राजेशाही आणि संस्थांनिक यांच्या शेवटच्या काळात संपूर्ण भारतात दोनच राजे असे होते ज्यांना खऱ्या अर्थाने लोकराजा म्हणता येईल. राजर्षी आणि सयाजीराव गायकवाड. लोकराजा दूरदृष्टी, द्रष्टेपण म्हणजे काय याच उत्तर म्हणजे राजर्षी !! आजच्या राज्यकर्त्यांना सगळी सत्ता, घटनादत्त अधिकार असताना ज्या सुधारणा करायला धाडस सहज होत नाही त्या सुधारणा शंभर वर्षांपूर्वी करणारा खराखुरा जनतेचा राजा, छत्रपती !! प्राथमिक शिक्षण मोफत आणि सक्तीचे असावे असा कायदा करणारा राजा म्हणजे शिक्षणाचे नेमके महत्व ओळ्खलेला द्रष्टा. तेही आजपासून शंभर वर्षांपूर्वी. सगळ्या मुंबई इलाख्याचे शिक्षण बजेट एकाबाजूला आणि करवीर संस्थानचे बजेट एका बाजूला. आपली प्रजा शिकून शहाणी व्हावी अस वाटणारा राज्यकर्ता लाखात नव्हे करोडो लोकांत एखादाच. मुलांसाठी बोर्डिंग ,हॉस्टेल काढणारा, आधी अस्पृश्याना वेगळ्या शाळांची तरतूद करून नंतर त्यांना शाळेची सवय गोडी लागली की वेगवेगळ्या शाळा बंद करून सगळ्याना एकत्र बसवणारा दूरदर्शी राजा. आंतरजातीय विवाह करावेत अस नुसतं सांगून गप्प न बसता आपल्याच कुटुंबात त्याच कृतिशील उदाहरण देणारा राजा, तोफा वितळून शेतीची औजार करणारा राजा, दुष्काळात लोकांसाठी अन्नछावण्या, रोजगार योजना आखून पार पाडणारा, धरण बांधून सिंचनाची व्यवस्था करणारा राजा, साथीच्या रोगात त्याकाळी आयसोलेशन सेंटर उभारून लोकांना वाचवणारा राजा, ज्याचा अभिमानाने वारसा सांगावा असा राजा. लोकराजा हे बिरुद सार्थपणे मिरवणारा एकमेव राजा !! राजर्षी शाहूंचा आज स्मृतिदिन !! राजर्षी !! टीप : सोबतचा फोटो इतिहास संशोधक इंद्रजित सावंत यांनी प्रकाशित केलेल्या राजर्षी शाहूंच्या चित्रमय चरित्राचे मुखपृष्ठ आहे. #😊Feeling happy #🔴आजचे ताजे अपडेट्स📰 #👌हृदयस्पर्शी फोटो #🏛️राजकारण #👌प्रेरणादायी स्टेट्स