சிவம் என்பது ஒரு உருவம் அல்ல, ஒரு கடவுளின் பெயர் மட்டும் அல்ல. சிவம் என்பது இருப்பு. நீங்கள் எதையும் செய்யாமல், எதையும் நினைக்காமல், எதையும் திட்டமிடாமல் இருக்கிறீர்களே... அந்த வெறும் இருத்தல். அதுவே சிவம். தோன்றுவதும் மறைவதும் சக்தி. அது தோன்றுவதற்கு ஆதாரமாக இருக்கும் வெட்டவெளியே சிவம். எண்ணங்கள் வருகின்றன, போகின்றன. அந்த எண்ணங்களை பார்க்கும் இருப்பு மட்டும் மாறாமல் இருக்கிறது. உணர்வுகள் வருகின்றன, போகின்றன. அதை தாங்கும் இருப்பு மட்டும் அசையாமல் இருக்கிறது. உடல் மாறுகிறது, காலம் மாறுகிறது, திட்டங்கள் மாறுகின்றன. ஆனால் "நான் இருக்கிறேன்" என்ற அந்த அடிப்படை இருப்பு மட்டும் என்றும் இருக்கிறது. அதனால் தான் - தேட வேண்டாம், இருங்கள். திட்டமிட வேண்டாம், இருங்கள். போராட வேண்டாம், இருங்கள். இருப்பில் இருக்கும் போதே, சிவத்தோடு இருக்கிறீர்கள். இருப்பை உணரும் போதே, சிவமாகவே இருக்கிறீர்கள். சிவம் வேறு எங்கும் இல்லை. உங்கள் இருப்பாகவே இருக்கிறது. திட்டமிடாதீர்! இலக்கை அறிவி இறையிடம்!! அதுதான் தான் வாழ்வின் சூட்சமம். நாம் இலக்கையும் திட்டத்தையும் ஒன்றாக குழப்பிக்கொள்கிறோம். இலக்கு என்பது நம் ஆத்மாவின் வேண்டுதல். திட்டம் என்பது அதை எப்படி நடத்த வேண்டும் என்று நாம் போடும் ஆணவக் கணக்கு. ஒரு நொடியை நாம் திட்டமிடுவதே இல்லை. எழுவது முதல் உறங்குவது வரை, எந்த உடை, எந்த உணவு, எந்த மனிதர் நம் கண்முன் வர வேண்டும், எந்த இயற்கை நம்மை சூழ வேண்டும், எந்த மனநிலையில் நாம் இருக்க வேண்டும் என்று ஒவ்வொரு கணமும் அவன் திட்டமிட்டே அருள்கிறான். நம் திட்டம் இருக்கும் வரை தான் பதட்டம். "என் திட்டப்படி நடக்கவில்லையே" என்ற சலனம் தான் ரசனையை கொன்று விடுகிறது. ஆனால் இலக்கை மட்டும் அவனிடம் சமர்ப்பித்து விட்டால்.. "இறைவா, இது என் நோக்கம். இதை அடையும் வழியை நீயே வகுத்து என்னை நடத்து" என்று விட்டுவிட்டால், அதன் பிறகு நடக்கும் ஒவ்வொன்றும் பிரசாதமாகிறது. அப்போது தான் புரியும், நம்மை விட எவ்வளவு அழகாக, எவ்வளவு கருணையோடு, எவ்வளவு பேரன்போடு அந்த சிவம் நமக்காக திட்டமிடுகிறது என்று. இலக்கை கூட இப்படியும் அடைய முடியுமா என்று நாமே வியக்கும் வண்ணம் கூட்டிச் செல்வான். திட்டமிடாதீர்கள். அனுபவியுங்கள். உங்களை பிடித்து அழகாய் கூட்டிச் செல்லும் அந்த திட்டமிடுபவனை, எதிலும் எப்போதும் உணருங்கள். கேட்டதில் கிடைத்த ஞானம் விடுதலை! #🙏🔱ஓம் ந ம சி வா ய🔱🙏 #💥ஓம் ந ம சி வா ய💥 #🙏ஹர ஹர மஹாதேவ்⭐