖുർആനിലും സുന്നത്തിലും ‘ശിർക്ക്’ എന്ന് വിശേഷിപ്പിക്കപ്പെട്ടതും എന്നാൽ വലിയ ശിർക്കിന്റെ അത്രയും ഗൗരവത്തിൽ എത്താത്തതുമായ കാര്യങ്ങളാണിവ. ഉദാഹരണത്തിന് അല്ലാഹു അല്ലാത്തവരുടെ പേരിൽ സത്യം ചെയ്യുക, ‘അല്ലാഹുവും താങ്കളും ഉദ്ദേശിച്ചത് പോലെ’ എന്ന് പറയുക, ‘അങ്ങനെ സംഭവിച്ചില്ലായിരുന്നുവെങ്കിൽ ഇങ്ങനെ സംഭവിക്കുമായിരുന്നു’ എന്ന് പറയുക തുടങ്ങിയവ. ഇത്തരം വാക്കുകൾ പറയുന്നവർ ഹൃദയം കൊണ്ട് ശിർക്ക് ഉദ്ദേശിക്കുന്നില്ലെങ്കിലും അവ ശിർക്കിന്റെ ഗണത്തിൽ പെടുന്ന സംസാരങ്ങളാണ്. ➖➖➖➖➖➖➖➖ Like Our Thread page: https://www.threads.net/@wisdom_media_channel ➖➖➖➖➖➖➖➖ പരലോകത്തെ വിധിയെ സംബന്ധിച്ചിടത്തോളം അവ രണ്ടും (വലിയ ശിർക്കും ചെറിയ ശിർക്കും) വ്യത്യാസപ്പെട്ടിരിക്കുന്നു. വലിയ ശിർക്ക് (ശിർക്കുൽ അക്ബർ) ചെയ്തവൻ നരകത്തിൽ എന്നെന്നേക്കുമായി വസിക്കുന്നവനാണ്. അവിടെ അവന് മരണം വിധിക്കപ്പെടുകയോ ശിക്ഷയിൽ ഇളവ് ലഭിക്കുകയോ ഇല്ല. എന്നാൽ ചെറിയ ശിർക്കിന്റെ (ശിർക്കുൽ അസ്ഗർ) അവസ്ഥ അതിനേക്കാൾ താഴെയാണ്. എങ്കിലും, അതിന്റെ ഗൗരവം കണക്കിലെടുക്കുമ്പോൾ അത് മറ്റ് വൻപാപങ്ങളേക്കാൾ (കബാഇർ) വലുതാണ്. قال عبد الله بن مسعود رضي الله عنه: لأَن أحلف بالله كاذبا أحبُّ إلي مِن أن أحلف بغيره صادقا. അബ്ദുല്ലാഹിബ്നു മസ്ഊദ് رضي الله عنه പറഞ്ഞു: അല്ലാഹുവിന്റെ നാമത്തിൽ കള്ളസത്യം ചെയ്യുന്നത്, അല്ലാഹു അല്ലാത്തവരുടെ നാമത്തിൽ സത്യസന്ധമായി സത്യം ചെയ്യുന്നതിനേക്കാൾ എനിക്ക് പ്രിയപ്പെട്ടതാണ്. കാരണം, അല്ലാഹു അല്ലാത്തവരുടെ പേരിൽ സത്യം ചെയ്യുന്നത് (സത്യസന്ധമാണെങ്കിൽ പോലും) ശിർക്കാണ്. എന്നാൽ അല്ലാഹുവിന്റെ പേരിൽ കള്ളസത്യം ചെയ്യുന്നത് ‘കളവ്’ എന്ന വൻപാപമാണ്. വൻപാപങ്ങളെ ഒരിക്കലും ശിർക്കിനോട് താരതമ്യം ചെയ്യാൻ കഴിയില്ല. ഇത് സ്വഹാബികളുടെ ആഴത്തിലുള്ള മതപരമായ അറിവിനെയാണ് സൂചിപ്പിക്കുന്നത്. ➖➖➖➖➖➖➖ Like Our Twitter: https://twitter.com/WisdomMedia_ ➖➖➖➖➖➖➖➖ ഈ വിഷയം – അതായത് ശിർക്കിനെക്കുറിച്ചുള്ള കാര്യവും അത് തിരിച്ചറിയലും – നാം ഏറ്റവും കൂടുതൽ ശ്രദ്ധിക്കേണ്ട മഹത്തായ കാര്യങ്ങളിൽ ഒന്നാണ്. ഭൂരിഭാഗം ആളുകളും ഈ വലിയ കാര്യത്തെക്കുറിച്ച് അജ്ഞരായപ്പോൾ, അവർ ശിർക്കിന്റെ ഗണത്തിൽ പെടുന്ന പല കാര്യങ്ങളിലും പ്രവൃത്തികളിലും ചെന്നുചാടി. തങ്ങൾ ചെയ്യുന്നത് എന്താണെന്നോ അതിന്റെ ഗൗരവമോ അവർ അറിയുന്നില്ല. ചിലപ്പോൾ പലവിധ പേരുകൾ നൽകി അവരിൽ ചിലർക്ക് സത്യം അവ്യക്തമാക്കപ്പെടുന്നു. അല്ലാഹുവിന് മാത്രമായി അർപ്പിക്കേണ്ട നിഷ്കളങ്കമായ ആരാധനകളിൽ നിന്ന്, നിഷിദ്ധമായ കാര്യങ്ങളിലേക്കും അതിലുപരി ശിർക്കൻ പ്രവൃത്തികളിലേക്കും തിരിച്ചുവിടാൻ ആ പേരുകൾ കാരണമാകുന്നു. അല്ലാഹു നമ്മെ കാത്തുരക്ഷിക്കട്ടെ. ➖➖➖➖➖➖➖➖➖ Source: Kanzul uloom #WisdomReels #wisdomyouth #WisdomIslam