*వారిని మనం మార్చలేముగాని..!!* *''మనుష్యులు మీ సత్ క్రియలు చూసి పరలోకమందున్న మీ తండ్రిని మహిమపరచునట్లు వారియొదుట మీ వెలుగు ప్రకాశింపనియ్యుడి. (మత్తయి 5:16)* *లోకంలో ఉన్న వారిని ఎలాగైనా సరే మార్చేసెయ్యాలి' అని చాలా మంది అంటూ ఉంటారు. ఒక వ్యక్తి మరొక వ్యక్తిని లేదా లోకాన్ని మార్చడం సాధ్యమా? అసలు, ఒక వ్యక్తిలో మార్పును తీసుకువచ్చేది ఏమిటి? మనం ప్రేమించే వ్యక్తి మార్పు చెదాలంటే మనం చెయ్యవలసినది ఏమిటి? నాతోబాపాటు సేవలో పాలుపంచుకొనే ఓ సహోదరుడు ఎప్పుడు చూసిన ప్రార్థనలోనే కనిపించేవాడు. ఆ సహోదరుడు దేనికోసం ఇంతగా ప్రార్థన చేస్తున్నాడని తెలుసుకోడానికి.. నేను కూడా అనితో ఏకీభవిద్దాం అని వెళ్లి ఒకరోజు తన ప్రక్కన మొకరించాను. తాను ఈ విధముగా ప్రార్థన చేస్తున్నాడు - 'ప్రభువా..! ఈ భారతదేశం మొత్తాన్ని మార్చివేయడానికి నన్ను ఏర్పరచుకున్నావని నాకు తెలుసు. చూస్తూ ఉండు ప్రభువా..! ఏదో ఒక రోజు బారతదేశం మొత్తాన్ని మార్చేస్తా అని ప్రార్థిస్తుంటే నాకు వింత విచారము రెండు కలిగినవి.* *యేసుక్రీస్తు సర్వలోకానికి వెళ్లి సర్వసృష్టికి సువార్తను ప్రకటించమని చెప్పాడు కానీ ఎక్కడా దేశాలను, రాష్ట్రాలను మార్చి వేయమని చెప్పలేదు. ఆ సహోదరుడు ఆత్మీయతయైతే ఉంది కానీ అది పరిపక్వతలేని ఆత్మీయత.* *గమనించండి..! ఈ లోకములో మనము ఏ ఒక్కరినీ మార్చడం సాధ్యం కాదు. ఒక మనిషి మరొక మనిషిని మార్చలేడు కానీ ప్రభావితం చెయ్యగలడు. ''నరుని యొక్క ఆత్మ దేవుడు పెట్టిన దీపం'' (సామెతలు 20:27) ఆ ఆత్మ అనే దీపం సువార్త ద్వారా వెలిగించబడుతుంది. మనము సువార్తలో ఉన్న శక్తి ద్వారా వెలిగించబడ్డాము. వెలిగించబడిన మనము మరొక వ్యక్తితో సువార్తను పంచుకున్నప్పుడు.. సువార్తలో ఉన్న శక్తి (అగ్ని) ఆ వ్యక్తి యొక్క దీపాన్ని (ఆత్మను) వెలిగిస్తుంది. వాస్తవానికి మార్చేది మనము కాదు. పరిశుద్ధాత్మ దేవుడే, సువార్త అనే అగ్ని ద్వారా ఆ వ్యక్తిలో మార్పును తీసుకువస్తాడు కావున ఎన్నడూ కూడా మన స్వంత శక్తితో మరొక వ్యక్తిని మార్చే ప్రయత్నము చేయకూడదు. రక్షణలేని వ్యక్తికి సువార్త చెబుతూ.. అనితో మార్పును మనం కోరుకోవాలి. అతడు మార్పును కోరుకోవాలంటే.. ముందుగా అతను ప్రభావితం కావాలి. అతనినిప్రభావితం చేసేదే మార్పు చెందిన మన జీవితం. మన జీవితం ఇతరులను ప్రభావితం చేసేదిగా ఉండాలి.