दुसऱ्याच्या हवेलीत शिरणे मोठा मूर्खपणा आपली झोपडी शाबूत राखा. मनमाड नाशिक येथे रविवार दिनांक 16 जानेवारी 1949 रोजी झालेल्या सभेत डॉ. बाबासाहेब आंबेडकर म्हणाले, अस्पृश्य समाज हा इतर कोणत्याही समाजापेक्षा अधिक राजकारणी ,ज्ञानी समाज आहे त्याबद्दल मला बिलकुल शंका नाही .कोणत्याही समाजाची उन्नती त्या समाजाच्या शिक्षणाच्या प्रगतीवर अवलंबून असते. आपले राजकारण यशस्वी करण्यात आपल्या समाजास मोठ्या अधिकाराच्या जागा पाहिजेत म्हणजे मी म्हणतो माऱ्याच्या जागा काबीज केल्या पाहिजेत. जरी आपल्याला राखी जागा मिळाल्या नसल्या तरी भिण्याचे कारण नाही. आपण सात कोटी लोक आहोत .आपण जर संघटित राहिलो तरच आपला पक्ष बलवान होईल एक गोष्ट लक्षात ठेवली पाहिजे आपला जो राजकीय संघ शेड्युल कास्ट फेडरेशन त्यालाच आपण चिकटून राहिले पाहिजे. आपण जरी अल्पसंख्य असलो तरी स्वतःच्यात मनगटाच्या जोरावर संघर्ष करू. आपणास भिण्याचे कारण नाही. दुसरी गोष्ट अशी की आपल्याला कधी दुसऱ्या पक्षाशी संगनमत करावे लागेल .जो पक्ष आपले कल्याण करील. तोच आपल्याला जास्त जवळचा, ज्याचा कार्यक्रम जास्तीत जास्त आमच्या कार्यक्रमाची जुळेल त्या पक्षाची आम्हाला संगनमत करायला काही हरकत नाही. मग तो काँग्रेस असो, समाजवादी असो अगर बहुजन समाजवादी असो. वैयक्तिक कार्य करणे यासारखा मूर्खपणा नाही .मला तुम्हाला एक गोष्ट महत्त्वाची सांगायची आहे संघ सोडून तुटकपणाने दोघा-चौघांनी दुसऱ्या संघात सामील होणे म्हणजे आत्मनाश करणे होय. तुम्हाला माहीत आहे आपण कळपाने राहिले पाहिजे. "आपले घर सोडून दुसऱ्याच्या हवेली शिरणे म्हणजे मोठा मूर्खपणा आहे. आपली झोपडी शाबूत राखा. तसे न झाल्यास ब्राह्मणेतर पक्षांप्रमाणे आपली स्थिती झाल्याशिवाय राहणार नाही." आपली झोपडी मोडणे हे मला बिलकुल पसंत नाही. आपली झोपडी मोडून आम्ही काही करणार नाही. "आपल्या लोकांची नीतिमत्ता सोज्वल असावी .अस्पृश्यांचे भवितव्य अतिशय उज्वल आहे याविषयी खात्री बाळगा. काँग्रेस म्हणते परकीय सत्तेला हाकलून देऊन आम्ही क्रांती केली .त्याबद्दल त्यांना धन्यवाद. परंतु अर्धवट क्रांती होय. खरी लोकशाही निर्माण करायची असल्यास आज हजारो वर्ष डोक्यावर नाचत असलेला वरचा वर्ग खाली व समाजातील खालचा वर्ग वर गेल्याशिवाय खरी क्रांती होणार नाही. क्रांतीचे चक्र अर्धेच फिरले. आसासह चाक पूर्ण फिरल्याशिवाय खरी क्रांतीच होऊ शकत नाही ते चक्र आम्हीच फिरवू." संदर्भ: डॉ. बाबासाहेब आंबेडकर लेखन आणि भाषणे खंड 18 वा भाग 3 पान नंबर 138, 139 #viral #explore #trendingnow #reach #growth #facebookgrowth #facebook #fb #Posts #facebookpost. #💙 भीमसैनिक 💙 #bhimsenik #🪷बुद्धांची तत्वे📜 #🙂Positive Thought #🙏 प्रेरणादायक बॅनर