🪷163లింగ మహాపురాణం🪷 🍀శివుని అష్ట రూపాలు🍀 #నూటఅరవైమూడవభాగం# సనత్కుమారుడు నందీశ్వరుని పరమేశ్వరుడైన శివుని అష్ట బ్రహ్మాండ స్వరూపములను వివరించి చెప్పమని కోరాడు. నందీశ్వరుడు సరేనని "సనత్కుమారా! భూమి, జలము, అగ్ని, వాయువు, ఆకాశము, సూర్యుడు, చంద్రుడు, ఆత్మలను శివుని అష్టమూర్తులు అంటారు.  అందుకే మహర్షులు ప్రకృతికి పురుషుడైన సూర్యునికి అగ్నిహోత్రము అర్పిస్తారు. తద్వారా శివుడు శివాని విభూతులైన సర్వదేవతలు సంతుష్టులు అవుతారు. వృక్షపు మొదలులో నీరు పోయడం వలన కొమ్మలు, రెమ్మలు సంతృప్తి పడినట్లు దేవగణములు, శివుని విభూతులు శివుని పూజ అర్చన చేత సంతృప్తి చెందుతాయి. శివుని రూపమైన సూర్యుని ద్వాదశ విధములుగా పూజించాలి. ఎందుకంటే సూర్యుని రూపములన్ని అమృత రూపములు. సంజీవనిగా జీవులను రక్షిస్తుంటాయి. శివుని చంద్ర స్వరూపము సూర్య కిరణములను చల్లని వెన్నెల కిరణములుగా ప్రసరింప చేసి భూమి పై ఓషథులను పెరిగేట్టు చేస్తుంది. హిమవృష్టితో ప్రకృతిని ఆహ్లాదమయం చేస్తుంది. సూర్యాత్మక శుక్ల కిరణాలు ఉష్ణమును ఉత్పత్తి చేస్తాయి. తద్వారా జీవులు తినే ఆహారమును వండుకోగలుగుతున్నారు. అంతేకాదు సూర్యాత్మక రూపము నుంచి నక్షత్ర పోషకములైన హరికేశ కిరణాలు ఉత్పన్నమవుతాయి. అలాగే బుధగ్రహ పోషకములైన విశ్వకర్మ కిరణాలు, శుక్రగ్రహ పోషకములైన విశ్వవ్యచ కిరణాలు, లోహింతాగ పోషకములైన సంయతువచ కిరణాలు, బృహస్పతి పోషకములైన అర్వావసు కిరణాలు, శనైశ్చర పోషకములైన స్మరాట్ అనే కిరణాలు ఉత్పన్నమవుతున్నాయి. సుషమ్మ అనే శివుని సూర్యాత్మక కిరణాలు శిశిరమును పుష్టివంతం చేస్తున్నాయి. శివుని భౌతిక రూపము సోమ నామము చేత విశ్వములో భౌతిక పదార్థముల పోషకమై ఉంది. అమృత కళాత్మకమైన షోడశ రూపములలో సర్వప్రాణులలో ఉంటుంది. చంద్రుని షోడశ కళలు శివుని షోడశ శరీరరూపాలుగా చెప్పబడుతున్నాయి. సోమ అమృత రూపము దేవతలను, పితృదేవతలను తృప్తిపరుస్తుంది. శివుని భౌతిక రూపమైన చంద్రుడు సర్వ శరీరధారుల ఆత్మ శుద్ది కోసం, ఆరోగ్యం కోసం భూమి పై ఔషధుల వృక్షాలను పోషిస్తున్నాడు. శివుని సోమాత్మక జలము ఔషధుల అధిపతి రూపముగా చెప్పబడుతోంది.  బ్రహ్మాండము లోపల బయట గల జలము సర్వ ప్రాణులలో స్థితమై అనగా నివాసమై ఉంటుంది. అమృతమయమైన నదుల లోని జలము, సముద్రాలలోని జలము శివుని భౌతిక రూపము అని గ్రహించాలి. యజమానుడు అనే శివుని మరో రూపము పగలు రాత్రుళ్ళలో సర్వ దేవతలను హవ్యములతో, పితృదేవతలను కవ్యముతో పోషిస్తోంది. యజమాన రూపము గల ఈ శివ మూర్తి సంపూర్ణ చరాచర జగత్తును తన ఆహుతుల చేత ఉత్పన్నమయ్యే వృష్టి చేత పుష్టి చేకూరుస్తుంది. సర్వప్రాణులను పవిత్రము చేయు సంజీవని ప్రాణవాయువులో ఉంటుంది. విశ్వానికి బయటా లోపలా ఉన్న అగ్ని, యజ్ఞములలో అరణి చేత రగిలించ బడిన అగ్ని శివుని విశిష్టమైన రూపములు. సర్వ ప్రాణుల క్షేమము, ఆరోగ్యం కోసం శివుని భౌతికరూపమైన అగ్ని వారి దేహములలో ఉంటుంది. నలభై తొమ్మిది భేదములుగా చెప్పబడిన అగ్ని శివుని రూపమే అని వేదపండితులు అంటారు. వేదములు, శాస్త్రములు తెలిసినవారు జగత్తు బయట లోపలా, ప్రాణుల లోపల ఉండే వాయువు శివుని శక్తి స్వరూపము అని చెబుతారు. ఆది ప్రాణాది, నాగ, కూర్మ, మొదలైన వాయువులన్ని శివుని విభిన్న రూపాలు. జగత్తు బయటా లోపల గల ఆకాశము, ప్రాణులలో గల ఆకాశము శివుని శాంత స్వరూపము అవుతుంది. బ్రహ్మాది సకల దేవతలు శివుని దిశామయ రూపాలు. సనత్కుమారా! ఈశ్వరుని భక్తి రూపముగా ఐదు ఆకారములుగా పంచ భూతాలు ఏర్పడ్డాయి. వీటికి సూర్యుడు, చంద్రుడు, ఆత్మ కలిపి శివుని అష్ట బ్రహ్మాండ రూపములు అంటారు. ఈ అష్ట రూపము శివుని ఆత్మ. ఇది సకల చరాచరములలో దేదీప్యమానంగా ఉంటుంది. ఈ అష్ట శివమూర్తులకు శుభ క్షేమములు కోరువారు నమస్కరించి పూజించాలి. https://chat.whatsapp.com/4reG0oCONQn8mv7tsg6fiD?mode=gi_t #🌅శుభోదయం #🙏శుభాకాంక్షలు #🙏ఓం నమః శివాయ🙏ૐ *తరువాత కధ రేపటి భాగంలో చదువుదాం*. 🌹శ్రీకాంత్ గంజికుంట కరణంగారి సౌజన్యంతో🌹 💜   ఓం శ్రీఉమా మహేశ్వరాయ నమ:💜 🙏లోకా:సమస్తాః సుఖినోభవన్తు🙏 రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*      (సర్వం శ్రీశివార్పణమస్తు)                 🌷🙏🌷 శుభమస్తు 🌹 🌷 ♥️ 🙏 స్వస్తి. 🍀🌺🍀🌺🍀🌺🍀🌺🍀🌺