🔥 शिवराज्याभिषेकासाठी 6 जूनच का ? याची उकल केली तर तुम्हाला तुमच्या प्रश्नाचे उत्तर तर मिळेलच, सोबतच छत्रपती शिवरायांना भारतीय उपखंडातील हवामान आणि भौगोलिक परिस्थितीविषयी किती सखोल ज्ञान होते याची प्रचितीही येईल. शिवरायांच्या काळात नैऋत्य मान्सून वारे, अक्षांश, रेखांश, हवेच्या कमी किंवा जास्त दाबाचे पट्टे, अल निनो-ला निनो वगैरे संकल्पना नव्हत्या. केवळ निरीक्षणं आणि अनुमान यावरच नैसर्गिक स्थितीचा अंदाज लावला जायचा. भारतात सर्वसाधारणपणे ७ किंवा ८ जूनला सूर्य मृग नक्षत्रात प्रवेश करतो. हा दिवस सहसा बदलत नाही. सूर्याचा मृग नक्षत्रात प्रवेश म्हणजे आपल्याकडे अधिकृतरित्या पावसाळ्याची सुरुवात मानली जाते. त्यामुळे दरवर्षी ७ जूनच्या आधीच शेतकरी आपापल्या शेतांची मशागत, जनावरांच्या चाऱ्याची झाकणी, पावसाळाभर पुरेल अशा सरपणाची सोय वगैरे कामे पूर्ण करुन पेरणीसाठी निवांतपणे पावसाची वाट पाहत बसलेला असतो. हा असा काळ असतो जेव्हा उन्हाळ्याची धग कमी झालेली असते. आकाश निरभ्र असते. वारे वाहत असतात. अधूनमधून उनसावलीचा खेळ सुरु असतो. वातावरण आल्हाददायक असते. दुसरी महत्वाची एक गोष्ट म्हणजे एकदा का सह्याद्रीत विशेषतः कोकणात पावसाने मुक्काम ठोकला की तो लवकर जात नाही. नद्या भरुन वाहत असायच्या. वाटा बंद झालेल्या असायच्या त्यामुळे शत्रू देखील पावसाळ्याच्या काळात सह्याद्रीकडे फिरकायचे धाडस करत नसायचे, त्या अनुषंगाने सुरक्षिततेच्या दृष्टीने देखील हा काळ योग्य होता. राज्याभिषेकासाठी गोरगरीब रयतेला, शेतकऱ्यांना येता यावे, शत्रूची भीती नसावी, वातावरण सोयीचे असावे अशा सगळ्या पार्श्वभूमीवर छत्रपती शिवरायांनी आपल्या राज्याभिषेक साठी ६ जून १६७४ किंवा ज्येष्ठ शुद्ध त्रयोदशी शालिवाहन शके १५९६ हा दिवस निवडला. महाराजांचा नक्षत्रांचा शास्त्रीय अभ्यास कामी आला. राज्याभिषेकासाठी दिवस निवडताना राजांनी पाऊस हा एक महत्वाचा घटक डोळ्यासमोर ठेवला होता. आज केवळ ज्येष्ठ शुद्ध त्रयोदशी आहे म्हणुन तिथीनुसारच शिवराज्याभिषेक करायचा म्हटलं, तर ही तिथी अनेकदा मागेपुढे होते, कधी कधी ती १८ जूनपर्यंत लांबते. अशा काळात कोकणात मुसळधार पावसाची सुरुवात झालेली असते. प्रवासाच्या दृष्टीने घाटमार्ग सुरक्षित नसतात. तेव्हा तिथी असो अथवा तारीख राज्याभिषेक साजरा करायचा तो आपल्या राजांचा हे महत्वाचे, तिथी असो वा तारीख तो धडाक्यात साजरा करा 😊 🚩 🚩 जय जिजाऊ 🚩 जय शिवराय 🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त