* *నెహెమ్యా కేవలం గోడలు మాత్రమే కట్టినట్లుగా చాలామంది భావిస్తుంటారు. నెహెమ్యా యెరూషలేము గోడలు కట్టడానికి దేవుని చేత ఏర్పరచబడిన అద్భుతమైన నాయకుడే కానీ జాగ్రత్తగా పరిశీలిస్తే గోడలు కట్టడానికి ఎంత ప్రాముఖ్యత ఇచ్చాడో.. అంతకంటే ఎక్కువ ప్రాముఖ్యత ఆ ప్రాకారము లోపట నివసించే ప్రజల జీవితాలను కట్టడానికి ఇచ్చాడు. ప్రజల జీవితాలను యంత్రాలతో నిర్మించడం సాధ్యం కాదు అనే సత్యము గ్రహించి... తాను ఎటువంటి జీవితం అయితే ప్రజలనుంచి ఆశించాడో అదే జీవితాన్ని తన క్రియల్లో చూపించి వారిని ప్రభావితం చేసాడు. ''నెహెమ్యా స్వార్థపూరితమైన మనుష్యులలో మార్పు తీసుకురావాలని ఆశించినప్పుడు తాను వాడిన ఆయుధము తన జీవితమే (నెహెమ్యా 5:14).* *గమనించండి..! ఈ లోకములో పాపము రోజు రోజుకు పెరిగిపోతుంది. చీకటి అన్నివైపుల నుంచి అలుముకొంటుంది దేవుని నమ్మకుండా, ఆయన ప్రేమను, క్షమాపణను పొందుకొనకుండా, ఆయన అనుగ్రహించు రక్షణ భాగ్యాన్ని అందుకోకుండా నశించిపోతున్న వారు ఈ లోకములో కోట్ల సంఖ్యలో ఉన్నారు. కావున చీకటిలో జీవిస్తున్న వీరు వెలుగు సంబంధులుగా మారాలంటే.. చీకటిలో నుంచి ఆశ్చర్యకరమైన తన వెలుగులోనికి పిలవబడిన మనము చీకటి జనులమధ్య లోకానికి దీపముగా వెలగాలి. అనేకమది వెలిగించబడే విధముగా.. వెలుగు సంబంధమైన క్రియలు ద్వారా మనము వారిని వెలిగించాలి, వారి జీవితాలు ప్రభావితం కావాలి. కావున, మాటలద్వారా లోకాన్ని లేదా మన చుట్టూ ఉన్న వారిని మార్చలేము కానీ మర్పు చెందిన జీవితాన్ని క్రియల్లో కనపచడడం ద్వారా ఇతరులను ప్రభావితం చెయ్యగలము. ప్రభావితం కాబడిన జీవితాలలో సువార్త తన క్రియను కొనసాగించి వారిలో మార్పు తీసుకు వస్తుంది. ''మీరు లోకమునకు వెలుగై యున్నారు'' (మత్తయి 514)* *మంచి ప్రవర్తనతో ఇతరులను ప్రభావితం చేయొచ్చు. (1 పేతురు 2:12)* *మంచి మాట తీరు ద్వారా ఇతరులను మార్చవచ్చు. (1 తిమోతి 4:12)* *ప్రేమ, విశ్వాసము చూపుటద్వారా ఇతరులను దేవుని వైపు త్రిపవచ్చు. (1 తిమోతి 4:12)* *పవిత్రముగా జీవించుటద్వారా ఇతరులను మార్చొచ్చు. (1 తిమోతి 4:12)* *స్థిరమైన జీవితం ద్వారా ఇతరులను ప్రభావితం చేయొచ్చు. (1 తిమోతి 4:16) (దేవునితో ప్రతిదినం)* ************************************ *ప్రతిదినం పరిశుద్ధంగా జీవించాలని ఆశపడుతున్నావా? నీ కోసమే ఈ గ్రూప్..!* *WhatsApp Community - link:* https://chat.whatsapp.com/GgA4dXmexxS3aMMqqRNead *************************************** *Telegram group Link* https://t.me/+XtII92fKOXAyNWQ9 ****************************** - మీ సహోదరుడు మోషే *- (Calvary Kiranalu )* *-(📲 9550576444)* *************************************** #Jesus #✝️తెలుగు క్రైస్తవ వాట్సాప్ స్టేటస్ ⛪️💒 #i love jesu #JESU I LOVE YOU JESUS #jesu #యేసు ప్రభువు