🕊️സാലി 🕊️
15K views • 16 hours ago
അച്ഛന് മരിച്ചപ്പോള് അമ്മയ്ക്ക് കിട്ടിയ സര്ക്കാര് ജോലി; ഒടുവില് ആശ്രിത നിയമനം തട്ടിയെടുക്കാന് അമ്മയെ സ്കോര്പിയോ ഇടിപ്പിച്ചു കൊന്ന് 23-കാരി; ഏഴ് ലക്ഷം രൂപയ്ക്ക് ക്വട്ടേഷന് നല്കിയ മകളും ബന്ധുക്കളും കുടുങ്ങി! രാജസ്ഥാനെ നടുക്കിയ കൊലപാതകം ഇങ്ങനെ
ജയ്പൂര്: അച്ഛന് മരിച്ചപ്പോള് അമ്മയ്ക്ക് കിട്ടിയ സര്ക്കാര് ജോലി സ്വന്തമാക്കാന്, സ്വന്തം പെറ്റമ്മയെ ആസൂത്രിതമായി കാറിടിപ്പിച്ച് കൊലപ്പെടുത്തിയ 23-കാരി പിടിയില്! കേവലം ഒരു സര്ക്കാര് ജോലിക്കും കുടുംബസ്വത്തിനും വേണ്ടി സ്വന്തം അമ്മയെ വാടകക്കൊലയാളികളെ വിട്ട് കൊലപ്പെടുത്തിയ മകളുടെ ക്രൂരത കേട്ട് ഞെട്ടിയിരിക്കുകയാണ് രാജസ്ഥാന്.
രാജസ്ഥാനിലെ ജയ്പൂര് പ്രതാപ് നഗര് രവീന്ദ്ര നഗര് സ്വദേശിനിയും കോടതി ജീവനക്കാരിയുമായ നീരജ് ശര്മ്മ (45) എന്ന സ്ത്രീയാണ് മകളുടെ രാക്ഷസീയമായ ചതിയില് കൊല്ലപ്പെട്ടത്. സംഭവത്തില് നീരജിന്റെ മകള് ആയുഷി (23), സഹായികളായ ബന്ധുക്കള് ഉള്പ്പെടെ ആറുപേരെ പോലീസ് അറസ്റ്റ് ചെയ്തു. ആസൂത്രിത കൊലപാതകത്തെ വെറുമൊരു റോഡപകടമാക്കി മാറ്റി പോലീസിന്റെ കണ്ണില് പൊടിയിടാനായിരുന്നു ഇവരുടെ പദ്ധതി. എന്നാല് കൊല്ലപ്പെട്ട നീരജിന്റെ സഹോദരന് രാകേഷിന് തോന്നിയ സംശയമാണ് ഈ വന് ചതി പുറത്തുകൊണ്ടുവന്നത്!
ജയ്പൂരിലെ കോടതിയില് എല്.ഡി ക്ലാര്ക്കായിരുന്നു കൊല്ലപ്പെട്ട നീരജ് ശര്മ്മ. ഭര്ത്താവ് വിജയ് കുമാര് ശര്മ്മ സര്വീസിലിരിക്കെ മരിച്ചതിനെത്തുടര്ന്നാണ് നീരജിന് ആശ്രിത നിയമനത്തിലൂടെ ഈ ജോലി ലഭിക്കുന്നത്. എന്നാല് ഭര്ത്താവിന്റെ മരണത്തിന് പിന്നാലെ ഈ സര്ക്കാര് ജോലി തനിക്ക് വേണമെന്ന് മകള് ആയുഷി വാശിപിടിച്ചിരുന്നു. നീരജ് ഇതിന് സമ്മതിക്കാതിരുന്നതോടെ മകള് കടുത്ത വിരോധത്തിലാവുകയായിരുന്നു.
അമ്മ ജീവിച്ചിരുന്നാല് ജോലി കിട്ടില്ലെന്ന് ഉറപ്പായതോടെയാണ് ബന്ധുക്കളുമായി ചേര്ന്ന് ആയുഷി കൊലപാതക പദ്ധതി തയ്യാറാക്കിയത്. അമ്മയെ വകവരുത്തിയാല് ആ ജോലി ആശ്രിത നിയമനത്തിലൂടെ തനിക്ക് ലഭിക്കുമെന്നും, ഒപ്പം കുടുംബസ്വത്ത് മുഴുവന് തന്റേതാകുമെന്നുമായിരുന്നു 23-കാരിയുടെ കണക്കുകൂട്ടല്. ഇതിനായി ഏഴ് ലക്ഷം രൂപയാണ് ആയുഷി ക്വട്ടേഷന് സംഘത്തിന് നല്കിയത്.
തുടര്ന്ന് ജൂലൈ മൂന്നിന് റോഡിലൂടെ നടന്നുപോവുകയായിരുന്ന നീരജിനെ അമിതവേഗതയിലെത്തിയ സ്കോര്പിയോ കാര് അതിശക്തമായി ഇടിച്ചുതെറിപ്പിക്കുകയായിരുന്നു. അപകടമരണമെന്ന് വരുത്തിതീര്ത്ത് കാര്യം സാധിക്കാനിരുന്ന ആയുഷിയുടെ പ്ലാന്, പക്ഷേ അമ്മയുടെ സഹോദരന് പോലീസില് നല്കിയ പരാതിയോടെ തകരുകയായിരുന്നു. തുടര്ന്ന് പോലീസ് നടത്തിയ വിശദമായ ചോദ്യം ചെയ്യലില് മകള് കുറ്റം സമ്മതിക്കുകയായിരുന്നു. കാരുണ്യം അര്ഹിക്കാത്ത ഈ മകളുടെ ക്രൂരതയില് ഞെട്ടിത്തരിച്ചിരിക്കുകയാണ് നാടൊട്ടാകെ. #😪 സർക്കാർ ജോലി കിട്ടാൻ സ്വന്തം അമ്മയെ കൊന്ന് മകൾ #📹 ക്രൈം ഫയൽ #🆕 ലേറ്റസ്റ്റ് അപ്ഡേറ്റ് #📰ബ്രേക്കിങ് ന്യൂസ് #📳 വൈറൽ സ്റ്റോറീസ്
82 likes
46 comments • 450 shares
