ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlGdNmnQ?d=n&ui=v64j8rk&e1=cനിന്നിലലിയാനായ് പ്രണയമേ 💔 3 "എന്തിനാ സുചി നീ ഇങ്ങനെ കരയണേ..." അവളുടെ മറുപടി പ്രതീക്ഷിച്ചിരുന്നുവെങ്കിലും അവളിൽ നിന്നും ആ കണ്ണുകൾക്ക് അല്ലാതെ ചുണ്ടിന് ചലനമില്ലാതായിരിക്കുന്നു.. "സുചി ഞാൻ പറയുന്നതോ ചോദിക്കുന്നതോ എന്തെങ്കിലും നീ കേൾക്കുന്നുണ്ടോ.. എന്തെങ്കിലും ഒന്ന് വാ തുറന്നു പറയ്യ് പെണ്ണെ.." "ആദിയേട്ടാ...." "എന്താടോ.." "ഞാൻ കാരണം അമ്മയും ഏട്ടന്റെ ശത്രു ആയി അല്ലെ.." "ഹഹഹ... നല്ല കാര്യായായിരിക്കുന്നു... ഇതിനാണോ നീ ഇങ്ങനെ കരയണേ... എന്റെ പെണ്ണെ അമ്മമാർ എങ്ങനെ ആഹ്ടോ മക്കൾക്ക് ശത്രു ആകണേ.. അമ്മ എനിക്ക് ഒരിക്കലും അന്യ അല്ലടോ.. അപ്പൊ പിന്നെ ഞാൻ എങ്ങനെ അമ്മയെ ശത്രു ആക്കും.. ജീവിതത്തിൽ അമ്മയേക്കാൾ മൂല്യം മറ്റാർക്കും ഞാൻ നൽകിയിട്ടില്ല.. ഈ നിനക്ക് പോലും.. എന്നിട്ടാണോ നീ ഇങ്ങനെ...." "പിന്നെ എന്തിനാ അമ്മയോട് അങ്ങനെ കയർത്തു സംസാരിച്ചേ..." "ഞാൻ പറഞ്ഞല്ലോ സുചി അമ്മയോളം മൂല്യം ഞാൻ നിനക്ക് നൽകിയിട്ടില്ല.. പക്ഷെ എന്റെ ജീവനും ജീവിതവും പകുത്തു നൽകാൻ ഞാൻ കൂട്ടി കൊണ്ടു വന്നൊരാൾ എന്റെ ഒപ്പം ഉണ്ട്.. അതാണ് നീ... എന്റെ പാതി... ആ നിന്നെ ആരു എന്ത് പറഞ്ഞാലും നോക്കി നിൽക്കുക അതെനിക്ക് ഇത്തിരി പ്രയാസം ആണ്.. അമ്മയോട് ഞാൻ കയർത്തു സംസാരിച്ചതല്ല.. ഇനിയും ഇങ്ങനെ മുന്നോട്ട് പോയാൽ ആ അമ്മ മകൻ ബന്ധത്തിൽ വിള്ളൽ വീഴരുത് എന്നാഗ്രഹിച്ചു സംസാരിച്ചു പോയതാണ്.. കാരണം അത്രത്തോളം ഉണ്ട് ഇവിടെ അമ്മയുടെ മനസ്സ് നിയന്ത്രിക്കാൻ കുറച്ചു ആളുകൾ.." "എന്നാലും...." "ഒരേന്നാലും ഇല്ല.. നീ കിടന്നു ഉറങ്ങ് സുചി..." പിന്നെ മറുത്തൊന്നും പറയാതെ അവന്റെ നെഞ്ചിൽ ചാഞ്ഞു മയങ്ങുമ്പോൾ വല്ലാത്തൊരു സതൃപ്തി അവളുടെ മുഖത്ത് പ്രകടമായിരുന്നു.. താൻ സുരക്ഷിത ആണെന്ന തോന്നൽ ഉള്ളത് കൊണ്ടാകാം.. അവളുടെ നെറുകയിൽ തലോടി ഉറങ്ങാൻ കഴിയാതെ എന്തൊക്കെയോ ചിന്തിച്ചു കിടക്കുകയായിരുന്നു ആദി. കുറച്ചു മാസങ്ങൾക്ക് മുൻപ് മുബൈയിൽ ഒരു ജോലിയുടെ ആവശ്യത്തിന് ആണ് സുഹൃത്തിനൊപ്പം പോകേണ്ടി വന്നത്.. പരിചിതമല്ലാത്ത സ്ഥലം ആയതിനാൽ നല്ല ടെൻഷൻ ഉണ്ടായിരുന്നു.. എന്നാൽ സുഹൃത്തിനൊപ്പം പോയി എന്നല്ലാതെ ആ ജോലിയെ കുറിച്ച് ഉള്ള ഒരു വിവരങ്ങളും നന്നായി അന്വേഷിച്ചിരുന്നില്ല.. അവിടെ നേരിട്ടെത്തി അന്വേഷിക്കാം എന്ന അവന്റെ ഉപദേശത്തിൽ ഞാൻ എതിര് നിന്നില്ല... പക്ഷെ അവിടെ എത്തിയപ്പോൾ ആണ് അങ്ങനെ ഒരു സ്ഥാപനം പോലും അവിടെ ഇല്ലെന്ന് ഞാൻ മനസ്സിലാക്കിയത്.. ഒപ്പം ഉണ്ടാരുന്നവൻ അവന്റെ വഴി നോക്കി പോകുമ്പോൾ ആ നഗരത്തിൽ ഞാൻ മാത്രം അവശേഷിച്ചു.. പരിചയമില്ലാത്ത ആളുകൾ.... സ്ഥലങ്ങൾ.. ഒടുവിൽ കറങ്ങി തിരിഞ്ഞു എത്തി പെട്ടത് മറ്റൊരു ലോകത്തു.. മുബൈ റെഡ് സ്ട്രീറ്റ്..സ്വയം ഇല്ലാതാകുന്ന കുറേ ജീവിതങ്ങളുടെ തെരുവ്. അതും പെൺകുട്ടികൾ...മുംബൈ നഗരത്തിന്റെ ആനന്ദതെരുവാണ് പോലും... പക്ഷെ അവിടെ സ്വയം ജീവിതം അർപ്പിച്ചു അതാണ് തന്റെ ലോകം എന്ന് വിശ്വസിച്ചു ജീവിതം നഷ്ടപെടുന്ന കുറെ ആത്മാക്കൾ ഉണ്ട് .. പകലിനെക്കാൾ കൂടുതൽ രാത്രി മറ്റുള്ളവർക്കായി ഹോമിക്കുന്നവർ.. സാഹചര്യം കൊണ്ടും കഷ്ടതകളും മൂലം ഒരു നേരത്തെ അന്നത്തിനു വരെ ശരീരം വിറ്റ് ജീവിക്കേണ്ടി വന്നവർ.... ചതിയിലൂടെ അവിടെ എത്തപെട്ട ചില പെൺജന്മകളും അവർക്കിടയിൽ സ്ഥാനം പിടിച്ചിരുന്നു. രക്ഷിക്കാനോ സംരക്ഷണം നൽകാനോ ആരുമില്ലാതാവുമ്പോൾ രാത്രി അവർക്ക് അവരുടെ ഉപജീവനമാർഗം ആയിരുന്നു... അവരെ പഴിക്കാനും കഴിയില്ല... ഉരുകി തീരുന്ന ചില ബാക്കി പത്രങ്ങൾ ആയിരുന്നു ആ പാവങ്ങൾ.. എങ്കിലും ചതിയിലൂടെ അവിടെ എത്തപെടുന്ന കുട്ടികൾക്ക് മരണം മാത്രം ആയിരുന്നു ആ നിമിഷം സ്വയം രക്ഷക്ക് എത്തുക.. അങ്ങനെ തനിക്ക് മുന്നിൽ എത്തപെട്ടവൾ ആണ് സുചി... ദിക്ക് അറിയാതെ രാത്രി തനിക്ക് മേൽ പതിയുന്ന കഴുകൻ കണ്ണുകളിൽ നിന്നും രക്ഷ നേടാനായി മരണത്തിലേക്ക് അവൾ ഓടി അടുത്തപ്പോൾ രക്ഷകൻ ആവുകയായിരുന്നു ഞാൻ... ഉണ്ണിത്താൻ എന്ന നെറികെട്ടവൻ അവളെ എത്തിച്ചത് ആ നഗരത്തിലേക്ക് ആയിരുന്നു... പക്ഷെ ആപത്തു ഒന്നും സംഭവിക്കാതെ സ്വന്തം ശരീരത്തെ പൊതിഞ്ഞു ഒരു പൂച്ച കുഞ്ഞു കണക്കെ എന്റെ നെഞ്ചോരം ചേർന്നപ്പോൾ അവിടെ ഉപേക്ഷിച്ചു മടങ്ങാൻ എനിക്ക് ആയില്ല... മറ്റ് പല സ്ത്രീകളും അവളെ അത്ഭുതപൂർവ്വം നോക്കുമ്പോൾ അവരിൽ ഒരാളായി അവളെയും അവിടെ കാണാൻ എനിക്ക് കഴിയില്ലായിരുന്നു.. അവൾക്ക് എങ്കിലും സംരക്ഷണം കിട്ടണം എന്ന തോന്നലിൽ അവളുടെ കരങ്ങൾ പിടിച്ചു രക്ഷപെടുകയായിരുന്നു ആ നഗരത്തിൽ നിന്നും.ഒടുവിൽ ഇവിടെ ഏത്തപ്പെടാൻ നന്നേ പ്രയാസപ്പെട്ടു.. ഇവിടെ എത്തിയ ഉടൻ ആരോടും സമ്മതം വാങ്ങാൻ നിൽക്കാതെ താലി കെട്ടി കൂട്ടികൊണ്ട് ഇങ്ങു പോന്നു വീട്ടിലേക്ക്..വന്നപ്പോൾ മുതൽ അവൾ ഒരു അനാഥ ആണെന്നറിഞ്ഞപ്പോൾ അമ്മക്ക് അവളോട് അല്പം വാത്സല്യം തോന്നിയിരുന്നുവെങ്കിലും നാട്ടുകാർ പലതും പറഞ്ഞു തുടങ്ങിയപ്പോൾ അമ്മ അത് വിശ്വസിച്ചു സൂചിയെ തള്ളി പറയാൻ തുടങ്ങി... ഒടുവിൽ ഇവളെ കൂടെ കൂട്ടേണ്ടി വന്ന സാഹചര്യം കൂടി വ്യക്തമാക്കിയതോടെ അമ്മക്ക് ദേഷ്യം ഇരട്ടി ആയി. പക്ഷെ സുചി അങ്ങനെ ഒരു പെണ്ണല്ലെന്ന് എത്ര പറഞ്ഞാലും അമ്മ വിശ്വസിക്കുമായിരുന്നില്ല.. ഇനി അങ്ങനെ ഒരു പെണ്ണ് ആണെങ്കിൽ തന്നെ അമ്മ എതിർത്താലും അവളെ ഞാൻ കൈവിടില്ലായിരുന്നു...ഇനി എന്നാണോ അമ്മക്ക് സൂചിയെ അംഗീകരിക്കാൻ കഴിയുക.... " ഓരോന്ന് ഓർത്തു ആദിയും മയങ്ങിയിരുന്നു... ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ പതിയെ പതിയെ ആദി സൂചിയെ പഴയ ഓർമകളിൽ നിന്നും മാറ്റിയെടുത്തിരുന്നു.. അവളുടെ ഉള്ളിലെ സങ്കടങ്ങൾ എല്ലാം ആദിയുടെ കരുതലും സ്നേഹവും കിട്ടുന്നതിലൂടെ ഇല്ലാതാകുമായിരുന്നു... പഴയത് എല്ലാം മറന്നു തുടങ്ങിയ സുചി പതിയെ ആദിയുടെ പ്രണയം സ്വീകരിച്ചു... ഒടുവിൽ മനസ്സും കൊണ്ടും ശരീരം