#🙏 भक्तिमय शुभेच्छा 💐 #🚩राम कृष्ण हरी🙏 #ओरीजनल शुभेच्छा 🌹🙏 अपार श्रद्धेची ... आषाढी एकादशीची ➖▪️➖▪️➖▪️ पंढरीची वारी.....महाराष्ट्राचा भव्य सांस्कृतिक भक्तीभावाचा सोहळा...... जातीधर्माच्या भिंती तोडून जनमाणसाच्या अपार श्रद्धेचा महासागर बघून कृतार्थ झाल्यासारखे वाटते.... हीच तर सतांची आध्यात्मिक शिकवण आहे..... आयुष्यातली सारी दुःख विसरून पांडुरंगाच्या चरणी लीन होण्यात जो आनंद आहे तो शब्दांच्या पलीकडचा आहे.... साहू, चोर, लहान, थोर, उच्च, नीच, गरीब, श्रीमंत हा भेदभाव विसरून प्रत्येकालाच विठ्ठलाची ओढ आहे हेच संत साहित्याचं यश आहे..... जीवनात त्याग वृत्तीला किती महत्व आहे हे या वारीवरून लक्षात येते....! या वारी निमित्याने समाजावर एक नैतिक दबाव कळत नकळत निर्माण होतो हे सांगणे न लागे.... हा उस्फुर्त असा अविष्कार आहे... स्वयंप्रेरणेतुन वारी घडते.... साऱ्या जगाच्या बापाच्या दर्शनाची ओढ तर प्रत्येकालाच आहे. कुणी श्रद्धा मानू या अंधश्रद्धा पण त्यातून मनस्वी कुणाला समाधान लाभत असेल, आनंद मिळत असेल तर वावगं ते काय ? पंढरीची वारी हा शिस्तीचा, अपार श्रद्धेचा, निर्मळ भक्तीभावाचा, दातृत्वाचा आणि सहिष्णू वृतीचा एक अजब चमत्कार आहे.... जवळपास पंचेविस लाख वारकरी आज पंढरपुरात असतात... पण कुणी उपाशी असल्याची, असुविधा, अस्वछता असल्याची तक्रार मात्र करत नाहीत हेच या अपार अशा भक्तीभावाची प्रचिती आहे. विठ्ठलाला कुणाला काय मागायचे नसते..... फक्त त्याचे दर्शन व्हावे एवढीच एक ईच्छा... किती समर्पित भावाचा हा सोहळा... जगाच्या पाठीवर एकमेव असेल.... त्याच महाराष्ट्राच्या पवित्र मातीत आपला जन्म झाला... हेच आपलं किती मोठं भाग्य... त्या संताच्या पायाची धूळ आपल्या कपाळी लागली यापेक्षा जन्माचं सार्थक काय असु शकतं? महाराष्ट्राचे मोठेपण याच सहिष्णू वृतीने जपले आहे. त्यागाची, समर्पणाची, शौर्याची आणि सहकार्याची हीच वृत्ती महाराष्ट्र हे नाव.... आहे त्यापेक्षा आणखी मोठं करेल यात तिळमात्र शंका नाही....! ........... *जय हरी विठ्ठल*............ 👏🏻👏🏻👏🏻👏🏻👏🏻👏🏻 🙏🏻