✒️𝐖𝐚𝐲 𝐓𝐨 𝐉𝐚𝐧𝐧𝐚𝐡 ఈ రోజు ఒక్క హదీస్ 💐 *అనంత కరుణామయుడు అపార కృపా శీలుడు అయిన అల్లాహ్ పేరుతో ప్రారంభం* 🪴హజ్రత్ అబూ బక్రా నుఫై బిన్ హారీస్ (రజి) కథనం ప్రకారం... 🌴దైవప్రవక్త (స) "ఘోరాతిఘోర పాపాలు ఏవో నేను మీకు తెలుపనా?" అని మమ్మల్ని అడిగారు. ఆయన ఇదే ప్రశ్న మూడు సార్లు అడిగారు . అప్పుడు ఆయన "ఇతరులను దైవనికి సమానంగా నిలబెట్టడం, తల్లిదండ్రుల పట్ల అవిధేయతకు పాల్ప డటం" అని తెలిపారు. ఆ సమయంలో ఆనుకొని కూర్చొనివున్న ఆయన ఒక్కసారిగా సరిగ్గా కూర్చొని “జాగ్రత్తగా వినండి! అబద్ధమాడటం, అబద్దపు సాక్ష్యాలు చెప్పడం కూడా (ఘోరాతి ఘోరమైన పాపాలే)” అని అన్నారు. ఇలా మాటిమాటికీ అదే మాట చెబుతూ పోతుంటే, చివరికి మాకు ఈయన ఇక ఈ మాటలు ఆపి మౌనం వహిస్తే బాగుండుననిపించింది (బుఖారీ- ముస్లిం) 📚 (సహీహ్ బుఖారీలోని సాక్ష్యాల ప్రకరణం, సహీహ్ ముస్లింలోని విశ్వాస ప్రకరణం) 🍁వివరణ : ఈ హదీసులో కొన్ని ముఖ్యమైన ఘోరాతిఘోర పాపాలను గురించి చెప్పటం జరిగింది. ఖుర్ఆన్ హదీసుల్లో కఠినంగా హెచ్చరించబడిన పాపాలే ఘోర పాపాలనబడతాయి. తల్లిదండ్రుల మాట వినకపోవటాన్ని బహుదైవారాధనతోపాటు ప్రస్తావించటం ద్వారా బహుదైవారాధనలాగే తల్లిదండ్రుల అవిధేయత కూడా మహాపరాధమని తెలుస్తోంది. అదేవిధంగా అబద్దమాడటం గురించి చెప్పినప్పుడు దైవప్రవక్త (సల్లం) ఆనుకొని కూర్చున్నవారల్లా ఒక్కసారిగా లేచి కూర్చున్నారు. దీనిద్వారా ఆయన దృష్టిలో అబద్దమాడటం, అబద్ధపు సాక్ష్యాలు చెప్పటం ఎంతటి ఘోరపాతకాలో అవగతమవుతోంది. 🛑 *ఇలాంటి మరెన్నో ఇస్లామీయ సందేశాల కొరకు మా what'sapp ఛానల్ ను ఫాలో అవ్వండి* https://whatsapp.com/channel/0029Va5GiDoDTkK7P7cVBx3y #Quran