*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷🌷జూన్ 5🌷🌷🌷* *“క్షయమైన ఆహారము కొరకు కష్టపడకుడి గాని నిత్య జీవము కలుగజేయు అక్షయమైన ఆహారము కొరకే కష్టపడుడి” (యోహాను 6:27)* విశ్వాసులముగా మనము, ఆకలి గొనిన వారికి జీవాహారమును ఎట్లు ఇవ్వవలెనో ఎరిగి యుండవలెను. మన ప్రభువు నష్టపడుటకు ఇష్టపడడు (యోహాను 6:12). మన సమయము వృధా చేయకూడదను పాఠమును మనము కూడ నేర్చుకొందుము గాక! మనము డబ్బు కూడా వృధా చేయకూడదు, అనవసరముగా ఖర్చు చేయ కూడదు. మనము లెక్క చెప్ప వలసిన వారమై యున్నాము. నేను వివిధ దేశములకు ప్రయాణము చేయుటలో పది నెలలు గడుపు ఆధిక్యతను కలిగి యుంటిని. ఆ నెలలన్నిటిలో నేను ఒక టూత్ బ్రష్, రెండు టూత్ పేస్టులు ఈ మూడు వస్తువులు మాత్రమే కొంటిని. మరి దేనిని కొనుటకు దేవుడు నాకు స్వాతంత్ర్యము నివ్వలేదు. ఎందుకనగా డబ్బును మరి ఎక్కువ ఉపయోగకరముగా వాడవచ్చును. నాకు ఏ కొరత లేకుండా దేవుడు నా అవసరతలన్నిటిని పరలోకము నుండి తీర్చుచున్నాడు. ప్రభువు నాకు డబ్బు రూపములో చాల బహుమానములు ఇచ్చెను. అంతేగాక ఆ డబ్బును ఇతరులకు ఉపయోగించు ఆధిక్యతను ప్రభువు నాకు ఇచ్చెను. నేను మార్పు చెందిన ఆరంభములోనే ఈ పాఠమును నేర్చుకొంటిని. నా క్రైస్తవ జీవిత ఆరంభములో ఎవరైనను అడిగిన యెడల ఇవ్వవలెనని లేఖనము చెప్పుచున్నది గనుక, నేను చిన్న రాగి నాణెములను జమ చేసెడివాడను. ఒకనాడు ఒక భిక్షకుడు నా యొద్దకు వచ్చి నన్ను భిక్షమడిగెను. నేనొక నాణెమును అతనికి ఇవ్వదలచితిని గాని ప్రభువు “ ఇది నా డబ్బు, నా డబ్బు ఇచ్చుటకు నీకధికారము లేదనెను” నేను ఇవ్వవలెనని అనుకొంటిని గాని ఇవ్వలేకపోతిని. అప్పుడు నేను “ప్రభువా! నేను ఆ విధముగా ఆలోచించలేదు” అని చెప్పితిని. కాని ప్రభువు “అది నా ధనము, నేను నిన్ను క్రయము చెల్లించి కొంటిని. నీకు చెందినదంతయు నాదే. అది డబ్బయినను, సమయమైనను, సమస్తము నాకు చెందినదే” అనెను. నేను ప్రభువును క్షమాపణ అడిగితిని. అది ఒకవేళ చిన్న మొత్తమైనను నేను దానిని అనవసరముగా వ్యయ పరచరాదని ప్రభువు నాకు బోధించెను. *నీవు ఆకలి గొనినను, దప్పి గొనినను నీ ధనము దేవుని చిత్త ప్రకారము ఖర్చు పెట్టు చున్నావని నిశ్చయము చేసికొనుము*. అప్పుడు నీవు ఇతరులకు ఎట్లు సహాయము చేయవలెనో తెలిసికొందువు. అంతే గాక ఇతరులకు సహాయము చేయుటలో నీవెట్లు సహాయము చేయవలెనో తెలిసికొందువు. అంతే గాక ఇతరులకు సహాయము చేయుటలో నీవెట్లు ఆనందించగలవో తెలిసి కొందువు. ఎంత కొద్ది మొత్తమైనప్పటికిని, డబ్బు వృధా చేయకుము, ఎందువలననగా అది నీ డబ్బు కాదు, దానిని ఖర్చు చేయక ముందు నీవు ప్రార్ధించ వలెను. ఆయన నీ ద్వారా నీ చుట్టును ఉన్నవారిని తృప్తి పరచ గోరుచున్నాడు గనుక ప్రతి సారి ప్రభువు జవాబిచ్చు వరకు నీవు ప్రార్ధించ వలెను. నీ బలము విషయములో కూడా అంతే. నీకిష్టమైనన్ని సార్లు నిద్రించ వచ్చునని నీవు చెప్ప జాలవు. “ప్రభువా! నేను అలసిపోతిని, నేను నిద్రించ గోరుచున్నాను” అని నీవు చెప్ప వలెను కాని ఆయన “అది నా శరీరము, నీది కాదు, నేను క్రయము చెల్లించితిని” అని చెప్పును. ప్రభువే నీ నిద్రను తన స్వాధీనమందుంచు కొననిమ్ము. ఆ విధముగా నీ ధనము, సమయము, బలము ద్వారా ఇతరులకు సహాయము చేయుటకు నేర్చుకొందువు. ప్రభువు ఆశీర్వదించిన యెడల, చిన్న ముక్కలు కూడా ఆకలిగొనిన వారిని తృప్తిపరచు శక్తి కలిగియుండును. ఏదియును వృధా కాదు. నీవెక్కడికి వెళ్ళినను దేవుడు నీ ద్వారా పని చేయుటను చూడగలుగుదువు. మన యెడల ఆయన ఉద్దేశము అదియే. ఇతరులకు వర్తమానము ఇచ్చుటకు మనము జీవపు మాటలు కలిగి యుందుము. ఇతరులకు సహాయము చేయుటకు దేవుని శక్తిని కలిగి యుందుము. మనము ఏమియు చెప్పకున్నను, మన ఉనికి ఆశీర్వాదమును తెచ్చునదిగా ఉండగలదు. కొందరు వారి ఉనికి ద్వారా సంతోషము కలిగించు వారుగా నుందురు. మన వైఖరి ఇట్లుండ వలెను, “ ప్రభువా! ఆకలిగొనిన వీరిని తృప్తి పరచు ఆధిక్యత నిమ్ము” అని ప్రార్ధించుము. ఆయన తప్పక నీకు సహాయపడును. “వారు వెళ్ళనక్కర లేదు. మీరే వారికి భోజనము పెట్టుడి” (మత్తయి 14:16) ఇక్కడ “మీరే” అను పదమునకు – నీవు, మీరు అని అర్ధము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