കൊണ്ടും അവർ ഒന്നായി തീർന്നിരുന്നു.. പിരിയാൻ കഴിയാത്ത വിധം..... അമ്മ ചില സമയങ്ങളിൽ വേദനിപ്പിക്കാറുണ്ടെങ്കിലും അത് സാരമായി സുചി കണ്ടിരുന്നില്ല.. ആദിയുടെ ജീവിതത്തെ കുറിച്ച് ഓർത്തുള്ള ഒരു അമ്മയുടെ വേവലാതി... അത് താൻ മനസ്സിലാക്കണമെന്ന് സുചി കരുതി... അമ്മയെ സാവകാശം സ്നേഹത്തിലൂടെ മനസ്സിലാക്കി കൂടെ നിർത്തണം എന്ന വാശി ആയിരുന്നു സൂചിക്ക് പിന്നെ ഉണ്ടായത്... അമ്മയുടെ മനസ്സിൽ ഉണ്ടായിരുന്ന തെറ്റിദ്ധാരണകൾ മാറ്റിയെടുക്കാൻ ആദി ശ്രമിച്ചെങ്കിലും അംബിക അവരുടെ നിലപാടിൽ ഉറച്ചു നിന്നു.. അമ്മ എത്ര ഒക്കെ എതിർപ്പ് പ്രകടിപ്പിച്ചാലും ആദിയുടെയും സൂചിയുടെയും പ്രണയത്തിനു അത് ഒരിക്കലും വിള്ളൽ ഏൽപ്പിച്ചില്ല.. അവരുടെ പ്രണയം പൂത്തുലഞ്ഞു. മനസ്സും കൊണ്ടും ശരീരം കൊണ്ടും അവർ ഒന്നായി കഴിഞ്ഞിരുന്നു.. മാസങ്ങൾ കടന്നു പോകവേ ഒരു ദിനം ആദിയുടെ ജീവിതത്തിൽ ഏറ്റവും അധികം സന്തോഷം ജനിപ്പിക്കുന്ന മറ്റൊരു വിശേഷം ഉണ്ടായിരുന്നു. സുചി ഒരു അമ്മ ആകാൻ പോകുന്നു... സൂചിക്ക് പറഞ്ഞു അറിയിക്കാൻ കഴിയാത്ത ഒരു വികാരം ആയിരുന്നു ഉള്ള് നിറയെ... തനിക്ക് ഇനി ഭൂമിയിൽ അവകാശിയായി ഒരാൾ കൂടി പിറവി കൊള്ളുന്നു.. തന്റെ പ്രാണന്റെ തുടിപ്പ്.. സൂചിയേക്കാൾ സന്തോഷം ആദിക്കുമുണ്ടായിയുന്നു.. ഇനി അമ്മയുടെ ദേഷ്യം എല്ലാം കെട്ടടങ്ങുമെന്ന വിശ്വാസം അവനുണ്ടായിരുന്നു.. അംബിക ഇതറിഞ്ഞപ്പോൾ മനസ്സിൽ അല്പം സന്തോഷം തോന്നിയിരുന്നുവെങ്കിലും പുറമേ അവർ അത് പ്രകടിപ്പിച്ചിരുന്നില്ല... പക്ഷെ സൂചിയെ കുത്തി നോവിക്കുന്നത് അവർ പിന്നെ തുടർന്നില്ല.. അവളെ അത്രത്തോളം care ചെയ്തില്ലെങ്കിലും അവളുടെ ഭക്ഷണകാര്യത്തിലും ഒക്കെ അവർ അല്പം ശ്രെദ്ധ പുലർത്തി.. മറ്റുള്ളവർ ഇത് അറിഞ്ഞു പലതും പറഞ്ഞു എങ്കിലും ആദി അത് ഒന്നും ചെവി കൊണ്ടില്ല... അംബികയുടെ മനസ്സിൽ വീണ്ടും കനൽ വാരി എറിയാൻ നാട്ടിലെ പല വനിത രത്നങ്ങളും ശ്രെമിച്ചു കൊണ്ടിരുന്നു.. സുചി പക്ഷെ അതിലൊന്നും ശ്രെദ്ധ പുലർത്താതെ കുഞ്ഞിനെ വരവേൽക്കാൻ ആയി തയാറെടുത്തു... ഒരു നിമിഷം പോലും കുഞ്ഞിനെ പറ്റി ചിന്തിക്കാതിരിക്കാൻ അവൾക്ക് കഴിയുമായിരുന്നില്ല... അത്രത്തോളം അവളിൽ ആ കുഞ്ഞു മാറ്റം വരുത്തി തുടങ്ങിയിരുന്നു... ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ സുചിക്ക് ഇപ്പൊ ഏഴാം മാസം കഴിഞ്ഞു എട്ട് ആരംഭിച്ചു.. ചടങ്ങുകളോടെ കൂട്ടി കൊണ്ടു പോകാൻ ആരുമില്ലാത്തതിനാൽ ഏഴാം മാസത്തിലെ ചടങ് അവർ വേണ്ടെന്നു വെച്ചു.. അല്ലെങ്കിൽ തന്നെ അതിലൊന്നും ആദിക്ക് താല്പര്യം ഉണ്ടായിരുന്നില്ല... കുഞ്ഞു വളരുന്തോരും സുചിയുടെ ബോഡിയിൽ മാറ്റങ്ങൾ വന്നു തുടങ്ങി.. സുചിയുടെ ബോഡി വളരെ അധികം വീക്ക്‌ ആയി വരുന്നുണ്ടാരുന്നു.. ഡോക്ടർ പറഞ്ഞത് പോലെ അവളെ നല്ലോണം ആദി care ചെയ്തു. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ അംബികക്ക് ഇടക്കിടക്ക് ഉണ്ടാകുന്ന നടുവേദന കലശലായപ്പോഴാണ് ആദി അമ്മയെ ഹോസ്പിറ്റലിൽ കൊണ്ടു പോകാൻ തീരുമാനിച്ചത്.. അപ്പോഴത്തെ സാഹചര്യത്തിൽ സുചിയെ കൂട്ടി പോകുന്നത് റിസ്ക് ആയത് കൊണ്ടു അവളെ വീട്ടിൽ നിർത്തിയിട്ടാണ് അവർ ഹോസ്പിറ്റലിൽ പോയത്.. അപ്പോഴും ആദിയുടെ മനസ്സിൽ ടെൻഷൻ ഉണ്ടായിരുന്നു.. എങ്കിലും ഇടക്കിടക്ക് സുചി വിളിച്ചു അവൾ ok ആണെന്ന് പറയുമ്പോൾ ആദിക്ക് ആശ്വാസം തോന്നും.. ഹോസ്പിറ്റലിൽ നിന്നും മെഡിസിനും വാങ്ങി ബിൽ പേ ചെയ്തു മടങ്ങും നേരം ആദി സുചിയെ വിളിച്ചിരുന്നു.. അവൾ ഉമ്മറത്തു കാത്തു നിൽപ്പുണ്ടെന്ന് പറഞ്ഞതും ദാ വരണൂ എന്ന് മറുപടി നൽകി ആദി ഫോൺ കാൾ cut ചെയ്തു. ഉച്ച കഴിഞ്ഞു അവരെ കാണാതായപ്പോൾ സുചി അവശത തോന്നി മയങ്ങാൻ കിടന്നിരുന്നു.. അടുത്തരുടെയോ സാമിപ്യം അറിഞ്ഞു അവൾ വേഗം കണ്ണുകൾ തുറന്നു... എന്നാൽ ആദിക്ക് പകരം അരികിൽ ഉള്ള ആളെ കണ്ടു അവളുടെ നെഞ്ച് വിങ്ങി... (തുടരും) കണ്ണൂർകാരൻ 🥰🥰🥰🥰 #✍ തുടർക്കഥ #💞 പ്രണയകഥകൾ #📔 കഥ #📙 നോവൽ #📚 ട്വിസ്റ്റ് കഥകൾ